သက္ကရာဇ်တစ်ခု၏ညှို့ချက်များ🦋
အပိုင်း✨🍁(၁၄)
အဖွဲ့တွေအားလုံး targetကိုကျော်သွားသည့်အတွက် ပျော်ရွှင်နေကြသည်ကိုမြင်တော့ လေးညှို့ပြုံးမိသည်။ပထမဆုံးအလုပ်ရဲ့ ပထမဆုံးတာဝန်ကို အောင်မြင်ခဲ့သည်ဖြစ်၍ သိပ်မသိသာပါသော သူ၏ဂုဏ်ယူမှုလေးဆိုလည်းမမှားပေ။
သူတို့အနားယူသည့်ဟော်တယ်ကိုရောက်တော့ အကုန်လုံး စုဝေးလိုက်ကြပြီး
“ဒီနေ့ မကြယ်စင်တို့ရဲ့ ပထမဆုံး လက်တွေ့ကျကျmarketing ဆင်းတဲ့နေ့လေးမှာ Targetပြည့်မှီရုံသာမက ဟိုးဘက်ထိကျော်သွားတာဖြစ်တာမို့ Bossက ဒီနေ့ည အားလုံးအတွက် ညစာစားပွဲလေးစီစဉ်ပေးထားပါတယ်ရှင့်...“
“Wowww.....စားရတော့မှာဟေး....“
“ညစာစားပွဲအပြင် မောင်လေး၊ညီမလေးတို့သီဆိုဖျော်ဖြေလက်စွမ်းပြဖို့ရာအတွက်လည်းBossက စီစဉ်ပေးထားပါတယ်...“
“Wowww....မိုက်ပြီဟေး.....“
“ဟိုလေ မကြယ်စင် ညီမတစ်ခုလောက်မေးချင်လို့...“
“မေးလေညီမလေး...“
“၅ရက်လုံးညီမတို့က အရောင်းဆင်းရမှာဆိုတော့လေ ညတိုင်းပွဲစီစဉ်ပေးမှာလားလို့ ဟီးဟီး...“
“အဟင်း...မေးခွန်းကောင်းပါပဲရှင် ..သေချာပေါက်၅ရက်လုံး သတ်မှတ်ထားတဲ့ Targetပြည့်မှီတာနဲ့ Bossက ပွဲလုပ်ပေးမှာလို့ မကြယ်စင်ကို မှာထားပါတယ်ရှင်...“
“တကယ်...အားးးး....ပျော်စရာကြီး....“
အကုန်လုံး ဝမ်းသာအားရဖြစ်နေတာကိုကြည့်ပြီး ကြယ်စင်စိတ်ထဲမှာတော့ နောက်လာမယ့်targetတွေကပိုခက်ကြောင်း မပြောပြဖြစ်လိုက်ပေ။လက်တွေ့ကြုံမှသင်ယူကြပါလေ။
“လေးညှို့...AKA ကုမ္ပဏီရဲ့Bossကတော်တော်သဘောကောင်းတာပဲကွ...ပွဲလုပ်ပေးမယ်ဆိုရင် ဒီလူအုပ်နဲ့ တစ်ညကိုတော်တော်လေးကုန်လောက်တယ်...၅ညဆိုရင် ပြောမနေနဲ့တော့...တစ်နေ့လုံးရောင်းရ ချရ ပင်ပန်းတယ်ဆိုပေမယ့် ဒီလိုကျ အားနာစရာကြီးနော်....ဟုတ်တယ်မလား....“
ငစိုင်း လေးညှို့အနားကပ်ပြီး ခပ်တိုးတိုးပြောလိုက်ရာ တစ်လောကလုံးမှာ မင်းအဒူဆုံးဆိုသည့်အကြည့်နှင့် ကြည့်လာသော လေးညှို့ကြောင့် ပါးစပ်ပိတ်သွားရသည်။
