جنون عاشق - منى سليمان (الجزء الأول لسلسلة حورية قلبي)

جنون عاشق .. الفصل الحادي والعشرون .. منى سليمان

جنون عاشق

الفصل الحادي والعشرون

* جبل جليد *

اقترب فهد من طفلته بخطوات هادئة إلى أن استقر خلفها وهتف بصوت حنون

- وحشتيني

ارتسمت ابتسامة سخرية على جانب ثغرها، ثم وضعت الكتاب على المنضدة وادارت جسدها إليه وهتفت ببرود وهي تنظر في عينيه

- بابا موجود جوه، تقدر تدخله

شعر فهد أنه يقف أمام جبل جليد، واندهش أكثر حينما لاحظ اختفاء نظرة البراءة من عينيها وحل مكانها نظرة نمرة متوحشة

- حورية أنا

رفعت حورية كفها في الهواء لكي يتوقف عن الكلام وهتفت ببرود

- لو سمحت يا باشمهندس اسمي الأنسة حورية ده أولاً، ثانياً مفيش أي علاقة بيني وبين حضرتك علشان يبقى في بينا حوار

قالتها ثم جلست على المقعد مرة أخرى وتابعت القراءة فوقف فهد مصدوماً من تحول الجميلة، وظل هكذا إلى أن رأه يوسف ورحب به

- الفيلا نورت

- متشكر

- واقف ليه أتفضل أقعد

- لا متشكر كنت محتاج إمضاء الباشمهندس على الورق ده

- دقيقة هصبح على قمري وندخل سوا

قالها يوسف ثم اقترب من حورية وطبع قبلة على مقدمة رأسها فلمعت عينيها فرحاً وهتفت بصوت دافىء

- صباح الخير يا حبيبي

- صباح الهنا يا عمري

لوى فهد فمه وشعر بالغيرة فها هي تتحدث بصورة طبيعية مع يوسف

- كفاية قراءة وقومي غيري هدومك علشان هفطرك بره، ما تيجي معانا يا باشمهندس

- معلش مرة تانية

شرع يوسف أن يعترض ولكن سبقته حورية وهتفت ببرود

- سيبه براحته يا يوسف، كان لسه بيقول حالاً أن عنده شغل مهم

ضيق فهد بين حاجبيه واشتعل غضباً ولكنه لم يظهر ذلك وهتف بغيظ

- فعلاً عندي شغل مهم ومستحيل أسيبه أو أنساه

لوت حورية فمها حينما فهمت الرسالة التي تحملها كلمات فهد بينما لم يفهم يوسف شيئاً مما قيل فهتف ببراءة

- طيب مش هعطلك، أتفضل معايا، وأنتي يا قمر قومي غيري هدومك

مضى فهد برفقة يوسف، فوضعت حورية يدها على قلبها لتهدئه فقد تسارعت نبضاته بمجرد أن سمعت صوته

********************************

بمجرد أن دلف يوسف إلى الفيلا، هبطت ملك الدرج وهي في كامل أناقتها فاندهش بشدة