#قدر_مراهقة2
#ميرال_مجد
#بقلم_فريال
الجزء 48
شديت اسيل من وجها ونقولها بلعي متبكيش راهي حية اسكتي وندور لريتال نحضن فيها ونسكتها وهي مابغات تسكت تبكي تبكي حتى زراقت وتقطع فيها النفس انا خليتها في حضني ونشوف في الفراغ سكت مبقيتش نعيط ودموع حبسو بصح نار شاعلة في قلبي مزية شافتها اسيل كي زراقت وعيطت لخالتي رفدوها لوكان راهي ماتت ولحقت ماما ونتوخذو فيها هي تاني. لحق العصر ودخلو ماما في صندوق رافدينها على كتافهم خاوتي ومجد وراجل اسيل حطوها في في الصالو وفتحو صندوق باش نشوفوها انا عيت نتحرك ماقدرت نقدم ماقدرت نهرب ماقدرت ننطق عجزت على الحركة والنطق شافوها كامل خالاتي خوالي نساهم جداتي بابا خاوتي طاحو عليها يبكيو نساهم خواتاتي تاني بابا هاجر كامل كامل مام نسا عمومي شافوها وعماماتي تاني جداتي من غير عمتي وحدة ام هند الي طلت عليها وقالت واحد لكلام الي اي واحد فهذاك الموقف يقدر يقتلها عادي، قالتلهم تستاهل تهنينا منها ماتت كيف لكلبة وتدفن تحت ترات وتروح تتعذب، كلامها خلا الي لتم كامل يشوفو فيها بنظرة استحقار واشمئزاز وكره انا كنت حابة نجيفها لتم بصح تراجعت مجاياش نمرمدها في يوم كيف هذا اصلا متستاهلش نقيمها ربي وكيلها. هي قعدت تخلط في الهدرة حتى تخنزر فيها بابا سكتت وخرجت كي جاو راح يخرجوها حبسهم مجد قالهم كامل شافوها غير ميرال وين راهي جيبوها، لتم وين حوسو عليا لقاوني متكمشة في الشوكا حالتي حالة عقلي يقولي صدقي يماك ماتت راهي في صندوق وقلبي رافض يتقبل فكرة موتها وبين عقلي وقلبي واحد ماربح لوكان مش مجد الي جا وفيقني من اوهامي وتخيلاتي راهي طفرت فيا ومشفتش ماما وتبقالي حرڨة في قلبي للممات. قرب ليا شدلي وجهي بين يديه وقالي هيا تشوفيها_ شكون نشوف _ماماك هيا _ لا ماما راهي لفوق راقدة _ هيا شوفيها قبل مايدوها مبقاش بزاف _ قولتلك لالا منشوفهاش هذي مش ماما روح اخطيني روح _ راح تبقالك حرڨة طول عمرك هيا شوفيها ذوك خير مايدوها _ لا لا قولتلك لالا ماما عايشة _ ميرال هيا متعبينيش هيا شوفيها وبردي قلبك شوفي خاوتك كامل شافوها بقيتي غير انت_ متكذبش عليا ماما راهي لفوق _ كاش نهار كذبت عليك_ لا _ امالا صدقيني ماما ربي يرحمها ماتت وهاهي لهيت في صندوق عندك فرصة ذوك تشوفيها وتبوسيها بصح منبعد مكانش راح يدفنوها تحت تراب ومتزيديش تشوفيها طول عمرك هيا معايا _ لا مبغيتش مبغيتش منقدرش والله صعيبة عليا _ علبالي صعيبة بصح لازم تصبري هذي هي سنة الحياة كلنا راح نموتو ليوم ولا غدوا هي راحت ليوم وغدوا انا ولا غيري هيا معايا.
#فريال
![](https://img.wattpad.com/cover/361647013-288-k543583.jpg)
أنت تقرأ
قدر مراهقة 2
قصص عامةقصة حقيقية من الغرب الجزائري مراهقة غير مبالية للحياة تدمرت حياتها بسباب لسانها الطويل. عمرها 17سنة بين ليلة ونهار لقات روحها متزوجة بالانسان الي تكرهو ومتحملوش.ومع لوقت تبدلت نظرتها للحياة ورجعت انسانة واعية ومتفهمة وناضجة بعد مادات بزاف ضربات خلا...