Tales of Hearts ❤️

Chapter 6.

💜💜

YN ne simple sa yellow colour ka suit pehna aur jaldi se room se nikal kar niche dinning hall me pohch gayi.

Anjali ji, Sayam ji aur Taksh vahi dinning table par bethe hue the.

Anjali ji ne YN ko aate hue dekh use kaha : Aaiye beta. Beth jaaiye.

YN : Nahi daadi. Aap sab log dinner kijiye. Main aao sab ko serve karti hu.

Anjali ji : Nahi rehne do. Aaj tum bhi thak gayi hogi. Aao beth kar khaana khaalo. Maya hai na. Vo serve kar degi.

YN ne Maya ki taraf dekha Maya use hi dekh rahi thi. YN ne jaldi se apni aankhe niche kar li. Aur Anjali ji ke paas beth gayi.

Aaj Sayam ji bahot khush the. Itne dino baad unka Taksh aaj unke saath dinner kar raha tha.
Unhe bhi lagne laga shayad Anjali ji ne thik hi kiya. Taksh aur YN ki shaadi karva kar..

Sayam ji ne YN se kaha : Are aaj to humari YNiee ek dam chup bethi hai. Kya hua?

YN ne halka sa muskuraate hue kaha : Kuch nahi daadu. Vo bas aaj mujhe neend aa rahi hai.

Sayam ji : Acha thik hai. Tum dinner karke so jaao.

YN : Ha. Daadu.

Taksh apni nazare churaate hue YN ko dekh raha tha. Vo apne daada ji ko YN se is tarah normal itni friendly baate karte dekhta hai to apne man me sochne lagta hai.

Taksh : Daadu kitne normally isase baate kar rahe hai. Lagta hai daadi aur daadu dono ise bahot ache se jaante hai. Par pata nahi ye daadu ke kaun se friend ki beti hai. Jise main nahi jaanta. Yaa fir shayad daadi ke kisi friend ki ho sakti hai.

Dinner hone ke baad Taksh apne room me chala jaata hai. Aur YN daadi ke room me unke saath chali jaati hai. Kafi der tak daadi se baat karne ke baad..

Anjali ji ne YN se kaha : Bahar to tum keh rahi thi ki mujhe neend aa rahi hai aur ab dekho kitni baate kar rahi ho.

YN : Daadi. Ab kya karu main.. pehle aa rahi thi mujhe neend. Ab nahi aa rahi isliye main aap se baate kar rahi hu.

Anjali ji ne muskurate hue kaha : Acha. Par dekho raat ke 10 baj chuke hai. Ab tum bhi jaa kar so jaao.

YN : Par daadi mera man nahi hai abhi sone ka.

Tabhi Sayam ji ne andar aate hue kaha : Agar tum jaa kar nahi sone wali to tumhari daadi bhi nahi soyengi. Aur agar ye sahi samay par nahi soyengi to inki tabiyat kharab ho jaayegi. Isliye tum bhi so jaao ab baaki ki baate subah karna.

YN : Thik hai daadu.

Itna bol kar YN vaha se Anjali ji ke room se chali gayi.

Vo apne room ki taraf jaane lagi aaj uska apne room me jaane ka bilkul man nahi kar raha tha.
Vo baar baar yahi soch rahi thi ki vo kaise jaaye, kahi Taksh ne usko dobara kiss kar liya to....

Ye sab sochte hue vo dheeme dheeme kadmo se apne room ki taraf badhti hai. Aur fir room ke paas pohch kar chup chaap apne room ka door kholti hai. To dekhti hai ki bed par koi nahi tha.

YN ne man me kaha : Lagta hai ye hai hi nahi room me. Main jaldi se jaa kar so jaati hu.

Itna sochte hue YN ne jaldi se apna dupatta nikaal kar side me sofe par rakha. Aur bed par chadh gayi. Aur jaldi se blanket oadh kar let gayi.

--------------

Idhar Anjali ji aur Sayam ji beth kar baate kar rahe the.
Anjali ji ne kaha : Maine YNiee ka addmission karva diya hai college me. Parso se vo college jaa sakti hai.

Sayam ji : Ye kaam tumne bahot acha kiya. Kam se kam ab bechari bachhi ghar me bore nahi hua karegi.

Anjali ji : Ha. Aur jaruri bhi tha. Uski UG complete ho gayi hai. Main chahti hu ki vo apni aage ki padhaai continue kare. Vo to kabhi nahi kahegi ki mera addmission kara do. Kyunki uska to padhne me bilkul man nahi lagta.