Tales of Hearts ❤️

Chapter. 25

💜💜

Taksh ne Jimish ki baat sun kar kaha : nahi.

Vo aage bola : Main abhi daadi aur daadu ko kuch nahi bata raha.

Taksh itna bol kar garden me pade sofe par jaa kar beth gaya.

Jimish bhi uske peeche peeche aa kar vahi Taksh ke saath bethte hue bola : Thik hai. Par fir bhi tujhe yahi bolunga ki tu kal apni shaadi ki announcement sab ke samne karna.. aaj Riya ki shaadi hai. Aaj rehne de.

Taksh ne ek smile apne face par liye hue kaha : Maine kab kaha ki main aaj announcement kar raha hu. Main to bas post kar raha hu.

Jimish ne thoda hairaan hote hue kaha : Main kuch samjha nahi.

Taksh ne apna phone nikaala. Aur apne insta account ko open karke usme apni aur YN ki shaadi ki photos ko ek ek kar ke post kar diya.

Jimish jo ki bilkul Taksh ke paas chipka hua ye sab dekh raha tha, usne shock hote hue Taksh se kaha : Abe ye..

Jimish aage kuch bol paata ki, Taksh ne use chup karaate hue kaha : Vaise. Social media is best. Ye apna kaam kar degi. Sab ko pata chal jaayega humari shaadi ke baare me. Par agar fir bhi koi baaki reh bhi gaya to, aaj raat Riya ki shaadi me to sab aayenge hi.. aur media bhi aayegi..

Jimish apni aankhe badi karte hue Taksh ko ghurte hue kaha : Media aayegi se kya matlab?.. kya tu mujhe thik se clear karega ki tu kya karna chah raha hai?

Taksh relax hote hue sofe par aaram se tik kar bethte hue bola : Media aayegi to.. aaj media ko Taksh Khurana aur Mrs. Khurana ki photo click karne ka mauka milega.

Taksh ne aage kaha : Iska seedha simple sa matlab hai ki aaj main YN ko apne saath Riya ki shaadi me le jaane wala hu. Aaj vo mere saath YN Taksh Khurana ban kar hi jaayegi. Varna nahi jaayegi.

Jimish ne Taksh ki baat sun muskuraate hue kaha : To matlab ab tu sure hai ki tu bhabhi ke saath apni puri zindagi bita sakta hai.

Taksh thik se beth gaya aur fir muskuraate hue bola : Haa. Very sure. Main use khud se dur karne ki soch bhi nahi sakta. Main usase bahot pyaar karta hu. Vo sirf meri hai. Aur main ye baat sab ko batana chahta hu.

Jimish Taksh ki baat sun chup ho gaya aur fir kuch sochte hue bola : Misha ka chapter to tune abhi close hi nahi kiya agar usne bhabhi ko teri kamjori bana liya to....

Taksh ne Jimish ko dekhte hue kaha : YN meri life hai. Main use kabhi kuch nahi hone dunga. Mujhe khud par itna bharosa hai ki main use har problem se protect kar sakta hu. Mujhe nahi pata us Misha ka chapter kab close hoga. Par itna samajh chuka hu ki use koi misunderstanding hui hai, aur main nahi jaanta ki
Main uski misunderstanding kabhi dur kar bhi paaunga ya nahi. Abhi is samay Misha London me hai..Maine uske baare me pata lagvaaya hai. Vo jaise hi vapas aayegi. Main ek baar usase mil kar sab kuch clear karne ki koshish karunga.

Taksh ne ek gehri saans lete hue kaha : Agar fir bhi vo nahi maani aur usne YN ko nuksaan pohchaane ki koshish bhi ki to fir main usase apne tarike se nipta lunga.

Jimish, Taksh ki baat sun kar khush ho kar uske gale lag gaya.

-------------

Idhar Maya ne Taksh ko room se bahar jaate hue dekha to vo bhi room ki safai karne ke liye room me aa gayi thi.

Maya room me aayi to usne YN ko bed par sote hue dekha to vo khud se boli : Lo YNiee to yaha hai. Aur madam ji subah se YNiee ko dhundh rahi hai.

Usne YN ko itne sukoon se sota hua dekha to fir usne bhi apna saara kaam bina jada koi aahat ke nipta diya aur fir vaha par pade kapdo ko aur nashte ki tray ko utha kar bahar aayi.