🌟အဖေ့ မျက်ရည်🌟
အဲဒီနေ့က၂၀၁၇ ခုနှစ် ဇူလိုင် ၉ ရက်ပေါ့
အဘိုးအိုတစ်ယောက်ဟာ လူတွေမတွေ့အောင် အိမ်သာထဲဝင်ပြီး ခံပြင်းစွာနဲ့ထိုင်ငိုနေတယ်။ အဘိုးအိုငိုခဲ့ရတာ အခုဆို ၁၉ နှစ်ရှိပါပြီ..။
အဘိုးအိုဟာ အရင် တွေးနေကျအတိုင်း တွေးလိုက်တယ်။
" ငါ..ငိုနေလို့မဖြစ်ဘူး။ သမီးလေးစောင့်နေရှာတော့မယ်...။ သမီးလေးမှာ အားကိုးစရာဆိုလို့ငါပဲရှိတာ.."
အိမ်သာထဲကထွက်ပြီး သတင်းထောက်တွေအရှေ့မှာ မတ်တပ်ရပ်လိုက်တယ်။
***********************************
ဓာတ်ပုံရိုက်သံတွေ အဆက်မပြတ်ကြားနေရတယ်။ မိုက်ခ်ပေါင်းများစွာ သူ့အရှေ့ကို တိုးဝှေ့လာတယ်..။ သတင်းထောက်တွေရဲ့မေးခွန်းထုတ်တဲ့ အသံတွေနဲ့ ဆူညံသွားတယ်..။
"ကျွန်တော့်ကို မကယ်နိုင်ကြတော့ဘူးလားဗျာ။ ငွေမရှိတဲ့ ဆင်းရဲသားတွေကို ပြီးရင်ပြီးရော ပစ်စလက်ခတ် လုပ်ခဲ့တဲ့ ရဲထောက်လှမ်းရေးတွေကို ကျွန်တော် တစ်သက်မကြေဘူး...။ ကျွန်တော့် သမီးလေး....."
အဘိုးအို စကားဆက်မပြောနိုင်တော့...။
တာဝန်ရှိသူက သတင်းထောက်တွေကို အော်ပြောလိုက်တယ်..။
"နားပါစေတော့ဗျာ ..သူ့ခင်မျာ ပင်ပန်းလှပါပြီ"
***********************************
လွန်ခဲ့တဲ့ ၁၉ နှစ်ကပေါ့..
၁၉၉၈ ခုနှစ် အောက်တိုဘာလ ၁၆ရက်
တောင်ကိုရီးယား-ဒဲဂုမြို့ ( Daegu- South Korea )
ဂင်မြောင်းတက္ကသိုလ်- Keimyung University
အဲဒီညဟာ လှို့ဝှက်ချက်တွေနဲ့ ပြည့်နှက်နေတဲ့ညတစ်ခုဖြစ်ခဲ့တယ်။
ဒဲဂုမြို့ တက္ကသိုလ်မှာ ပျော်ပွဲရွှင်ပွဲ နောက်ဆုံးနေ့ဆိုတော့ အစည်ဆုံးပေါ့..။
ဂျုံး (Jong )ဆိုတဲ့ မိန်းမလှလေးတစ်ယောက်အတွက်တော့ အရာအားလုံး အသစ်တွေပါပဲ..။ အခုမှ အထက်တန်းအောင်ပြီး တက္ကသိုလ် စပြီးတက်ခါစ ..,။ အသက် ၂၀ ပင်မပြည့်သေးတဲ့ ရိုးသားဖြူစင်သူလေးတစ်ယောက်ပေါ့...။ သူမအသက် ၁၈ နှစ်ပဲရှိပါသေးတယ်...။
YOU ARE READING
Koreaနိုင်ငံ၏မှုခင်းများ (Koreaႏိုင္ငံ၏မႈခင္းမ်ား) [Book-1]
Non-FictionKorea နိုင်ငံ၏သင်ခန်းစာယူသင့်သောအမှုအခင်းများ။ ရေးသားသူ Korea နိုင်ငံတွင်နေထိုင်သူ Myanmar နိုင်ငံသား Ma Shwe Moe မှတရားဝင်ခွင့်ပြုချက်ဖြင့်ပြန်လည်ဖော်ပြခြင်းဖြစ်ပါသည်။ (မူရင်းခွင့်ပြုချက်ဖြင့်တင်သူHanKyarNyoHtetကMa Shwe Moe ဘာသာပြန်သောမှုခင်းအသစ်မျ...