ကျွန်မ ကမ်းပေးသည့် အသံသွင်းစက်သေးသေးလေးနှင့် အစိမ်းရောင်မှတ်စုစာအုပ်လေးကို ငေးကြည့်နေသော ကိုကို့ မျက်ဝန်းများကို ကျွန်မ မျက်တောင်မခတ်ငေးကြည့်နေမိသည်။ ပြီးတော့ ထိုမျက်ဝန်းက အဓိပ္ပာယ်များကို ကျွန်မ ဘာသာပြန်ဖို့ ကြိုးစားနေသည်။
" ကိုကို သိသင့်တယ် ထင်လို့ပါ။ "
တည်ငြိမ်အောင် ကြိုးစားပြီး ပြောလိုက်သည့် ကျွန်မ စကားသံက ကျွန်မ ကြိုးစားထားသလို ကျွန်မ နုတ်ဖျားမှ တည်ငြိမ်စွာ ထွက်လာသည်။ ဒါပေမယ့် မွန်းကျပ်နေသော ကျွန်မအတွေးကြား ကမ်းပေးနေသော ကျွန်မ လက်ကလေးကတော့ စက္ကန့်ပိုင်းမျှ တုန်ရင်သွားသည်ကို ကိုကို သိပါလေစ။ အင်း။ ကိုကို သိပါသည်။
ကိုကို ကျွန်မကို ကြည့်လာသည်။ အနည်းငယ်အံ့ဩနေသော ကိုကို့ အကြည့်က မယုံကြည်နိုင်မူများနှင့်ပင် ။ ထိုကဲ့သို့ ကျွန်မ ဆုံးဖြတ်မည်ကို ကိုကို မယုံခဲ့ဘူးထင်ပါ့။ ဟင့်အင်း။ ကျွန်မလည်း မယုံကြည်နိုင်ခဲ့ပါဘူး ကိုကို။ ကျွန်မ ဒီလို ဆုံးဖြတ်မိမယ်လို့ မယုံကြည်ခဲ့မိဘူး။ သူ ပြောပြနေသော ကလေးဆိုသည့် သူက ကိုကိုဖြစ်လာလိမ့်မယ်လို့ ကျွန်မ ယောင်ရမ်းပြီးတောင် မတွေးမိခဲ့ဘူး။ ပြီးတော့ ကိုကိုက ကျွန်မ လက်မခံနိုင်သည့် ခံစားမှုများနှင့် ကိုကို ပတ်သက်ငြိတွယ်ခဲ့လိမ့်မယ်လို့လဲ ကျွန်မ ယောင်လို မတွေးခဲ့မိဘူး။ ကိုကိုက ဂေးတစ်ယောက်လား။ ဟင့်အင်း ။ ကိုကိုက အဲဒီလို ကာမဆန္ဒတောင်းတခြင်းတစ်ခု အတွက်နဲ့ မိုက်မဲမူကို ကျူးလွန်မယ့် လူမျိုးမှ မဟုတ်ပဲ။ ဒါဆိုရင် ဒါကို အချစ်လို့ ကျွန်မ တွေးပေးရမလားဟင်။ အိုးးး။ ထို အကြောင်းရင်းက ကျွန်မကို ပိုပြီး နာကျင်စေလှသည်ကွယ်။
သိခဲ့ရမှာ။ သူနှင့် စတင်တွေ့ကတည်းက ဦးလေးဆိုသည့် အကြောင်းပြောစဉ်ကတည်းက ကျွန်မ သိခဲ့ရမှာ။ လက်စွပ်ကို မြင်ဖူးတယ် ထင်နေခဲ့တာ။ ရီချင်လိုက်တာ။ တကယ်တော့ တစ်ခါတစ်ရံ ကိုကို အင်္ကျီကျယ်သီး တပ်ပေးတိုင်း ကိုကိုရင်ဘက်မှာ အမြဲဆွဲထားတဲ့ အရာလို့ ဘာလို့ မတွေးခဲ့မိတာလဲ။ ကျွန်မကပဲ အနည်းငယ်ဟနေသော အင်္ကျီရင်ဘတ်က ကိုကို့ရဲ့ ဖွေးစွတ်နေသော အသားအရေကို ငေးမောနေခဲ့မိ၍လား။ မိုက်မဲလိုက်တာ စောဟာနူးရယ်။
