قدر مراهقة 2

الجزء 29

قدر_مراهقة2
#ميرال_مجد
#بقلم_فريال
الجزء 29
كمل بابا يوصي فيه وفيا دارلنا درس ومحاضرة طويلة عريضة مابغات تخلاص وحنا واقفين برا واحد ماهو لاتي بينا ناس ترقص وفرحانين وحنا في نص ندو في المحاضرات. كي جيت نركب فاللوطو دارو علينا صحابو ويضربو في البارود وفيميجان لحالة مقلبة تاع صح تقول اول عرس ومع شوي ظلمة جات كلش شباب، بقينا مدة واقفين حتى حبسو من البارود وركبنا فالطوموبيلات دارلي كورتاج جديد وكانت فرحتو كيف قبل فرق واحد برك وهي بنتنا معانا لمرة هذي وانا فرحانة نغني ونشطح ونتصور معاه. يسوق وشادلي يدي ولجين في حجري يغني وفرحان تقول اول عرس ليه قالي لوكان نموت ليوم قلبي راح يكون مرتاح لانو رجعتك ليا _ بعيد الشر عليك هذا ماخصني نتهجل على صغري _ خفتي على روحك _ انت راح تموت وتروح لقبرك وانا نبقى وحدي في دنيا هذي _ ايه تزيدي تتزوجي _ لا مبغيتش كرهت رجال اصلا نخاف نلقاه الوان ونتوخذ في عمري _ حتى وتحبي تتزوجي منخليكش _ تكون في قبرك ماعندك مادير _ نوصي ناس عليك لوكان تتخطبي يلحقوك ليا _ اخلايا شحال شرير قلبك كحل _ نحبك ياعمري ماتزعفيش _ مانزعف ماوالو. صمتو ورجعت نغني ونشطح مع بنوتي وفرحانة زاد نطق هو تاني وقالي ياعمري على مرتي وبنتي كيفاه فرحانين ربي يدومها علينا ان شاءالله ونبقاو مع بعض ديما .ازهاو واضحكو وفرحو ليوم هو يومنا واللية ليلتنا والحياة حياتنا (وزهر زهرنا ولوطو تاعنا والطريق تاع دولة ههههه) .ميرال ياحبيبة قلبي واجدة تروحي مع راجلك لدارك وتزهيها بوجهك لمنور ونعيشو حياتنا فلحلال نبداو من اول وجديد المرة هذي مانحتاج منك غير حاجة وحدة _ الي هي _ تحتارميني وانا تاني نحتارمك ونصونك مانغلط في حقك مانظلمك معايا اذا صرا مشكل نحلوه بيناتنا ومندخلو حتى واحد _ موافقة. كمل طريقو  ومرة على مرة يسرق بوسة مني ومن بنتو الحاجة لي عجبتني اني عشت الدور الي تمنينو وفالحلال بنتي كانت بين يديا وتلعب مع باباها ومعايا وتضحك ونهزلها يدها ونشطحها مرة على مرة يقولي توحشتك ونحبك وطيحي بين يديا مانخلي فيك نرجع لقديم وجديد يديا ماتنحاتش من فمو شواربو دافيين من الحنانة والحب لي عندو مرات نحب نستسلم قدامو بصح نفيق لعمري ومنضعفش مستحيل نعتارف بحبي ليه مستحيل نخليه يضمني وبعدها يتبدل راح نبقى معاه بصح نخليه ديما خايف من انو نتخلى عليه في يوم من الايام.
#فريال