💜💜
Anjali ji aur Sayam ji is waqt apne room me aa gaye the.
Anjali ji abhi bhi has rahi thi.
To Sayam ji ne muskurate hue kaha : Bas karo. Aise acha lagta hai kya bachho ko is tarah dekhna. Abhi tak nahi badli ho. Tum bahot besharam ho. Aur aisa hi tumhara pota hai. Jada agar biwi par pyaar aa raha hai. To room me kyu nahi le jaata use.
Anjali ji ne apni hasi control karte hue kaha : To aap ko kya pareshani hai. Uski biwi.. vo apni biwi se kamre me pyaar kare yaa kitchen me kare, ye pura ghar uska hai. Agar abhi is umar me romance nahi karenge to kya humari umar me karenge.
Sayam ji ne bed par bethte hue kaha : Acha thik hai. So jaao ab kafi raat ho gayi hai.
Anjali ji ne bed par bethte hue kaha : Aap ko pata hai isliye maine ghar ke saare naukaro ko raat 8 baje ke baad ghar se jaane ko bol diya hai.
Maine un sab ko samjha diya hai ki 8 baje ke baad sab apne quarter me chale jaaya kare. Baaki kaam agale din aakar kar liya kare.
Fir Anjali ji ne gehri saans lete hue kaha : YNiee ke aane se humare ghar me kitni raunak aa gayi hai na, varna pehle ye ghar aisa lagta tha ki jaise yaha par koi rehta hi nahi hai. Teen logo ke hone ke bavajood bhi ye ghar khaane ko daudta tha.
Sayam ji ne bed par letate hue kaha : Hmm.. Ye to hai. Sab se jada to Taksh ne badlaav aaya hai.
__________
Idhar kitchen me,
Taksh YN ko peeche se apni baaho me bhare hue tha.
Vo bahot pyaar se YN ke gale par kiss kar raha tha. Par YN ko bahot hi ajeeb feel ho raha tha.
Use bahot gudgudi ho rahi thi.
YN ne Taksh ko dhakka dete hue kaha : Dur hatiye. Mujhe gudgudi ho rahi hai.
Taksh YN ko bade pyaar se kiss kar raha tha. Vo to kho gaya tha usme. Par YN ke dhakka dekar aise usase dur jaane se use bilkul acha nahi laga.
Usne YN se kuch nahi kaha. Aur chup chaap kitchen se bahar aa kar dinning table par beth gaya.
Taksh ke is tarah jaane se YN ko samajh aa gaya tha ki usne Taksh ko naraz kar diya hai. YN ne khaane ki thaali le jaa kar Taksh ke samne rakh di.
Taksh chup chaap se khaana khaane laga. Usne ek baar bhi YN ki taraf nahi dekha. YN ko ab is baat se bhi pareshani hone lagi. Use thoda ajeeb laga. Taksh ab uski aur dekh hi nahi raha tha. Vo vahi paas ki chair par beth gayi aur Taksh ko khaana khaate hue dekhne lagi.
Pata nahi vo khud kya chahti thi.
Taksh ne khaana khaaya aur uth kar jaane ko hua ki tabhi YN khadi hui, aur usne Taksh ke baaju ko apne dono chote chote haatho se pakad liya.
Aur apni soft awaz me kaha : Kya hua? aap aise kyu behave kar rahe hai? Gussa ho gaye.
Taksh ne dusri taraf dekhte hue kaha : nahi.
YN ne fir se dheere se kaha : To fir meri aur dekh kyu nahi rahe.
Taksh : Kyu dekhu main tumhari taraf. Tum to har waqt mujhe apne aap se dur dhakelte rehti ho. Tumhe mere hone na hone se kya farak padta hai.
Itna bolkar Taksh ne ek jhatke me apni baaju YN ke haatho se chhudvaali. Aur vo jaane laga.
Fir vo ruk kar bola : Tumhe agar mera chhuna acha nahi lagta to main tumhe touch hi nahi kiya karunga.
Itna keh kar Taksh seedhiyo ki taraf badh gaya.
Taksh ke is tarah apna haath jhatakne se YN ki aankho me aansu aa gaye. Uska gala bhar aaya.
YN ne ruvaasi awaz me kaha : Aap aisa kyu bol rahe hai. Maine kab kaha ki mujhe aap ka chhuna acha nahi lagta, aap mere paas aate ho aur aap ke chhune se mujhe gudgudi hoti hai. To isme meri kya galti hai.
YOU ARE READING
Tales of Hearts ❤️
FanfictionAnjali Khurana ji wants YN to marry her grandson Taksh. YN man hi man Taksh ko pasand karti thi. Taksh Khurana as (Kim Teahyung). YN Anjali ji se wada karti hai, ki vo kabhi Taksh ka saath nahi chhodegi. Aise me kya hoga jab Taksh Khurana ko is sha...
