🦋جعلوني زوجة له 🦋 (مكتملة )

part163

💎جعلوني زوجة له💎
جزء 163
#عندسليم
رجاء:ولدي كون غير مشينا الطبيب

سليم (بصوت مبحوح مريض)وا لواليدة ماكاين والو غير الحلاقم وصاافي طايبين غنشرب دوا ونولي بيخير صباح

لكبيرة (هازة فيدها كاس والبانيو):هاااك كوكة عاصرة عليها ليموون غرغر فمك وكب هنا

سليم:يهديكم الله راه دواا قاضي غرااض

رجاء:سكت راها انا لمك وعارفة كيفاش كيردوك الحلاقم جرتيلة شوف حالتك كيفاش سخانة كدكدك فييك

جيهان(وقفات عليهم كضحك) دايرين بيه بحال العروسة نهار صباحهاا

رجاء:لقوة مابقيتيش تحشمي

جيهان:احم احم سليم

سليم:نعام

جيهان(حابسة ضحكة) واحد البنت راها فصالة لتحت كتسول عليك قالت بلي هي صديقة ديالك

سليم (كيشوف فيها بشك) شكون

جيهان(كدور فعينيها) وشكون من غيرها لضلو الجرائد شادين الحديث عليكم الرسامة الموهوبة صوفيا الراضي

سليم (حط رجلو فالارض باش ينوض):وخا هاني هابط

رجاء:شوووف كيف ناض الحلَوف وانا كنكوليه نديك السبيطار كاليك مافياش

ماجوبهاش لاح عليه لافيست ديال كيطمة لكان لابس وخشا فرجلو البانطوفة وهبط خلا الاعين من وراه كتشوف فيه بحيرة

رجاء:واشوف ليك البرهووش

سليم هبط كيقاد شعرو فدروج تاوصل عند صوفيا وتبسم ليها منين شافها وقفات باغية تعنقو

سليم:(كيحاول يمنعها)حبسي حبسي راني مريض غادي تعاداي

صوفيا (ماتسوقاتش ليه سلمات عليه من الوجه كضحك):موت وحدة لكاينة احبيبة

سليم (وهو كيجلس هو وصوفيا)مفاجئة هادي  الالا

رجاء :احم احم سلام

وقفات صوفيا مبتاسمة سلمات على رجاء بكل لباقة:وااااو كنت عارفة مدام ارسلان زوينة ولكن ماشي تال هاد درجة كتباني حسن من جرائد والمجلات امدام وصغيرة مزال

جيهان (حداهم صفرات):السرعة في الاداء

رجاء (ضحكات حيت عجبها الحال):شكرا ليك احبيبة

صوفيا(كتسلم على جيهان) بلا شك انت جيهان اخر عنقود فعائلة ارسلان

جيهان(رجعات شعرها لور) اه انا هي جيهان ارسلان

صوفيا:تشرفت بمعرفتك

جيهان:ليا الشرف

رجاء:جابك الله ابنتي لقيتينا غنتعشاو تفضلي الطبلة ابنتي بيما جينا

صوفيا: هدا شرف ليا نتعشى معاكم

جيهان(كطلع وتهبط فيها) ومرحبا بيك احبيبة