Love Curse ( အချစ်ကျိန်စာ ) Season 3

Part 8

"အားလုံးအဆင်သင့်ဖြစ်ပြီဆိုရင် စပါတော့မယ်နော်.... Ready 3...2....1!!!!Go!!!!"

အစီအစဉ်တင်ဆက်သူရဲ့ Go!ဆိုတဲ့စကားကြားတာနဲ့ မင်းခန့်ကိုကိုတို့တစ်ဖွဲ့လုံးအားသုံးကာ ကြိုးကိုပြတ်ထွက်မတက်ဆွဲထားလိုက်တယ်။ သူတို့ကြိုးကိုဆွဲလိုက်တာနဲ့ ရှေ့ကိုဆက်ခနဲ ယိုင်ပြီးမှ တင်းခံထားတဲ့ ရှိန်းသုတမဟာတို့အဖွဲ့ကိုကြည့်ပြီး ပြုံးပြလိုက်တယ်။ ဒီနေ့ရဲ့ သရဖူက သူ့အတွက်ပဲဖြစ်ရမယ်....

ရှိန်းတို့တွေ ဟိုဘက်အဖွဲ့ရဲ့ဆွဲအားကြောင့် ခနတာယိုင်သွားပေမယ့် ကြိုးကိုတင်းနေအောင်တောင့်ခံထားလိုက်တယ်။ ရှိန်းရဲ့ ခြေထောက်တွေရောလက်တွေရောတုန်လာပေမယ့် သူတို့ရဲ့အစီအစဉ်အတိုင်း ကြိုးကိုလုံးဝမဆွဲပဲ တောင့်ခံနေလိုက်တယ်.......
-
-
-
အဂ္ဂိသေချာစိုက်ကြည့်နေမိတယ်။ ကြိုးတစ်ကြိုးကိုဟိုဘက်ဒီဘက်ဆွဲနေတာက ပြိုင်ပွဲပေါ့လေ။ လူတွေက အဲ့လိုယုတ်တိမရှိအသုံးမဝင်တဲ့ အရည်မရအဖတ်မရတွေလည်း လုပ်တက်သေးတာပဲ။ စိတ်ထဲရှိတဲ့အတိုင်းသာဆို အဲ့ကြိုးမီးလောင်နေပြီ......

"တစ်ခုခုတော့ မှားနေပြီ....ငရှိန်းရဲ့အသင်းက နောက်တန်းကလူတွေက ဘာလုပ်နေတာလဲ...."

ငသန့်သူမြင်လိုက်ရတဲ့ မြင်ကွင်းကြောင့်ခေါင်းတော်တော်‌ရှုပ်သွားတယ်။ ငရှိန်းတို့ကရှေ့ကတောင့်ခံထားပေမယ့်‌ အနောက်ကကောင်တွေက ကြိုးကိုကိုင်ရုံကိုင်ထားကြတာ.......

"ကိုကို....အဲ့ကောင်အဲ့နည်းကိုသုံးနေပြန်ပြီ...."

"ဟုတ်တယ် ရှိုင်း....."

အကုန်လုံးစိတ်ပူနေကြပေမယ့် ထိပ်တန်းနဲ့ရှိုင်းကတော့ တစ်ယောက်ကိုတစ်ယောက်ကြည့်ပြီးသာ ခေါင်းခါပြလိုက်တယ်။ ဒီပွဲက ရှိန်းတို့အဖွဲ့နိုင်မယ်ဆိုတာသေချာနေပြီ......
-
-
-
"အားလုံးစမယ်!!!"

{ 3.....2......}

ရုတ်တရက် အကျယ်ကြီးထအော်တဲ့ ရှိန်းရဲ့အသံနဲ့အတူ သူ့တစ်ဖွဲ့လုံးကပါ တစ်ညီတည်း နံပါတ်စဉ်ထရေတွက်တာကြောင့် အနီအသင်းတစ်ဖွဲ့လုံးကြောင်သွားတယ်.....

{1!!!!!!ဆွဲ!!!!}

ဝုန်း!!!!

"ရေး!!!!!!ရပြီ!!!!!ဝိုးဟိုး!!!!"