جنون عاشق - منى سليمان (الجزء الأول لسلسلة حورية قلبي)

جنون عاشق .. الفصل الثاني عشر .. منى سليمان

جنون عاشق

الفصل الثاني عشر

* غيرة حورية *

أهداها زياد قلادة ذهبيّة مطعمة بفراشة صغيرة ونقش على أحد جناحيها حرف " Z " وعلى الجناح الأخر حرف " M" ،فلمعت عينيها فرحاً اعتقاداً منها أن العاشق الولهان سيعترف بعشقه لها ولكن سرعان ما أفسد زياد تلك اللحظة

- أنا عارف أنك مستنيه مني توضيح لعلاقتنا بس أنا طالب منك شوية وقت علشان أتأكد من مشاعري

ما أن تفوه زياد بكلماته انطفأ البريق الذي كان يزين عينيّ الجميلة وأصبح الشرار يتطاير منهما ولكنه لم يهتم واستطرد قائلاً

- أنا عرفت بنات كتير جداً بس عمري ما حبيت واحدة فيهم و

قاطعته ملك: عرفتهم أزاي يعني ؟!!

قالتها بحدة وغيرة واضحة فابتسم زياد ابتسامة خفيفة ونظر في عينيها قائلاً

- مش اللي في دماغك على فكرة، أنا عمري ما لمست بنت علشان كده حرام

- ربنا يقوي إيمانك يا سيدنا الشيخ

قالتها بغيظ فانفجر زياد ضاحكاً، وما أن استرد انفاسه هتف بجدية مصطنعة

- بطلي هزار وسبيني أكمل كلامي، كنت بقول أني عرفت بنات كتير بس عمري ما حسيت أني مبسوط غير وأنا معاكي، بحس أني مشتاقلك وعايز أفضل جمبك بس لازم أتأكد أن ده حب مش مجرد إعجاب علشان كده بقولك محتاج شوية وقت

اشتعلت النيران داخل قلب ملك ثم انتفضت عن مقعدها وأعطت زياد الهدية ثم هتفت بغضب

- أنا رأيي ما تحيرش نفسك كتير لأني شايفه أن اللي بينا مجرد صداقة والهدية دي ملهاش لزوم أصلا

- إيه اللي أنتي بتقوليه ده، خدي السلسلة

قالها زياد بحدة فلوت ملك فمها وتحدثت ببرود قائلة

- لا مش هاخدها ولعلمك أنا بعتبرك صديق مش أكتر

قالتها ثم حملت حقيبتها واستعدت للمغادرة ولكن سبقها زياد وأغلق باب المكتب بالمفتاح فتعالت شهقاتها

- افتح الباب يا مجنون

- لو أنا مجنون فأنتي أم المجانين، خدي السلسلة أحسنلك بدل ما اطلع الجنان عليكي

- مش عايزاها خليها لأي سنكوحه من اللي تعرفهم

مسح زياد وجهه بكف يده عله يكظم الغضب الذي اشعله عناد الجميلة

- كل ده علشان بقولك محتاج شوية وقت

- لا مش علشان كده، الهدية ملهاش لزوم لأنك بالنسبالي مجرد صديق ولو سمحت افتح الباب علشان امشي

- مش هتمشي إلا لو أخدتي السلسلة

اقتربت منه ملك وأخذت القلادة ثم وضعتها في حقيبتها وهتفت ببرود