" ရှင်တို့တွေ နောက်ဆုံးတော့ လမ်းခွဲခဲ့ကြတယ်ပေါ့။ .."
မေးခွန်းတစ်ခုရယ် မဆိုသာသည့် ကျွန်မရဲ့ အမေးဝါကျ တစ်ခုမှာ နှမျှော်သတခြင်းတွေ ပါဝင်နေသည်ကို ကျွန်မ ခံစားမိတော့ ကိုယ့်ကိုယ်ကို အံ့ဩနေမိပြန်သည်။ ကျွန်မ စိတ်ထဲ အမှန်တကယ်ပင် သူတို့ နှစ်ဦးအား အဆင်ပြေစေချင်မိနေသည်လား။ ဒီလို သဘာဝမကျတဲ့ လိင်တူဆက်ဆံရေးမျိုးကို သဘောမကျပေမယ့် ထိုသဘာဝမကျသည့် အနေအထားမှ ဖြစ်ပေါ်လာသည့် ထိုဆက်ဆံရေးကို ကျွန်မ မသိစိတ်က လေးစားနေမိသည်လား။ ဒါမှမဟုတ် အားကျနေမိသည်လား။
" အင်း...။ ဆိုပါတော့။ "
တည်ငြိမ်စွာ ပြောလိုက်သည့် သူ့ စကားသံမှာတော့ နှမျှော်သတခြင်းတွေ ကျွန်မ မတွေ့မြင်မိသလိုပင်။ ကျွန်မ သူ့အား နားမလည်နိုင်စွာ ကြည့်နေမိသည်။ သူက စားပွဲပေါ်ရှိ အစိမ်းရောင်ကော်ဖီခွက်ထဲမှ အေးစက်စက်ကော်ဖီကို အကုန်မော့သောက်လိုက်သည်။ အေးစက်စက်ကော်ဖီကို မကြိုက်တတ်သည့် ကိုကိုသာဆိုရင် ကျွန်မ အရှေ့က သူ့ရဲ့ အပြုအမူကို မျက်နာရှုံ့ကာ ကြည့်နေမလား ကျွန်မ တွေးနေမိသည်။ ဟင့်အင်း။ မသေချာလှပါ။ ကိုကိုက ဘယ်တုန်းကမှ သူတစ်ပါးကို အပြစ်တင်ရှုံ့ချတတ်တဲ့ သူ မဟုတ်ဘူးဆိုတာ ကျွန်မ အသိဆုံးပင်။ ဒါဆိုရင် ကိုကို့ရင်ထဲမှာ သဘောကျသည့် အရာတွေက မည်ကဲ့သို့အရာတွေလည်းလို့ ကျွန်မ တွေးမိတော့လည်း သေချာသည့် အဖြေ ကျွန်မဆီတွင် ရှိမနေပါ။
" ချစ်သူဆိုတဲ့ ကျွန်တော်တို့ ဆက်ဆံရေး ပြတ်တောက်သွားတာပေါ့။ "
ဒါဆိုရင် ဦးလေးနှင့်တူလေးဆိုသည့် ဆက်ဆံရေးကတော့ ။
" အခုအချိန်အထိ သူက ကျွန်တော့် ဦးလေး အဖြစ်ရှိနေဆဲပါ။ "
ခပ်ဆွေးဆွေးနှင့် ခပ်လေးလေး သူ့စကားလုံးများက ကျွန်မ စိတ်ကို လေးလံလွန်းစေပါသည်။ ဒါကြောင့် စောစောကလို သူ တည်ငြိမ်နေနိုင်ခဲ့သည်ထင်သည်။ တည်ရှိပုံချင်း ပြောင်းလဲသွားခဲ့ပေမယ့် ရင်ထဲက တည်ဆောက်ထားသည့် အရာက တည်မြဲနေ၍ပင်ပဲလား။ လူသားနှစ်ဦးရဲ့ စည်းခြားထားသည့် ပတ်သက်မူနှင့် မဖြစ်နိုင်သည့် လူ့သဘာဝ ဖွဲ့စည်းပုံတွေက ထိုလူနှစ်ယောက်ရဲ့ ရင်ထဲက ခံစားမှုကို မကွယ်ပျောက်စေဘူးလား။ ပုံဖော်ပြီး ဖမ်းဆုပ်၍မရသည့် ခံစားမှုလေးက လူတစ်ယောက်ရဲ့ စိတ်နှလုံးသားထဲ တည်ရှိနေတယ်ဆိုရုံက ထိုလူရဲ့ အနာဂတ်တစ်ခုလုံး ပြောင်းလဲစေသည်ထင်သည်။ ဒါကြောင့် လောကကြီးမှာ စိတ်သည်သာ ကြောက်စရာအကောင်းဆုံးဟု ပြောဆိုသတ်မှတ်ကြသည်ထင်သည်။
