قدر_مراهقة2
#ميرال_مجد
#بقلم_فريال
الجزء 33
السعادة لا تدوُم ؛ الماضي لا يعوُد ولا الحاضر يبقى.
صحيح ان السعادة لا تدوم لكنها شعورٌ جميلٌ على أية حال حاولوا ان تعيشو اللحظة بكل جوارحكم وان تستغلو الوضع للاستمتاع على الاقل بتلك الدقائق المعدود التي لن تعود ابدا.
فالدنيا لا تدوم على حال ولن تخلدوا فيها واعلموا ان السعادة الحقيقية فى الرضا بالمقسوم. 3ايام وانا ومجد في عالم خاص بينا تليفونات مقفولين الباب مسكر منخرجوش من دار او بالاحرى الشومبرة هو لاصق فيا وانا اكثر منو ظهرت متوحشاتو بزاف وهو بسلامتو يخليك تذوبي وماتبعديش عليه بنتنا نسيناها حتى من الماكلة يكوموندي وتلحقو لدار محبش يخرج رجليا عيت نلمهم بسبابو، تفاهمنا مع لول نروحو فواياج حنا وبنتنا بصح كي شدني وطحت بين يديه نسا كلش وتفنن فيا جسمي كامل رجع مبقع تقول شادني الجرب حتى هو ندبلتو وزدتلو عضة في خدو قريب ماطيرتلو اللحم تقول كلبة مكلوبة بصح يستاهل هذا كامل كرد فعل على افعالو. لوكان مش بنتنا ماكناش راح نحلو تليفون ولا نخرجو من دار بعد 3 ايام تفكرنا بلي عندنا طفلة ولازم نجيبوها تكون متوحشتنا وعيب علينا كثرنا بزاف والي مافاقش يفيق ويعرف وش رانا نديرو اصلا الي يشوفني جاية من لبعيد يقول هذي ولدت ذوك وغير كيما خيطوها كل رجل في جيهة ونزيد نكمل هكا يرجع تحتي كثر من دخلة سطيف. نهار روحنا نجيبو لجين شدتنا ماما للغدا اغدينا عندهم حكينا وقصرنا رنيم الكلبة بهدلت بيا كل دقيقة تقولي روحتي نسيتينا تليفون طفيتيه تباني خايفة نحرموك من راجلك يعني وش فيها لوكان خليتي تليفونك محلول على الاقل نسقسيوك عليك انا قولت طفلة ماتت ونوضت مندبة عليك والفت كل صباح نصبح على وجهك _ اسكتي شوي تقول بالعة اذاعة قفلت تليفون لانو علبالي راح تهبليني كل دقيقة تعيطي _ كلبة رجعتي عندو نسيتيني _ راجلي حلالي ننساك وننسى دنيا كامل كي نكون معاه _ اييييه يا الرخيسة بعتيني _ الي يشوفك يقول بلي تحبيني ومتبعديش عليا بصح الحقيقة غير يدخل وائل تروحي تجري لعندو ومتشوفيش فيا خلاص _ لازم نهتم براجلي تحبي نهملو ويشوف لجهة خلاف ونموت بالفقصة _ انا تاني كيفك راجلي ولازم نقوم بيه ونلهى بيه مش تاعك خايفة يروح يشوف جيهة خلاق وانا تاعي ميشوفش لالا ياحنونة رجال كامل كيف كيف تغفلي عليهم يجيبو جديد، حنا هكاك نحكيو وتدخل صاحبة ماما سلمت عليا كانت بالقندورة تاع دار وبلا خيمار تاني استغربت الوضع هذا هي مش موالفة تلبس هكا في دارنا ديما بقش الخرجة ومطولش بزاف شفت في رنيم فهمت عليا دارتلي بيديها من بعد نحكيلك باينة حاجة كبيرة كعاد محكاتش قدامها فيها ان واخواتها وعلبالي راح يصراو كوارث من وراها.
#فريافريال
![](https://img.wattpad.com/cover/361647013-288-k543583.jpg)
YOU ARE READING
قدر مراهقة 2
General Fictionقصة حقيقية من الغرب الجزائري مراهقة غير مبالية للحياة تدمرت حياتها بسباب لسانها الطويل. عمرها 17سنة بين ليلة ونهار لقات روحها متزوجة بالانسان الي تكرهو ومتحملوش.ومع لوقت تبدلت نظرتها للحياة ورجعت انسانة واعية ومتفهمة وناضجة بعد مادات بزاف ضربات خلا...