Tales of Hearts ❤️

Chapter 7.

💜💜

YN ke man me abhi bhi yahi baat chal rahi thi ki,
Daadi ne Jimish se ye kyu kaha ki, vo YN ko party me kaise le kar aa sakti hai. Aur fir Jimish ne ye kyu kaha ki, vo unki behan ban kar party me aa sakti hai.

YN ko kuch bhi samajh nahi aa raha tha. Vo sab sochte hue apni room ki taraf badh jaati hai.

Jaise hi vo apne room me pohchti hai. Uska phone bajne lagta hai.
Phone ki screen par Saanvi ka naam show ho raha tha.
YN ke chehre par muskaan aa jaati hai. Vo jaldi se Saanvi ka phone utha leti hai.

YN : Hello.

Saanvi ne khush hote hue kaha : Hello. Kaisi hai meri little sister...?

YN ne muh banate hue kaha : Kya kaisi hai.. itne din se mera phone kyu nahi utha rahi thi. Maine tujhe kitni baar phone kiya..

Saanvi : Are yaar, main na Nasik gayi hui thi. Meri cousin ki shaadi thi. To mujhe vaha jaana pada. Aur fir vaha par jaa kar phone uthane ka time hi nahi mila. Aur milta bhi to fir se koi aa jaata to phone karne ka time hi nahi mila.

YN ne muskurate hue kaha : Acha thik hai. Pehle Maine socha tha ki main tujh se bahot gussa rahungi. Par thik maine tujhe maaf kiya.

Saanvi : Ye hui na baat. Acha ye bata kaisi hai tu? Aur vaha tera man to lag raha hai na. Mujhe pata hai ki tu vaha bahot bore ho rahi hogi.

YN : Ha yaar... Bore to ho rahi hu. Par ab kya kar sakti hu. Ab mera college me bhi admission ho gaya hai yaha par..

Saanvi ne khush aur dukhi hote hue kaha : Wow. Ye to achi baat hai. Maine bhi college ki fees bhar di hai. Aur kuch dino me college start ho jaayenge. Par teri bahot yaad aayegi..

YN ne bhi same feel karte hue kaha : Mujhe bhi.
Saanu. Mujhe na tujhe ek baat batani hai.

Saanvi : Ha to batana..

YN : Umm.. kaise bataau.. vo.. meri shaadi ho gayi hai.

Saanvi ne shock hote hue kaha : Kya?.. kya bol rahi hai. Kya bakwas kar rahi hai..

YN : Sachi keh rahi hu.

Saanvi : Kis se shaadi ho gayi teri. Jhuth bol rahi hai na.. YNiee please aisa majak mat kar mere saath. Teri na nautanki kabhi khatam nahi hogi.
Akkal bhi hai kaise majak karne chahiye. Kuch bhi bolti hai. Teri Umar jarur badh rahi hai. Par tera dimaag abhi bhi bachhe jaisa hi hai.

YN : Nahi yaar . Main sach bol rahi hu. Meri shaadi sach me ho gayi hai. Aur vo bhi daadi ke grandson se.

Saanvi : Kya? Par kyu?

YN, Saanvi ko puri baat batati hai. Jo bhi uski aur daadi ke bich hui thi.

Saanvi ne YN ke muh se saari baate sun kar kaha : YNiee. Mujhe lag raha hai ki daadi ne tera bas istemal kiya hai. Mujhe na ye sab thik nahi laga. Unhone bas tujhe emotionally blackmail karke teri shaadi kara di. Aur tera husband kaisa hai? Uski age kya hai?
Pata hai tujhe kuch yaa aise hi shaadi kar li..
Tu na yaar.. kisi ki bhi baato me aa jaati hai.
Mujhe na ab tujh par bahot gussa aa raha hai.
Isase to acha tu yaha se nahi jaati.. tu mere saath mere ghar me reh leti. Agar mummy papa ko kuch problem bhi hoti na to main unhe bhi mana leti.

YN ne use samjhaate hue kaha : Nahi Saanvi. Tu daadi ko galat samajh rahi hai. Daadi aisi nahi hai.
Aur daadu vo to mujhe kitna pyaar karte hai. Dono mujhe bahot pyaar karte hai. Aur meri parwah bhi karte hai.

Saanvi ne YN ki fikra karte hue kaha : Mujhe pata hai daadi - daadu tujhe bahot pyaar karte hai. Par un logo ne teri shaadi bahot jaldi karva di. Abhi teri umar hi kya hai.. aur tera husband vo tujhe pyaar karta bhi hai yaa nahi.. aur.. YNiee husband ka love alag hota hai. Bewkoof. Tu samajh rahi hai kuch..