Anjali Khurana ji wants YN to marry her grandson Taksh. YN man hi man Taksh ko pasand karti thi. Taksh Khurana as (Kim Teahyung).
YN Anjali ji se wada karti hai, ki vo kabhi Taksh ka saath nahi chhodegi.
Aise me kya hoga jab Taksh Khurana ko is sha...
Sanju ne use pure garden ke 15 chakkar lagva diye the.
Us aadmi ne hanfte hue kaha : Bhaiya sach bol raha hu, vo YN hi thi.
Sanju gusse se bola : Chup. Ekdam chup. Tere vajah se ek ghante se shehar me ghum rahe the. Pata nahi kisko dekh liya. " Aur ha faltu me ye YN ki baat Raga ke samne karne ki jarurat nahi hai. Raga ki shaadi ho chuki hai ab. Use vapas se in sab me khinchne ki jarurat nahi hai. Bahot ho chuki nautanki. Apne sabhi aadmi ko bol do mujhe Saanvi 2 din ke andar apne samne chahiye.
Itna bol kar Sanju andar chala gaya.
Idhar Bhavesh ek kone me khade ho kar sab sun raha tha.
________________
YN, Kinjal ke saath Khurana mansion pohch gayi thi.
YN ka man bahot kharab ho gaya tha. Use laga tha ki Taksh kam se kam aaj ke din to apni family ke saath time spend karega.
Par Taksh ne to jaate samay ek baar bhi uski aur tak nahi dekha.
" Kaisa kaam hai ki vo Sunday ke din bhi ghar par nahi rehta tha. YN ne apne dimaag se sabhi khayalo ko dur kar diya. Vo bhari man se apne room me aagayi. Itne ache se vo Taksh ke liye taiyaar hui thi. Par ab vo uske saath hi nahi tha. Sahayd uske bhagwan ji se uski khushi bardasht nahi hoti. Yahi sab sochte hue vo closet room me aakar change karne me lag gayi.
Aaj vo bahot khush thi saath me Anjali ji bhi, aaj pehli baar Taksh ne khud man se pooja ki thi. Aur jo Anjali ji ne kaha vo sab maan kar unki har ichha puri ki.
Idhar Sayam ji bhi thode pareshan ho gaye. Unhone Taksh ke P.A ko jor de kar, use dhamka kar pata kiya, to pata chala ki Taksh ki koi meeting nahi hai. To Taksh sab se jhuth bol kar london kyu gaya hai? Sayam ji ko ye baat samajh nahi aayi thi.
-----------------
Subah ke samay,
Saanvi ki neend khuli to uski nazar sabse pehle apne haatho me rachi mehandi par gayi. Mehndi bahot gehri rachi thi.
Kal Jaya ji ne Saanvi ki haldi aur mehandi ki dono rasmo ko pura kiya tha. Aaj Shaurya aur uski ek baar fir se par is baar sab ke samne shaadi hone wali thi.
Thodi der baad Rashi, Saanvi ke room me aayi.
Rashi ne jaldi se kaha : Bhabhi..! Jaldi se naha kar ready ho jaaiye, maa bula rahi hai aap ko.
-----------------
Raat ke samay,
Shaurya ke ghar se kuch duri par bane garden me hi shaadi ke sabhi intejaam kiye gaye the. Shanika ki puri family bhi aa gayi thi. Aur vaha garden me bane guest house me thehri hui thi.
Rất tiếc! Hình ảnh này không tuân theo hướng dẫn nội dung. Để tiếp tục đăng tải, vui lòng xóa hoặc tải lên một hình ảnh khác.
Garden me mehmaano ka aana shuru ho gaya tha. Prithvi ji aur Shanika ke papa mehmaano ke swagat ke liye khade hue the.
Idhar Shaurya ki barat apni dulhaniya ko lene ke liye prasthan kar chuki thi. Barat ki sabhi vyavstha Surendra Choudhary ( Shaurya ke Chacha ji ) ki jimmedari thi
