البارت الثامن عشر

3.6K 241 147
                                    


مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه

مشاهده ممتعه.

اعتذر بخصوص تأخر البارت بس البرج مال شبكه الساحبي عليه عطلان ولحد هسه مامسوينه ماعرف يمته يسوه وهسه علمودجن فعلت علئ النت بس كلش ضعيف كوه يحمل انا ابد مااحب الانتضار فلذالك احس بيجن وانا واعدتجن من قبل مااغيب ولاتأخر الا يصير عندي ضرف 🩷لافيو من القلب

"""""""""""""""
ورده

ثاني يوم العصر  جنت كاعده اغسل السلال مال البتيته والبصل
عمتي رايحه لبت اختها جايبه والبنات وياها
سمعت حركه وصوت الباب نفتح
طلعت من المطبخ وانا امسح بأديه حسبالي اجن
رفعت عيني وشفت سلام دخل
شفته وخرطت العافيه
ماعرفت شسوي كبل رجعت اركض  للمطبخ

صاح وراي بصوته الخشن

سلام:  اشردي اشردي والله انعل اهلج اليوم

كمت ارجع وكلبي احسه راح يوكف من الرعب الي سببه اليه
شمر الجنطه وخله أديه ثنينهن على الباب ونتجه والشر يطافر من عيونه
وجها صاير اسود وعيونه حمر طوخ شكله وشواربه ثخان وسود ونازله لحد حنكه
بلعت ريكي وانا ميته خوف منه
رفع راسه ليفوك ورجع دنك حرك ركبته يمنه ويسره

سلام: ليش تنهزمين
وغمز بس هاي المره غير حته حلكه عوجه مدري شلون

رجع كمل: يامعدله يامؤدبه هيج المره النادره تستقبل زوجها من يجي ماكل......... وطايح حضه وحظ اهله

حجيت بدون تفكير ولا عرفت شجاوب لان حضوره يمي يخليني ماعرف شحجي

ورده: مشفتك عبالي مو انته

سلام: ليش تخليني اهينج بت السطل. لج هاذا هم
عذر

نزلت راسي واني محصور كلبي ودمعتي نزلت كبل
خله وطلع وهوه يسب بيه وب اهلي أشكال الغلط
كعد على القنفه وصاح
سلام: وينج وين رحتي بت ال.......
رحت يمه

ورده : هااا شتريد ليش تسب بااهلي

سلام :اكلي خ......

طلع جكاره وخلاهه بحلكه وشمر الباكيت بصفه واشرلي بحواجبه على البسطال بمعنى انزعيه
::
كلت بكلبي شتغلت رحمه الله مال الخباثه ذكرت حازم ومصطفى هيج يسون بينه انا وخواتي كلشي جاي ينعاد عليه ماناويه ارتاح
فتحت القيطان وانا ايدي ترجف
نزعت البسطال وباوعت عليه لكيته مركز عليه
باوعت لنفسي لكيت صدري طالع منه شويه كمت على حيلي وعدلت نفسي
رحت للمطبخ حته اختفي منه ومن حضوره الي خنگني
فززني صوته حجه وهوه يريد يصعد الدرج
سلام: الحكيني بدون تأخير

قناديل العتمه (مكتمله )حيث تعيش القصص. اكتشف الآن