🦋جعلوني زوجة له 🦋 (مكتملة )

part93

#يوم_غد_صباحا
فاقت جنان على صوت لفرملية فوق راسها
لفرملية:مداام باش كتحسي
ماجاوبتهاش جنان حدها بدات كترمش فعينيها
لفرملية:حاولي تدوي عفاك قولي لي وااش نتي بيخير
جنان:لااا ،ك ك كنحس بالألاام
لفرملية:مزيان طبيب باغي يدوي معاك عاد هيشوفوك لبوليس
جنان:وااخا
مشات لفرملية وجنان تفكرات شنو وقع لبارح  فليل بدات كتبكي،كانت هتموت كون ماواحد راجل شافها وعيط لومبيلونس
طبيب:بنتي وااش بيخير
جنان:(الصمت)
طبيب:من هنا شوية هيجيو لبوليس وهذا لدار فيك هاد الحالة هيتعااقب ،لمهم الحمد لله ماوقع ليك حتى كسر على مستوى الجسم مجرد كدمات بساط،والحمد لله لبيبي ديالك ماوقع لييه والو

غير سمعات جنان لبيبي دورات وجهها عندو مصدومة
جنان:ك ك كيفاش
طبيب:كيفماا سمعتي،نتي حااملة عندك تلاتة سيمانات
جنان:(توكضات)م ماايمكنش اناا راني دايرة لولب ماايمكنش نكون حاملة
طبيب:من بين 100 مرة دايرة لولب كتحمل مرا وحدة ونتي كنتي من بين هاد 100 وحدة
جنان:(جلسات)هههه وااش دااوي بصح ادكتوور
طبيب:ااه غير هو فالأول خااصك ديري عملية تحيدي لولب ومع نتي حاملة العملية هتكون حساسة شوية
جنان:كيفااش حساسة زعما يقدر ولدي يموت
طبيب:الحمل ونتي دايرة لولب ممكن يسبب ليك اجهاض وممكن يكون حمل خارج رحم نتي خاصك عملية فاسرع وقت وخاصك راحة نفسية باش الحمل ديالك يتبت وتولدي على خير
جنان:(تكات حاطة يديها على وجهها)ههههه حمدتك يااربي وشكرتك حتى حااجة مااضاعت حتى حاجة ماضاعت
#عند_لقمان
كان لقمان جالس كيفكر فخوه وففدوى لعرفات بعلاقتو لقديمة مع جنان
لقمان:نهار بعد نهار انا وفدوى علاقتنا كترجع بلور
وهو كيفكر فجاة حتى تحل عليه لباب كان لحاج
لحاج؛(سد لباب ودخل)شنوو زعما الى ماسولتش عليك ماتسولش علي
لقمان:(هز حاجبو)لحاج نتاا شنوو كدير هنا
لحاج:(جلس)وااضح بلي بااقي مقلق مني،انا قلت من بعدما تصالحتي مع لينا هتجي تصالح معايا حتى انا
لقمان:(الصمت)
الحاج:انا وياك غلطنا فحق بعضياتنا راك عارف انا تسطيت باش تزوج بلينا ونتا نهار تخطفات مراتك جيتي تاهمتني،لمهم دابا حنا خاص ننساو هادشي حيث همنا ولا واحد نتا قتلتي ولد زروال يعني زروال وليتي حتى نتاا عدو ديالو
لقمان:شنوو المطلوب الحاج
الحاج:يوقع ليوقع بيناتنا نتا كتبقى فحال ولدي وانا فحال باك،هادشي علاش نتا خاص توقف معايا
لقمان:فااش
الحاج:(مد ليه شي وراق)هاد الوراق ديال 2010 كيتبتو بلي انا متورط فالعملية ديال بيع سلاح فالعراق
لقمان:اهااه وعلاش عاطيهم لي
الحاج:اناا كنتيق فيك هداكشي علاش عطيتهم ليك نتا عارف يقدر فاي لحظة توقع معايا شي حاجة وهاد لوراق يطيحو فيد ناس لغلاط،هادشي علاش قلت نخليهم عندك حيث هيبقاو فامان
لقمان:(كيشوف فلوراق)الى هاد لوراق طاحو فيد لبوليس نتا عمرك مهاتخرج من الحبس
الحاج:عارف ،هادشي علاش عطيتهم ليك هوما من اليوم امانة عندك
لقمان:كون هاني امانتك فالحفظ وصون (جمع لوراق دارهم فالمجر)