سأظل احبك

لقاء

Flash back
قبل سنتين

كانوا يجلسون معا في احدي المطاعم كل من رئ الاثنين يحسدهم علي جمالهم ولكن لا يجب ان تحسد شخص وانت لا تعرف ما بداخله

جون " حبيبتي عايز اقولك علي حاجة"
صوفيا بثقة " عارفة بتحبني"
جون وهو يضحك " ايوة بحبك بس عايز اقولك حاجة تانية"
صوفيا بقلق " في ايه خوفتني"
جون " انا مصاب باللوكيميا"
صوفيا بعدم تصديق" لوكيميا ايه"
جون" سرطان الدم "
صوفيا" جون قولي انك بتكدب "
جون " التحاليل بتقول كده"

وفجأة بدات صوفيا بالبكاء بصوت عالي مما جعل جميع الموجودن ينظرون لها
جون وهو يتجة اليها ليأخدها في حضنه " صوفيا اهدي متخافيش انا هخف متقلقيش "
صوفيا تزيد في البكاء
جون " طب يلا تمشي من هنا"
اخذها جون وهي مازالت بين احضانه تبكي ليرجعها الي المنزل

ظلت صوفيا تبكي ولا تتوقف حتي رن هاتفها وكان باسم جون لتجيب
جون" صوفيا تعالي حالا علي المستشفي "
صوفيا " في ايه انت كويس"
جون " اه كويس تعالي بسرعة بس"
صوفيا " حاضر "

كان جون قد تأخرت حالته وكان يحتضر ولكن يريد ان يراها لاخر مره
عندما وصلت صوفيا للمستشفي ذهبت الاستقبال تسأل من هناك
صوفيا بعصبيه" فين جون "
الموظفة " اهدي يا فندم "
صوفيا تزداد صراخ " قوليلي فين "
الموظفة " في غرفة 101 "

لم ترد عليها صوفيا لتجري تريد ان تلحقة وكانها تشعر انه وقته الاخير في هذه الحياة
وصلت امام غرفته وضعت يدها علي المقبض كانت تخاف ان تدخل تخاف ان تراه في حالة سيئة واخيرا استجمعت شجاعتها لتدخل لتراه مستلقي علي سريرة يصب عرقا
صوفيا بفزع "جون "
جون " تعالي"
ذهبت اليه صوفيا تحضنه
صوفيا" ايه الحصل ياحبيبي "
جون " مش فاكر بعد موصلتك البيت و كنت هروح لقيت كل حاجة اسودت قدامي ومعرفش ايه الحصل بعد كده "
صوفيا " لازم تفضل هنا مش هينفع تخرج "
جون " هعمل العملية بكرة الصبح "
صوفيا " هفضل معاك "
جون " لازم تروحي عشان هيقلقوا عليكي في البيت"
صوفيا " مش هينفع اسيبك"
جون " متخافيش عليا انا هبقي كويس "
صوفيا " هجيلك الصبح "
جون " ماشي ياحبيبتي "
طبعت قبلة علي جبيته وغادرت وهي قلبها متحطم علي حاله

جاء الصباح علي ما يبدو سيكون الاسوء
اتجهت صوفيا للمستشفي لتلحقه قبل ان يدخل لغرفة العمليات عندما وصلت وجدت والد جون والدته وبعض من اصدقائه دخلت له لتشجعة فخرج كل من في الغرفة ليعطيهم راحتهم

صوفيا " جون انا بحبك ابقي كويس عشاني خليك قوي انا مقدرش اعيش من غيرك "

جون " هتعيشى يا صوفيا  سواء بيا او من غيرى طول ما فى نفس داخل وخارج منك يبقى هتعيشى  احنا بنقابل الناس فى حياتنا علشان نتعلم ازاى نعيش فى الدنيا مش علشان نعيش فى الدنيا ولان طبيعه الانسان مش دايم سواء مشاعر او وجوده لكن البصمه اللى بيسيبها فى حياتنا هى اللى بتقوينا  احنا مراحل فى حياه بعض ومفيش مرحله تستمر مده اطول  اعتمادنا على نفسنا بيوفر كتير علينا فى اننا نعيش لما بنكون لوحدنا فاهمانى قوى نفسك بنفسك متستسلميش ابدا "