جنون عاشق - منى سليمان (الجزء الأول لسلسلة حورية قلبي)

جنون عاشق .. الفصل الثاني .. بقلمي منى سليمان

جنون عاشق

الفصل الثاني

* شجار *

ابتعدت حورية خطوات قليلة فرمقها محمد بنظرة اندهاش وأردف قائلاً

- شكل الموضوع كبير

-  بصراحة أنا عايزة اشتغل من بكرة في الشركة زي ما وعدتني، ها قولت إيه ؟

رفع محمد أحد حاجبيه ورسم الجمود المصطنع على وجهه فنظرت إليه بعين راجية جعلته يبتسم قائلاً

- أنا مستحيل أرفضلك طلب

-  يعني هتشلغني؟!!

- بكرة الصبح تعالي وهاتي ملك معاكي وهعملك كل اللي أنتي عايزاه

لمعت عينيها فرحاً ثم اقتربت من والدها وخبأت جسدها الهزيل في صدره فحاوطها بحنان ... ولم تمض سوى دقيقة واحدة حتى دلفت مساعدته إلى غرفة المكتب وتحدثت قائلة

-  أستاذ مصطفى السيوفي بره وعايز يقابل حضرتك

- يدخل طبعا

قالها محمد بسعادة وترحاب فدلف مصطفى إلى المكتب ووقعت عينيه على الجميلة فابتسم لها ثم نظر إلى محمد وهتف

- معلش جاي من غير معاد

- عيب عليك دي شركتك

- أكيد القمر دي حورية

قالها مصطفى وهو ينظر إلى الجميلة فخجلت بشدة وتوردت وجنتيها كعادتها فابتسم محمد على فعلتها وتحدث قائلاً

- أيوه دي الأنسة حورية

- بسم الله ماشاء الله كلها هيلين

- فعلا حورية شبه هيلين وملك شبه خالتها الله يرحمها

- الله يرحمها، عاملة إيه يا حورية  ؟

- الحمد للله يا عمو

قالتها بهدوء ثم تبادلت أطراف الحديث معه.... وبعد مرور عدة دقائق غادرت الشركة، فتحدث مصطفى قائلاً

-  ماشاء الله حورية عاملة زي النسمة

- حورية هادية جداً وأقل حاجة بتأثر فيها عكس ملك تماما

- طيب إيه رأيك نحاول نقرب الأولاد من بعض ؟

قالها مصطفى فحركت محمد رأسه بالموافقة وأجابه بسعادة

- ده يوم المنى، بصراحة فهد مفيش في أخلاقه وزياد مصيبة بس طيب

-  ههههههههه عندك حق علشان كده نحاول نقرب حورية من فهد، وملك من زياد

-  طيب أزاي؟!!

قص مصطفى على صديق دربه الخطة التي تدور في رأسه فصمت محمد للحظات ثم تحدث قائلاً

- بس اللي بتفكر فيه ده صعب جداً، ولو قدرت على حورية، ملك مستحيل توافق دي عنيدة جداً