قدر مراهقة 2

الجزء 80

#قدر_مراهقة2
#ميرال_مجد
#بقلم_فريال
الجزء 80
رجعت لداري عايشة زي ناس مع شوي مناقرات مع راجلي مجد العزيز ( لوكان منهبلوش ونقلقو في نهار نموت يطرطقلي عرق نهبل منقدرش ها والفت نقلقو ونخليه يسب ولحد الان مزال ماخرج الوحش الي بداخلو راهو غير يساعف فيا)، بالنسبة لوائل ورنيم مزالهم متعاركين وهي مخشنة راسها وهو عيا يحلل فيها كي شافها دير هكاك خلاها ومزادش حكا معاها اما خليل واسراء عايشين غاية ربي يحميهم ويبعد عليهم عيون الحساد واسيل وراجلها وولادها تاني عايشين غاية بعيدا على لافامي وجوه لبق ريتال مزالها عند بابا ومرتو عينا فيها باش تجي والو مبغاتش ولحق يقال مرتو مهتمة بيها بزاف وحاطتها في عينيها مام ريتال والفت بيها، اما وجوه الشر هذوك الي بسبابهم خويا وائل رجع يسكر وعلى شعرا باصى مر حياتو زدتلهم ضربة مسڨمة روحت لوحدة جارت جداتي انا ورنيم وهي معروفة بلي قرعاجة وتحب تفضح ناس ومتشدش لهدرة خلاص تلاڨينا وهي بقات تجبد في لهدرة منا وحنا لعبناها عاقلين ومتأثرين وحكينالها كلش كلش كيفاه دخلو للحبس ووعلاه دخلو ووش دارو كامل حكيناه ايا هي كعاد عاقلة بزاف وصاحبة واجب وخدمتها تخدمها على اكمل وجه راحت فضحتهم في الكارتي وحكاتلهم كلش وهذا يحكي لهذا ويزيدو فيها شوي حتى لحقت لعمومي وبابا ونسا عماماتي وكثر لقيل ولقال عليهم جداتي متحملتش لفضيحة وتحلفت في بناتها قالتلهم متبقاوش تجوني ودموع ليتامى الي بكيتوهم خرجو فيكم ماخليتو لا حي لا ميت سلمى الي عمرها قاستكم ولا ضرتكم وسبيتوها وجرحتوها ياما درتو فيها كي كانت عروس جديدة وماقالت والو كانت غير تسكت وتردهالكم بلمليحة وكانت قادرة ترد عليكم وتجيب حقها بصح هي سكتت كعاد بنت اصل لوكان وحدة خلاف راهي حرشت راجلها عليكم يمرمدكم مع هو يحبها ويموت عليها الي تطلبو يديرو بلا تردد وعلبالو بيكم مسمومات وتاع مشاكل وهو ياما جا ليا وقالي شدي بناتك على مرتي منيش حاب نغلط فيهم ونخلف لوعد الي مديتو لمرتي ( ماما كانت ديما تقول مهما صرا بيني وبين خواتاتك متدخلش انت ومتربحلهمش العيب يبقاو من دمك ولحمك وانا برانية يتعاركو معايا وينساو بصح الضربة الي تجي من دمك صعيبة بزاف وجرحها يطول باش يبرا ويبقى اثرو للابد). ولاد جداتي قالولها بخصتو بينا بيعي دار واشري في بلدية خلاف بعدي على شبهات وهذاك الي كان باعت دار وشرات وحدة بعيدة علينا ومام بناتها بعدو خلاص وتهنينا منهم على الاقل ميجوش كل وقت وجوه لبق ( منيش ندمانة على وش درت ولوكان يرجع بيا زمان للور ندير مااكثر لانو جرحونا بزاف وفرقو عايلتنا والي درتو انا قليل في حقهم مقارنتا بواش دارو فينا وفي يما واختي ريتال).
#فريال