The Jerk's Crush (Filipino) (ON-HOLD)

Chapter 4- The Troubled Jerk

MARCUS' POV

Dumaan muna ako sa Jollibee para bumili ng tatlong C2 meal na thigh part at french fries na large para sa aming tatlo nina Mitch. May natitira pa naman sa allowance ko this month, at hindi bale na, sahuran na rin naman sa katapusan. Baka nga last salary ko na iyon dahil sure akong hindi magdadalawang isip si boss na i-dismiss ako sa trabaho. I'm not his only boy-toy anyway. Kinda sucks pero okay na rin iyon para wala na akong dadalhing mabigat na sikreto at kahihiyan hindi lang sa sarili ko kundi pati na rin sa pamilya at mga kaibigan ko.

Kailangan kong makahanap ng bagong trabaho at makapag isip ng dahilan kung bakit wala na akong sasakyan this time. Ayoko kasing malaman nina Jace ang nangyari. Ayokong magbago ang pananaw nila sa akin. Hindi bale na't matagalan, uutang nalang muna ako kay Zeus ng pera kapag kulangin ako. Hindi rin kasi pwedeng mag stop ako sa gym because I have to maintain the current bulk of my body for future fashion shows.

"Oh, kuya. Ba't mukha kang namatayan ng aso diyan? Hinalay ka ba sa photoshoot niyo?" pabirong pambungad ni Mitch sa akin which had my jaw clenched.

"Huwag kang magbiro ng ganyan, Mitch. Hindi ka nakakatuwa." malamig na tugon ko sabay abot sa kanya ng mga take out ko from Jollibee.

"Alam mo kuya, lalo kang gumagwapo kapag mag roll eyes ka." pahagikhik na sabi nito habang excited na kinuha sa akin ang pagkain.

"Jollibee!" rinig kong sigaw ni Milo mula sa kwarto nito. Daig pa nito ang pang amoy ng asong gutom na kahit na nasa kabilang bahay ito ay malalaman niya kung ano ang dala kong pagkain.

"Ihanda mo na ang table Mitch at kakain na tayo. Gutom na rin kasi ako." mahinang sabi ko. Nagsimula na itong magdakdak ng mga nangyari sa school nila kanina habang inaayos ang mesa para sa dinner at ako naman ay parang nahihilo sa boses nito. Ang daldal kasing babaeng ito. Second year highschool palang ito at doon siya nag aaral sa isang maliit na public school na pwede lang lakarin mula dito. Si Milo naman ay anim na taon palang at hindi ko pa napapa enrol sa elementary.

Patuloy ang pagdaldal ni Mitch tungkol sa mga teachers niya, assignments niya at pati ang mga ligaw na pusa sa school. Lahat lahat nalang.

"May mas madaldal pa ba sa'yo, Mitch?"

"Ikaw talaga kuya. Ang seryoso mo masyado."

"Ang ingay mo kasi."

"Mukha ka kasing brokenhearted eh. Sino ba kasi ang walang hiyang babaeng iyan na dumurog sa puso ng pogi kong kuya nang masabunutan ko siya sa buhok niya...sa baba."

She's talking bullshit na naman, at mas lalo akong nainis dahil nagsasalita ito habang ngumunguya.

"Don't talk while you're mouth is freaking full, Mitch. Kung ako ang lalaki, hindi kita liligawan. Ang annoying kasi ng bunganga mo." I cast a stern look her way.

"Ang harsh mo naman kuya. Sana ay mainlove ka sa isang babaeng madaldal." She rolls her eyes at me as she bites on her fries.

Napatawa ako ng bahagya sa sinabi nito. "Parang sinabi mo na rin na makakalipad ang mga isda at kakasya ang mga elepante sa bag ko."

Imposible iyon dahil ang gusto ko sa babae ay iyong prim and proper, mabango, matangkad, maputi, tisay, matalino, at may sense kausap. Ayoko ng annoying.

"Whatever. Ang weird mo."

"Mas weird ka."

Normal na bangayan lang iyan sa pagitan namin ni Mitch. Kahit ganun kaming dalawa ay mahal na mahal ko ang babaeng ito. Silang dalawa ni Milo actually. Sila nalang kasi ang pamilya ko eh at para na rin kasi nila akong tatay. Isang tatay na strikto at seryoso who only wants the best for them.