🦋جعلوني زوجة له 🦋 (مكتملة )

part69

💎جعلوني زوجة له💎
جزء69

🍁تقبل المرأة ان يكون بينها وبين من تحب الف مدينة ولا يكون بينهما إمراة 🍁

نهار جديد
كان ليوم هو يوم ضريب صداق ديال لينا و لقمان ،كان واقف كيشوف اجرائات زواج ولوراق كيتصايبو قدام عينيه ،من وجهو كيبان ماحاملش الوضع،كان كل شوية كيتفكر فدوى كيزيد يسخط ماباغيش يجرحها حيت عارفها كتبغيه وماباغيش يزيد يدمر علاقتو بيها كثر ماهي مدمرة..... داز نهار كامل  فتوجاد الوراق ولينا غابرة ولخدم طالعين هابطين البيت عندها كتوجد فراسها ستمر الوضع هكاك حتى وصل ليل ووجدو الوراق
لقمان:(كيغوت) فيناااهيااا هادي عيطو ليها تهبط دابا
حاج:بشوية عليها راها عروسة زعما،هتكون كتقاد فراسها وكتلبس
لقمان(خنزر فيه و قلب وجهو) نتاا ويااها من لهنا لقدام مابقيتش عارف مزال كيفاش هنصبر عليكم

دازو غير شي دقايق وتمات لينا هابطة لابسة كسوة ديال لعروسة طويلة واصلة ليها حتى الأرض ولخدامات هازينها ليها من لور وهي كتعوج بطالون كانت طالقة شعرها ودايرة وردة فجنب بيضة  وشادة بوكي ديال الورد فيديها وضحكة مرسومة على وجهها لدرجة ضرسة العقل بانت لكاع عباد لله لتما.. شافها لقمان وهو يمسح على وجهو وسااااط وقرب لعندها
لقمان:(كارز على سنانو) واااش باغياني نجيب اخرتك اش هادشي لابسة
لينا(كتشوف فيه بطريقة مثيرة) العرس وزواجنا فسر على الأقل نلبس كسوة العروسة اش فيها

طلق منها بجهد وساااط بواحد طريقة لكاره بيها دنياا.... ماتسوقاتش ليه لينا مولفة على طبعو جلسات فوق فوطوي وبدات كتشوف فيه خايفة لايتراجع حيت عارفاه دغيا كضرب ليها نقشة
وقف شحاال كيشوف فكتاب ديال العدول عاكد غوباشتو وعاض على شنافتو ،تنهد ومشا جلس حداها, هنا وحدة من لخدامات بتخبية كانت كتصور دوك اللحظات
العدول:بسم الله الرحمان الرحيم اليوم تجمعنا على قبل قران السيد
لقمان:داك ضمياطي ديالك قراه فبلاصة اخرى، كمل خدمتك وجمع قلوعك بلا كثرة الهضرة
العدول:(خاف) وخا اسيدي انسة لينا العراقي قابلة بسيد لقمان ارسلان زوج ليك
لينا:(بفرحة) اه اه قابلة
العدول:واخا سني هناا
سنات لينا وعطات ستيلو لقمان ليشاف فيها مخنزر
العدول:موسيو لقمان
قبل مايكمل سنا لقمان وسد الكتاب وناض بزربة
لعدول:(وقف) الله يجعل كلشي مبارك ومسعود
حاج:(طبطب علي كتاف لقمان) مبروك عليك واخيرا حققتي لي امنيتي وشي لكنت كنحلم بيه
بدون سابق انذار تلاحت لينا على لقمان باستو من فمو وهو يبعدها عليه
لقمان(تحت سنانو) ليناااا(جرها بعيد) اشش هاادشي كدديري فيه نتي
لينا:شنوو ماالك راك وليتي راجلي
لقمان:راجلك ديال بزز،نتي ولحاج عرفتو كيفاش تلعبو علي براافو عليكم غير هو هتدفعي ثمن غالي
لينا:ايناا ثمن هتدفعني وانا أم ولدك
لقمان:أم ولدي اه ولكن باش تكووني مراتي لا،باش نكوون معااك واضح انا عقليتي فحالها فحال لعقلية دياال اي راجل مغربي لبنت لكتحل رجليها فابور ماتصلااحش تكون لا مرا ديال زواج ولا أم
لينا:(الصمت)
لقمان:وداابا خليني ندكرك فلهضرة ديال لبارح
باش من هنا لقدام ما نحتاجش نعاودها، زواج لبيناتنا هيبقى غير فلوراق وديما ديري فبالك بلي تزوجتك حيث مابغيتش ولدي يتزاد بطريقة غير شرعية هداكشي علاش غير هتولدي هنطلقك وهترجعي لكوريا تستقري تما وانا مرة مرة هنجي نشوف ولدي
لينا:صافي هادشي علاش قدرك لله،تبعدني انا وولدي باش تعيش هاني مع مراتك كنت كنصحابك هدير بحساب صداقة لبيناتنا وبحساب لحاج
لقمان:هههه قالت ليك صداقتنا ولحاج بيني وبينك مابقات صداقة وداابا بلا مانكثرو لهضرة لعندي راني قلتو ليك حاولي تستوعبيه،اااه وحاجة اخرى وااياك الينا تفكري تلعبي معايا وتقولي لمراتي على زواجنا حيث هنقتلك ومهانديرش بحساب انك حاملة
ضرب فيها وخرج خلا دموع هابطين فعينيها مسحاتهم دغيا منين سمعات شي حد من ورااها
حاج:(حط يدو على كتفها) نفس الهضرة تاني
لينا:(دارت مبتاسمة) هضرتو ولات غادية لي َمع دم اهم حاجة دابا هي وليت مرتو(حاطة يدها كرشها) وقريب غادي نجيبلو بيبي من لحمو ودمو نص طريق كملتها باقا لي حاجة وحدة ونرجعو لصفي
حاج:اهاه اش هديري وانت زواجك فسر ومحدود من فوق
لينا:ماحدو رجع راجلي مهاتفرقني منو غير لموت عمرو يحلم نتخلى عليه
#عند_زهرة
كانت ناعسة حتى فيقها تيليفون من نعاس
زهرة:(مدوخة) الووو
زروال:زهرة
زهرة(جلسات) مصوني لي فهاد ليل اخويا اش باغي عندي يالاه تفكرتيني
زروال:قولي لي اش الجديد تماك
زهرة:اشمن جديد بالي هاد بلان ديالك خاوي من نهار جابوني لهنا وانا منفية هنا كيجيبولي ماكلة البيت بحال لكلبة ولدي كعما كاع كيطل علي شحال ماشفتو ولا وزوينة فدوى عاقت بيا مامريضاش
زروال:شنوووو
زهرة:كيف كتسمع وهدداتني هتقولها لقمان
زروال:مفهمتش شرحيلي
زهرة:هي فرملية وعرفاتني مامريضاش بشوفة ودابا خايفة تقول لشي حاجة لقمان ،اخير مرة دوات معايا قالت لي بلي هتسناني نقول لولدي لحقيقة ولا هتفضحني
زروال:هادشي كولو وساكتة
زهرة:هتلقى لي حل لهاد الموصيبة ولا هنتفرشو كاملين
زروال:ندوي معاك من بعد
قطع ودار شاف فولدو لواقف عند راسو كيحك لحيتو كيتسناه يهضر
زروال:خاصنا نقتلو فدوى مرات لقمان
الياس:(خرجو عينيه) كيفاش
زروال:عرفات زهرة مامريضاش وهتضرب لينا كلشي فزيرو(خنزر فيه)شي حاجة سميتها عاطفة نساها عليا خدمة هادي نسا عليا قلبك كتفهم
الياس:(كيحك لحيتو) وخا الواليد لبان ليك ولكن كيفاش انديرو وهي كيخرجو معاها كارد كور فكل بلاصة
زروال :هنلقاو الغفلة اولدي هنلقاوها دابا عرفتي اش هدير
الياس:غادي نراقبها ديما ونخلي عيني عليها
زروال:تماما ونهار نلقاو لغفلة نطيرو بيها دغيا
الياس:صافي كون هاني(تحت سنانو) على زهر
زروال:اليااااااس
الياس:تصبح على خير الواليد هنمشي نعس