البارت الرابع وعشرون

2.9K 189 184
                                    



مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه
مشاهده ممتعه.

قالتلي لي أحدى العارفات
هل اقرأ لك كف حينها
ضحكت بسخريه وقلت
كاذبه أنتي وأنا لاأومن بل خرافات
فبتسمت بكل ثقه وقالت لي هل هيه خرافه حقاً
أم إنك تحبها حب الجنون
صرخت بها كذب
المنجمون وأن صدقو
قالت هدء من روعك
فأنا لم اقرأ كفك قرأت عينيك

_________________________

عذراً امس مانشرت بارت بس ابشركم بنات بعد كل يوم ينزل بارت ❤️




سلام
رجعت منهم وانا كلبي احسه يريد يطلع من صدري من القهر من ورده
الي سوته طير عقلي وخلاني افقد أعصابي كلت اذا اشوفها اذبحها خلاص ماتوقعتها بهل جرأه تكسر كلامي ونفذت الي براسها
قررت اجيبها واعيد تربيتها من اول وجديد استغلت حبي الها تريد تذلني ماعاش اليذلني جنت متلحف بيها بس جنت معصب وره فتره هدأت

واول ماشفتها وشفت عيونها كلشي احس كلشي برد بيه قررت ارجعها واسامحها والي تريده اسويه الها
بس ماجنت اعرف هيه بعدها تشيل بكلبها عليه ومكدرت تنسى

حييل اذاني كلامها وجرحني انا روحي معلكه بيها شلون اعوفها وتنازل عنها بسهوله كل هذا وكلت حقها
وقررت اعوفها عد أهلها فتره ترتاح بلكي تنسى والبعد يحنن كلبها
اضطريت اهددها بلطفل بس هيه ولاجنها ابد ماحركت ساكن وعرفتها قافله

رجعت للبيت كبل نمت وحته ملابسي مابدلتهن لان  كل حيل مابيه
ثاني يوم كعدت وكل جسمي مكسر تكسير وراسي مسطور
كبل هاجمتني ذاكرتي بورده هيه موهنا
ورده مو يمي شلون كدرت تمشي كلامها عليه شلون وصلت يمها وماسويت شي ليش ضعفت يمها ليش سوت هيج وخربت حياتنه

شلون. سكتت وعفتها اريد اكتلها ضلت تجيلي هاي الافكار ووجع رأسي يزيد اكثر
كمت افتر بل غرفه واحس راسي يريد ينفجر لييييش لييييش وصلت يمها وكلشي ماسويت ليشش ماجبتها وشوفتها سلام شيسوي اذا كسرت كلامه
ليش ضعفت يمها وكل النيران الشابه بصدري طفت

صرت اشيل بلغراض واكسر وصارت كدامي صورت زواجنا شلتها وركعتها بل حايط تناثر الگزاز بكل مكان رجعت لزمت الصوره وشككتها
فقدت وصرت احجي وي  نفسي واكلها ماريد اشوف وجهج

ركضت على الكنتور مالتها فتحته وكمت اشمر بل ملابس مالتها بل غرفه وكل أغراضها اكسر بيهن

ماريد شي يذكرني بيها
ماخليت شي يخصها كل شي جمعته بل غرفه رحت للسطح اكو نفط نحط للصوبات الفوك جبت نفط
ورشيت الغرفه كلها ماريد شي يذكرني بيها ولا بلزواج اريد اخلص من كلشي لان تعبت ماعرف شنو يصيرلي فقدت على الآخر رشيت الغرفه كلها نفط وطلعت الجداحه شلت من ملابسها دمرته نفط وشغلت الجداحه ذبيتها بل غرفه ومارفلي جفن سديت الباب وطلعت صعدت لسطح البيت  ادخن اريد كلبي يبرد ماكو نيران مشتعله بكلبي احسها ماتنطفي اله بوجود ورده وانتقم منها شي كاعد علئ گلبي وسواس براسي حجي وصريخ
دقايق واسمع الصياح كب مال خواتي جوه
نزلت جوه وشفت امي والبنات يصرخن والولد يطفون بلغرفه

قناديل العتمه (مكتمله )حيث تعيش القصص. اكتشف الآن