المراهقة و الأربعيني

مشهد

💕

ليليان:- بعد ما خلصت العزيمه.. وگفت كدام السنك اغسل التل اللي اسمه مواعين.. بديت بالغسل لاسرح بعالم ثاني بتفكيري..

عالم مابي غير هذاك  الرجل الاربعيني.. يلي شاغل بالي طول الوقت..

يلي عقلي بغيابه ما يفكر بغيره.. وبحظوره يبطل عقلي يشتغل ويصير قلبي ينبض نبضات قويه لدرجة احس العالم كله يسمعها..

انقطعت سلسلة افكاري على صوته وهو يضحك ويدخل المطبخ.. ليغسل ..لان كدام المغسل هوايه ناس..

تقرب مني.. وهو يكول :- بس شويه بنتي... ملت عنه.  وهو مد اديه يغسل فوك المواعين.. كل البيني وبينه شبر او شبرين. 

..عطر بجسمه وبملابسه يوصلني يدوخني.  رغم اعرف اسم العطر Boss وسرقته من غرفته وبقيته عندي اشم بي..

بس ما احس بيه الا لما يتقرب واشمه.  احس اله عطر ثاني وهو بجسمه.. قلبي ما اعرف دگاته شلونها النفس يضيق عندي ورغم البرد كصتي تصير تتعرق بشكل مو طبيعي. 

ما اعرف اذا كان.. توتر ..ارتباك.. خجل .. احساس ما اعرف اطلق عليه اسم للان. 

غسل حلكه.. ومد ايده يوخرني لحتى يتفل الماي بالزباله.. مو لمسه.. احس كهربني.. بقيت صافنه بي وضايعه..

فززني وهو يحجي وياي...  روحي جيبيلي منشفه..

-هااا

صراع:-شبيج  مثوله بنيتي اريد منشفه  روحي بسرعه. 

-هاا ااا اي اي.. غسلت بسرعه اديه وركضت اجيبله منشفه.. اخذها ينشف واني العرگ يصب مني وصافنه عليه. من الخجل والتوتر رغم ممسوي شي ليش اخجل واتوتر ما اعرف

شلون حبيته وليش ما اعرف... صح اللي بينا هوايه ... اني مسيحيه وهو مسلم.. عمره 44 سنه واني 17..

بس وقت لما يمر من يمي.. انسى كل هاي الفروقات وابقى بس افكر بي... رغم هو زوجي بس ما يعتبرني الا بنته...

ما اعرف شنو اللي ديصير ويايه.. كل اللي عرفته اني حبيته.... 💕

مشهد من قصة (مراهقه والأربعيني)

قصه جدا جميله وصلتني قبل يومين.. وصار يومين انام اكعد افكر بيها.  ففكرت انزل منها مشهد..

اذا عجبتكم.. اطرحها قبل قصة سبايا داعش.  لان هذيج القصه بيها حقائق كثيره يحتاجلها دراسه كيف اضهر المهم واخفي الخطر..

ف شرايكم 😍

كل اخبار القصة وبقية القصص تلكوها على حسابي على الانستكرام