#Unicode
ရှင်းသန့် မှတ်တိုင်မှာ ကားစောင့်နေတုန်း လမ်းတစ်ဖက်မှာ
လူနှစ်ယောက်ကို တွေ့လိုက်ရသည်။
ကိုကိုပါလား... ဟင် ကိုကို့ဘေးမှာက ကောင်လေးတစ်ယောက်။ ကိုကိုက ထိုကောင်လေးလက်ကို ယုယုယယကိုင်ကာ အပြုံးများဖြင့် ကြည်နူးနေသည့်ပုံ၊ ထိုကောင်လေးကလဲ ကိုကို့ပုခုံးပေါ် ခေါင်းလေးမှီရင်း လမ်းလှျှောက်နေသည်။
ထိုကောင်လေးကို ရှင်းသန့်
သေချာကြည့်လိုက်ရာ
အံ့သြခြင်း၊ မယုံနိုင်ခြင်းများစွာနဲ့အတူ လက်ထဲရှိ ဆန်ပြုတ်ဘူးလေး လွတ်ကျကာ မြေပေါ်တွင် ဆန်ပြုတ်များ နေရာယူသွားတော့သည်။
..............................
ဝေယံမောင်...ဟုတ်ပါသည်။ ကိုကို့ဘေးမှာရှိနေသော ထိုကောင်လေးသည် ဝေယံမောင် ဆိုတဲ့ နှစ်ယောက်မရှိသော သူ၏အချစ်ဆုံးသူငယ်ချင်း။
ကိုကိုနဲ့သူက ဘယ်လိုကနေ ဘယ်လို?
ရှင်းသန့် တစ်ဖက်လမ်းသို့ အမြန်ကူးလာလိုက်ကာ
ကိုကိုတို့နှစ်ယောက်ရှေ့မှ ပိတ်ရပ်လိုက်သည်။
"ကိုကို ဒါဘာသဘောလဲ? ကိုကိုနဲ့သူက?"
ရှင်းသန့် အသံများပင်တုန်နေပေသည်။
"ကို...သူနဲ့ အပြတ်ဖြတ်ထားလို့ ဝေယံပြောထားတယ်လေ။ ဘာလဲ ဝေယံ့စကားကို အရေးမစိုက်တာလား?"
"ရှင်းသန့် မင်းနဲ့ငါ ပြတ်ပြီလို့ ဟိုနေ့ကတည်းက ပြောခဲ့တာနော်။လာမနွယ်နဲ့ အာရုံနောက်တယ်"
"ရှင်းရေ...ကြားတယ်နော်။ လစ်လိုက်တော့ ရှင်း
နင်ငါ့ကို ဆက်ခင်သေးတယ်ဆိုရင်ပေါ့"
ဖြန်း...
ရှင်းသန့် မောင့်ပါးကို ရိုက်ချလိုက်ခြင်းသာ...
"မောင် တစ်ကယ်လုပ်ရက်တယ်။ ငါ့မှာတော့ အချစ်ဆုံးသူငယ်ချင်းဆိုပြီး အရာရာ မထိန်ချန်ပဲ ပြောပြပြီး ယုံကြည်ခဲ့လိုက်ရတာ။ မောင်ကတော့
အပြုံးတစ်ချက်မပြတ်ပဲ ငါ့နောက်ကျောကို ဓားနဲ့ ထိုးရက်တယ်"
"တန်ပါတယ်။ငါ ဘာမှပြန်မလုပ်ဘူးနော် ရှင်း။
နင့်ရဲ့ကိုကို ကို ငါ့ရဲ့ ကို အဖြစ် ပြောင်းလဲခြင်းအတွက် ဒါက အဖိုးအခလို့ပဲ
ငါ မှတ်ယူလိုက်မယ်။ Bye"
အပြုံးတစ်ချက်မပြတ်ပဲ ကိုကို့လက်ကိုဆွဲကာ မောင်ထွက်သွားလေပြီ။
YOU ARE READING
The 3 Guys(Completed)
Teen Fiction#Unicode သူဌေးကြီးတစ်ယောက်ရဲ့ တရားမဝင်သားအဖြစ်နဲ့ မွေးဖွားလာတဲ့ကောင်လေး... ဘဝကိုဆင်းရဲပင်ပန်းစွာ ရုန်းကန်နေရတဲ့ကောင်လေး... အချစ်ဆုံးသူငယ်ချင်းနဲ့ချစ်ရသူဆီက တစ်ပြိုင်တည်း သစ္စာဖောက်ခံလိုက်ရတဲ့ကောင်လေး... ထိုကောင်လေးသုံးယောက် ဘယ်လိုတွေ့ဆုံကြမှာလဲ? သူတ...
