#قدر_مراهقة2
#ميرال_مجد
#بقلم_فريال
الجزء 06
خرجت رحت ديراكت لعند رنيم قولتلها علاه حطيتيها قدامي ياك قولتلكم مبغيتهاش تقربلي _ شبيك تاكلي في روحك وياك حطيت بنتك مش بنت ناس وزيد طفلة صغيرة رقدت مكانش وين نحطها باباها مدهالي لبرا كاين شوي برد عليها وماعيات فيا بنت عمتك بغات تشدها مقبلتش موصيني مجد من يدي ليدك انت مكانش الي يدنا ليها _ والكلبة هذي شبيه قسامها جايبتها عڨاب بنتي وش دخلها فيها تروح تلهى ببنات خواتاتها ولا تروح تقود تجيب ولاد من ق*** وتربيهم خامجة _ بلعقل على روحك يعود يطرطقلك عرق متخافيش مكانش الي يقيسلك بنتك من غيرك انت وحدة ماتربيها _ بغاو يربوها ولا يقودو ميهمنيش فيهم هاهي ليهم خليتهالهم _ بلعيه بزايد صاي كثرتي على ماوصاك كنت نساعف فيك قولت تعبانة وتضغطت والشي الي فات عليك مهوش ساهل بصح انت غير ماتزيدي فيها وش يبالك منيش فايقة وشايفة وش كنتي ديري _ كيفاه؟ وش درت انا _ متلعبيهاش بغلة قدامي ڨبيل كي حطيت لجين قدامك كنت عارفة بلي مكيش راقدة وبالذمة خليتهالك وخرجت بقيت نشوف فيكم من الثقبة تاع الباب (الثقبة هذيك الي تجي وين يتلاح المفتاح) وعلبالي بيك ديما هكا ديري بنتك تحبيها ومش مفرطة فيها راكي تلعبي على روحك برك اما حنا رانا فايقين وعارفين كلش وبالاخص انا الي نعرفك مليح متقدريش تفوتيها عليا وذوك اخرجي قدامي بزايد ماتهربي ذوك شوي هكا تلبس اسراء لاغوب بلونش ويدخل خوك يركبلها الخاتم ويقسمو لابياس مونتي روحي قدامهم بينيلهم بلي راكي فرحانة وحاجة ماتكسرك وبالاخص قدام عمتك وبنتها راني نشوف فيهم يلحلحو على عجوزتك ويشكرو ويعاودو حتى ماما قالتلي بلي وين مايلقاو لعجوز يهدرو فيك ويقولولها طلقيها وزوجيه ولعجوز غير ساكتة ماقالت والو بصح لوكتاه راح تبقى ساكتة وهي تشوف ولدها تمرمد بين لخدمة وتربية الطفلة بالاخير تبقى عجوز وام تاني راح دير حل لولدها وحتى ولو كان الحل هذا هو انو تزيد تزوجو _ تزوج نعيها والله ماصرات هذاك راجلي تاعي مكتوب على اسمي وحدة ماتديه من بعدي انا مرتو لولى ولخرا من بعدي حرمت عليه نسا كامل وذوك نخرج نهردهم لقحاب سكت شوي حبو يركبو فوقي قلو عليهم رجال حتى يدورو براجلي ولا العطايين الي كانت دور معاهم بنتها ميصلحوش عليها دارت على مجد خرية الليلة ليلتها _ اي صحيتي اهجمي عليها نتفيها وريلها ميرال لقديمة وش قادرة دير على صوالحها _ ايه باينة هذي ليلة شعر يطرطق غاية نخليها زي دجاجة المنتوفة اصلا بقاولها زوج شعرات نطيرهم ونتهنى.
#فريال
![](https://img.wattpad.com/cover/361647013-288-k543583.jpg)
YOU ARE READING
قدر مراهقة 2
General Fictionقصة حقيقية من الغرب الجزائري مراهقة غير مبالية للحياة تدمرت حياتها بسباب لسانها الطويل. عمرها 17سنة بين ليلة ونهار لقات روحها متزوجة بالانسان الي تكرهو ومتحملوش.ومع لوقت تبدلت نظرتها للحياة ورجعت انسانة واعية ومتفهمة وناضجة بعد مادات بزاف ضربات خلا...