عن خيبة محمد عبده لما قال :-
أهديت لك قلب ، ورديت لي جمرة ...
>> حياة وجود <<
خرجت جود من البيت تتجه للسيارة تنتظر حياة ، كانت متوترة اليوم عندها مقابلة صح الوظيفة مو كبيرة وكوفي صغير لكن ما يهم ، اهم شي تبدأ تعتمد على نفسها ، أخذت نفس ليمر من جانبها كلب جعلها تصرخ بقوة من الخوف مما جعل أغراضها تقع ، وضعت يدها على قلبها تقرأ المعوذات من الرعب ليقترب شخص جانبها :- انا اسف اعذريني كنت أدربه
هزت راسها بخوف وواضح عليها الرجفة :- مو مشكلة ، هو طلع بوجهي فجأة عشان كذا خفت
نزلت بتلم أغراضها لينزل بجانبها يساعدها تحت أنظار معاذ الي كان يراقب الوضع ولم يعجبه ابدا ، سحب اغراضه ينزل لهم ..
خرجت حياة لترى خالد يقف أمام جود ، تمالكت نفسها بقوة لتقترب :- جود نمشي
ابتسمت لها تركب مع حياة تحت أنظار خالد الشبه غاضبة من تجاهل حياة له !!!
خرج معاذ ليرى خالد يقف بمفرده يلعب مع كلبه :- السلام عليكم ، شخبارك معاذ
اقترب معاذ يسلم عليه :- وعليكم السلام ، الحمدلله انت شلونك
وقفوا قليلا يتبادلون الحديث ، ولكن عقل معاذ مع جود !
استأذن خالد من معاذ :- اعذرني مضطر ارجع للمطعم
هز راسه بهدوء معاذ ليقف خالد بتوتر :- الا صدق معاذ ، ان شاء الله يوم الجمعة بنزوركم كان ما عندكم شي
ليهز رأسه بهدوء يتذكر كلام والدته :- ابدا تشرفونا والله
هز راسه يبتسم له :- اجل ان شاء الله الجمعة نشوفك
معاذ :- ان شاءالله ...
افترقت طرقهم ليذهب خالد بإتجاه الكوفي ليبدا بتعيين الموظفين ...
وصلت حياة للكوفي مع جود الي الخوف تملّكها :- اوف حياة خفت احس مقدر خلص خلينا نرد
قربت منها تمسك يدها :- انتي ادخلي وشوفي الوضع واذا ما عجبك مشينا اعتبريها تجربة ، وبعدين بنروح نشتري الأغراض الي تبيها - وغمزت لها -
لتضع يدها على قلبها وزادت دقات قلبها :- ليه ليه تتكلمين عن الموضوع ، كل ما اتذكر الي صار والي بصير احس بيغمى علي ، معاذ اساسا معصب واذا درى اني رحت لوظيفة بيطلع حرته فيني
ضحكت عليها لتدخلا للكوفي ، اتجهت حياة لإحدى الفتيات بالمقهى :- السلام عليكم ، جينا عشان إعلان الوظيفة ، مديرة الموظفين
ابتسمت لهم البنت :- هلا ، باقي المدير ما وصل تفضلوا عالطاولة بالزاوية ودقايق يكون هنا
اتجهت جود وحياة ، لتتنهد جود :- اذا قبلوني تهقين معاذ يوافق
حياة :- ولي ما يوافق حبيبتي ، انتي انسانة ناجحة وعندك اسلوب تعامل يجنن وصدقيني اذا ما قبلوك هنا بتكون خسارة لهم انتي اكثر انسانة مناسبة
أمسكت يد حياة تبتسم :- تصدقين يوم معاذ اعترف لي حسيت اني خلاص بطير من السعادة حياة ، لقيت اهل وام وأخ واخوات ، كل شي كنت احلم في لقيته ، واذا حصلت على الوظيفة ما في اي احد بكون سعيد كثري ، المهم اسمعي انا بروح التواليت وارجع اذا وصل المدير دقي علي
هزت راسها حياة لتتجه جود للحمام ، دخلت وفكت نقابها وحجابها ترتب شعرها وترتب نفسها ، أخذت نفس وهي تناظر نفسها بالمراية :- بتنجحين جود ، بتنجحين وبتاخذين الوظيفة خليك واثقة من نفسك وبتعدي
أنت تقرأ
لو تعرفين وش يعني قهر الرجال ما ابتسم ثغرك لغيري رجل 😞❤️🩹- بحروف #هـدوء
Romanceشكرا لكل تلك السنوات التي اعطتني كل هذه القوة ، لولا الظروف لن اتشجع أبدا للعودة ولن أستطيع أن انظر لك مجددا ... لقد تركت داخلي اثرا ، لكن نهايتك لم تأتي كما أشتهيت ، سأحاول ، سأناضل ، وسأترك أثري داخلك ،،، * روايتي ستكون تحمل نفس الاسم ولكن بعيدة...
