🦋جعلوني زوجة له 🦋 (مكتملة )

part72

💎جعلوني زوجة له💎
جزء 72

#فالعشية
كانت رجاء جالسة مع لكبيرة كيدويو على وضع لقمان وفدوى وعلى شي لدارت فدوى فجنان وهي توقف علييهم لخدامة
رجاء:اشش كااين
لخدامة:لالا واحد لمرا سميتها رقية قدام لباب بااغا تدخل
لكبيرة:(وقفات)هادي مت فدوى،رجااء اشش هنديرو واش نخلييوها تدخل
رجاء:ايواا شنوو هنمنعووها هتكون تشوشات على بنتها وجات باغا تشوفها
لكبيرة:ولكن لقمان هداك نهار منعها باش تحط رجليها هنا
رجاء:لقمان يمشي يعااود ليهم،نتتي سييري قولي ليهم يخليوها تدخل
مشات لخدامة وماهي الا دقائق حتى تمات رقية داخلة عاكدة غوبااشتها

رجاء:لالا رقية مرحباا بييك
رقية:(هاازة حاجبها)واااباز تقتلوو لميت وتمشيو فجنازتو
لكبيرة؛ماالنا الالا رقية على هاد لهضرة حنا اش درنا ليك
رقية:لااا ماادرتوو واالو غير هو نهاار لول غصبتو فبنتي فشبابها وزوجتو بنتي لولدكم لمعوق ودابا غصبتووها فروحها بتزويجها لهداك ولدك لمريض
رجاء:ماكاين لاش لهاد لهضرة الالا رقية بغيتي تشوفي بنتك طلعي شوفيها راها محتاجاك
رقية:هنطلع نشوفها ولكن كلامي معاك باقي ماكملتوش
طلعات رقية عند فدوى لقاتها متكية كتبكي فدوى  غير شافت مها تلاحت عليها كتبكي
رقية؛صاافي داابا لااش هااد دموع رااه لوقع وقع
فدوى:هئ هئ رجعت على كلاامك اماما انا كنعيش داابا فجهنم فوق الأرض
رقية:كنت عارفااها ،شووفي مسحي دمووعك حيث لبكا ماعندو فاش يفيدك عندي لييك شي هضرة خاصك تسمعيها وهاد لهضرة ضرورية
فدوى:وااخا (مسحات دموعها)كنسمعك
رقية:قصصتي فحااال قصتك ابنتي حتى انا تزوجت بزز مني من باك
فدوى:هادشي فراسي
رقية:لاا مافرااسك والو،اناا ابنتي تزاديت فقصر حسن من هدا با لله يرحمو كان هو عبد القادر لمرنيسي راجل لباس عليه ملي مات با خوتي طمعو فحقي هادشي علاش ناضو زوجوني بباك لكان مستعد يعطي دنيا ويتزوجني تزوجت بيه واول ليلة كانت لي معاه غتاصبني (نزلو دموعها)وهاد اغتصاب ستمر لكثر من ربع سنين كنت كنحمل وكان كيطيح لي بسباب ضرب ديالو حيث ماكنتش كنبغيه،ولكن ملي حملت بيك لله عطاني واحد لقوة وفليلة مضلمة هربت من دار هداك المجرم وتشردت دازو علي ايام لجعت فييهم وتكرفست فيهم ولكن هادوك أيام كانو ارحم لي من العيشة مع هداك لوحش ،اناا ابنتي ولدتك فزنقة وتعدبت عليك وفالأخير تلاقيت مع جعفر لداني لدارو وعاوني حتى زورت سميتي وكنيتي وتزوجت بييه
فدوى:(مصدومة)وعلاااش داابا جااية كتعاودي لي هادشي
رقية:كنعاودو ليك باش تاخديني عبرة وتنقدي راسك كيفما نقدت راسي
فدوى:شنوو كتقصدي
رقية:لكنقصدو هو انه خاصك تهربي
فدوى:نهرب؟؟؟؟؟
رقية:اااه هرربي
ذلك الممر الذي كانت تعبر من خلاله رسائلنا ،هدمته زلزال عنادك ،وعواصف كبريائي،ليهم خراب المشاعر وجرح الأحاسيس ،وموت الألفة وإنعدام الحب،وبعدها ارتاحت منا الأحرف ...

فدوى:الى هربت غادي يلقاني وديك ساعة هيقتلني
رقية:غير جربي لمهم هو تحاولي
فدوى:(بأسى)علااش عمرك عااودتي لي على حياتك من قبل علاش كدبتي علي وقلتي لي بلي هداك راجل هو لسمح فينا ماشي نتي لهربتي منو
رقية:مااكنتش باغا نعدبك معايا (نزلات دمعة من عينيها)مااكنتش بااغا نقوليك بلي نتي تزاديتي نتيجة غتصاب
فدوى:(كتبكي)علااش حظي اناا وياك فدنيا هاكا ،ياك مكانآديو حد مكانتعداو على حد علاش كيوقع معانا هاكا
رقية:لمكتاب ابنتي،هذاا قدر لله و حنا خاصنا نرضاو بيه
فدوى:(حطات راسها على لمخدة)حاسة بقلبي شاعلة فيه العافية اماما بغييتو كثر من راسي بغيتو كثر من دنيا وشوفي اش دار في وباش كملها وجملها خرج في عينيه وقاليا بلي ماشي من حقي ندخل فحياتو فحال الى انا ماشي مراتو منيكة حاطني هنا خاص غير ندير ليه لبغا ونقبل ليه على أي حاجة دارها
رقية:وااحد ماداير ليك لا عتبار لا والو مكايبغيكش مكايحتارمكش ماعندك مااديري بييه ديري بكلامي وهربي سيري لشي قنت بعيدة لمايطيح عليك فيها حد
فدوى:خاصني نفكر فهادشي حيث لهروب من هنا ماشي ساهل