مساء الورد والياسمين عليكم نجماتي 🌠🖤
قناديل العتمه
بقلم زهره
اللهم صل علئ محمد وال محمد
ممكن تعليق للفقرات وتصويت +متابعه
مشاهده ممتعه.
من هذا السواد البيه لا تخاف
التجارب تخلق ابنادم مثلها
تره اصعب خساره من الخسارات
التنسيك الخسارات القبلها 💔✨
..................
سلام
انا سلام عمري ٢٨ سنه عشت وتربيت ابغداد بس ولادتي واصلي موبغداد صرت بالريف عائلتي متكونه من ابوي وامي واخ واحد سامر وخوات 3 اختي الجبيره متزوجه
بالنجف وخواتي الباقيات يدرسن.
عندي عمام ثنين بس مانلتقي وياهم هواي بس بالمناسبات
أبوي گصاب جبير. معروف بلسوك ومعروف ابغداد الناس تجيه تتعناله من المحافظات
المحل ماله جبير و بيه عمال وسامر مرات يروح وياهم ابوي بس يشرف عليهم انا من زغري ماحب الدراسه
ولااطيقها بس ابوي يجبرني عليه صف خامس علمي رسبت وطلعت انا ورحيم صديقي ثنينه رسبنه وعفنه الدراسه شكد
شكد ابوي حاول وياي اكمل بس انا قافل ماحب المدرسه
أبوي كلي مدام رسبت تعال اشتغل وياي
احسن ماجيب عمال وخيرنه النا
اشتغلت كم شهر
وماحبيت الشغله كمت اتحجج بلمرض حته ما اطلع
وياهم أبوي مل من عدي
وكلي بعد ماشغلك وياي لو ادريك حسره عليك دينار
ماهتميت لكلام ابوي وره شهر قدمت على العسكريه
لان انا اعشق السلك العسكري اهلي ماقبلو وامي ضلت ضلت تبجي.
قنعت ابوي وامي بعدهه
سلام: يمه فدوه لگلبج هسه انا وين رايح شسالفه موهاي الناس كلهه بالعسكريه
ام سلام: ولك شلون تريدني اخليك تروح العسكريه الكلهه موت
سلام: منو كلج كلها موت منين جبتي هاذا الحجي يمه انا رجال شلون ترديني كاعد بلبيت مثل نسوان يمه انتي لازم تفتخرين انو ابنج عسكري بطل ويحامي عن ارضه وعرضه. لاتحرميني يمه انا احبها
تعبت وانا اقنع امي تعوف هذا الوسواس الشلعت گلبي بي
بست راسها
سلام: اذا تحبيني ادعيلي الله يوفقني
أبوي هم حجه وياهه وطمنها وخالتي هم اجت يمنه وحجت وياهه شويه هدأت وسكتت بس بعدهه ماقابله
كل شويه وتكلي عوف هاي سالفه
طلع قبولنه انا ورحيم وره ٤اشهر والتحقنه للتدريب
وصلنه للمكان الي نداوم بيه بقينه شهرين تدريب
ESTÁS LEYENDO
قناديل العتمه (مكتمله )
Chick-Litبحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " قريباً
