🦋جعلوني زوجة له 🦋 (مكتملة )

part166

💎جعلوني زوجة له💎
جزء 166

دخل سليمان لمكتب لقاه خاوي هز واحد الملف كيشوفيه وفنفس الوقت كيدوي فتيليفون

سليمان:اممم قلتي رجع ومااعرفتيش علااش رجع المغرب //اممم فهمت//لمهم نتووما بقاو حاضينو أي خطوة دارها ولهيديرها نبغي تكون فرااسي (حل لباب وخرج)

فدوى:اففف الحمد لله (خرجات من تحت لمكتب) شووية وكنت هنحصل اففف ولكن فينااهوا البااسبور فيين مشاا

بقات كتقلب فداك لبيرو على لباسبور واالو مالقااتوش

فدوى:غيير كنضيع اناا فالوقت دابا الى نانسي مشات حتى دخلات لبيت ولقات جيوفانا فبلاصتي غادي نمشي فيها

حلات فدوى لباب كطل غير بشوية وهي كتسلت بانت ليها نانسي دخلات لبيت لكتكون فيه عرفات بلي صافي هنا القضية هتحماض وهي تبعها دخلات عليها لقاتها حيدات لغطا على جيوفانا كتشوفيها مصدومة

فدوى:ماتخاافيش رااها مااماتتش

نانسي:(تلفتات شافت فيها)انتتي قاادرة توقفي

فدوى:(كتقرب ليها)ااه قاادرة نوقف وقادرة نتمشى دوواا لكنتي كتعطيني ماخديت منوو حتى حبة

نانسي:(كترجع بلور)بعدي ولاا راح صرخ

فدوى:خمس سنين وانا كنبكي وكنترجاك تعاونيني
خمس سنين ونتي كتشوفيني كنتعدب على فراق ولدي وراجلي ونتي وتݣولي وااش تحركات فيك شي حاجة

نانسي:س س سااعدووني

تلاحت عليها فدوى قجاتها كرزات عليها ماطلقاتهاش وهي بقات كتركل وكتحس براسها هتموت بشوية بشوية جهد ديال نانسي بدا كينقص حتى فشلات بين يدين فدوى وطاحت الأرض

فدوى:(حدا راس نانسي)عمرني تخيلت بلي هيجي وااحد نهار لهنقدر نقتل فيه شي حد ولكن الحياة بعد المرات كتفرض علينا شي حوايج حنا براسنا ماكناش متوقعين نديروهم،على قبل ولدي وعلى قبل لقمان وعلى قبل ماما وحياتي لتخادت مني نتي تستاهلي هادشي لوقع ليك

قلبات نانسي حيدات ليها طابلية لكانت لابسة ومشات حلات المجر جبدات مقص قطعات ليها شعرها لكان صفر وطويل حيداتو وحطاتو فوق شعرها وشداتو بلفلايل ودارت فوقهم نايفية لشافها من بعيد هيحلف عليها بلي نانسي واخير حاجة دارتها خادت تيليفون نانسي وخرجات سدات عليهم بساروت وتمات نازلة من دروج كتسلت طلات فصالون بان ليها الياس جالس كيتفرج فتلفزة

فدوى:بغييت ليك شي موتة ا الياس عمر شي حد ماشافها

مشات حلات لباب وخرجات لقات لكارد كور فكل بلاصة تصدمات ماعرفات مادير دارتها فيد لله وتمات غادة وسطهم وهوما كيشوفو فيها ،حتى قربات توصل لباب لكيدي لزنقة وشانطي وهو يقول

كارد كور:بلاااتي وقفي

هنا قلب فدوى صافي وقف وفشلوو علليها ركاابي