🦋جعلوني زوجة له 🦋 (مكتملة )

part50

💎جعلوني زوجة له💎
َجزء 50
رجع لقمان تيليفون لجيبو بكل هدوء وبرودة دار كارو ففمو نتر نترة وساط، كيتفرج فلبوليس لجايين عندو.....تما جااااي عندو شاب فنفس لقلدة ديالو مالابسش لبسة ديال لبوليس وراسم ضحكة جانبية على فمو وكذلك لقمان بادلو نفس الضحكة ولاح لكارو من يديه عفط عليه.... تقدم ليه شاب كيضحك دورو وجمع ليه يديه دار ليه لمينوط
لقمان:بلاا ماتزير اعشيري باش ملي تبغي تحلو  دغيا يتحل ليك
يونس:(كيقاد ليه لمينوط)ديما هكا واثق من راسك
لقمان:(دار عندو) صدفة غريبة هادي من بين لمفتيشين كاملين مالقاو شكون يسيفطو
يونس:ماسيفطونيش، انا من حالي ترشحت وشديت قضيتك،راك عارف عزيز عليا الجديد وباﻷخص هاد الجديد الى كان كيخص لقمان ارسلان ،واخييرا طحتي بين يدي
لقمان:يونس هنعطيك نصيحة من عندي
يونس:لهي
لقمان:بلا ما تسبق الفرح بليلة
يونس:هههه واخا،اش داك لحشيش ماشي نيفو ديالك
لقمان:كرشي كبيرة اعشيري عزيز عليا ندوق من كولشي
يونس:وعنداك غير يجيك اﻹسهال وتصدق مهبط كولشي (غمزو) 😉
لقمان:(باستهزاء) متخافش المعدة عندي كتحمل كلشي وديما راد ليها البال 😉

ماجاوبوش يونس دار عطاه بظهر وبدا كيشوف فلبوليس لمخرجين لكراطن حطوهم فاﻷرض 
يونس:حلوووهم
دارو لبوليس لقاليهم يونس حلوو لكراطن وهنا كانت صدمة
بوليسي:(وقف وعطا تحية) شاف بلاغ كاذب الكراطن فيهم غير زيتون معلب لا غير
يونس(تعصب) متاكد
بوليسي:اه اشاف يمكن ليك تجي تشوف قلبنا كولشي
تحنى يوونس على لكراطن كيحلهم بجهد وبعصبية والو خاويين فيهم غير قراعي ديال زيتون
يونس:(تحت فمو)اناا كيفاش ماتوقعتهاش 😡

وقف ودار عند لقمان وهو كيسوط كيحاول ميبينش اﻷعصاب ديالو كيتلفهم بضحك
لقمان:(ضحك)بلاما تحول تخبي علي صدمتك ههه حيث كنعرفك مزيان اسي يونس
يونس:كيفاش نسيت بلي ماشي بهاد سهولة كيطيح لقمان
لقمان:منين عارفها علاش جاي
يونس:(حليه مينوط)توحشتك وبغيت نشوفك وبغيت نسول على احوالك واحوال لعائلة كيف
لقمان:كتقصد لعائلة لمدات ليك يديها وفاﻵخير عضيتيها وزدتي
يونس:هذا مااشي وقت هاد لهضرة واخا،انا جاي هنا بصفتي مفتش شرطة جاي ندير خدمتي وفنفس لوقت نحدرك الى هاد لمرة ماحصلتيش مرة اخرى هتحصل وهتودي
لقمان:(قرب حداه)هذا لهيخليني نحصل ونودي باقي مو ماتوجعاتش عليه لوجعة لولا،سير عند لفوق منك قوليه يقول لموصل ليه لخبار ديال هاد ليلة، قاليك لقمان ارسلان لبس قدك يواتيك و بلي قدما طال زمان ولا قصار هطيح هطيح وديك ساعة هنقطع سلالتك من جدر من لكبير حتى لصغير
يونس:ههه واخا،(تما راجع بلور)هنتلاقو قيد هادي عندك ها واحد لزيرو وديك ساعات هنكون انا لرابحك وهنديك بيدي لبلاصة لمن لمفروض خاص تكون فيها
لقمان:(شير ليه) هنتسناك 👋
لبيرو:(قرب لودن لقمان) سلعة وصلات وسط لبحر اشاف
لقمان:مزيااااان
صونا تيليفون جبد لقمان تيلي وهو يلقى اتصال من لحاج
لقمان:بلاما تشوش كلشي داز بيخير
حاج:كيفاش شرح لي
لقمان:لكلاب لفحال زروال حافظهم وعارف لبلانات ديالهم هداكشي علاش ديما سابقهم بخطوة
حاج:مزيان وسلعة
لقمان:مشات هادي ساعة ديال مكانة ودابا غادية فامان الله
حاج:فاش تسالي دوز عندي
لقمان:لا هيخصني نمشي دار
لحاج:محتاجك ضاروري القمان، دار تسنى من بعد
#عند فدوى
حليت عيني بزز جاو نيشان فسقف كنحس بعنقي مجروح كيضرني ومجيف سرطت ريقي ومن بعد شوية بشوية عاد تفكرت اش طرا لي واش درت..... وقفت بزربة بان لي واحد راجل طايح وغارق فدم دنيا دارت بي وتبلوكيت ماعقلتش على راسي حتى بديت راجعة بلووور كنغوت وكنتهز ونتحط فسما بصدمة
فدوى:(على حر جهدها)عتقوووووني وااااع شنوووو درت هئ هئ (كتضرب فراسها)اعباااد لله ولييت قتالة عتقوووني .