SA LUPANG SINILANGAN

Ang akdang ito ay tungkol sa usaping panlipunan, pampamilya, pagkakaibigan at pagmamahal sa bayang sinilangan. Layunin nitong imulat ang mga matang hirap nang dumilat sa katotohanan. Magbigay kaalaman na ang bayan ay hindi isang lupain lang kundi isang lugar kung saan mas pinaiiral ang pagmamahal sa sariling atin. Ang inspirasyon ko sa pagsulat ng makabayang kuwentong ito ay ang Noli Me Tangere at El Filibuterismo ng ating pambansang bayani na si Dr. Jose Rizal.

Tatalakayin ang mga sularanin ng Pilipinas, mga hadlang sa pag-unlad at ang naging pag-uugali ng iilang Pilipino. Ipinapakita rito na ang mga Pilipino ay may iba't ibang uri ng sistema pagdating sa pakikipaglaban sa buhay. May ilang kapit sa patalim, may ilang nagpapaalipin at may ilang nang-aalipin. Mahahagip din ng akdang ito ang epekto ng mga dayuhan sa ating sariling bayan.