🌟အရက်စက်ဆုံး ပြန်ပေးဆွဲသမားများ 🌟
🌟အပိုင်း-၁
ကျွန်မတို့မှာ သားလေးတစ်ယောက် သမီးလေးတစ်ယောက်ရှိပါတယ်..။
၂၀၁၁ ခုနှစ် ၉ လပိုင်း ၁၉ ရက်နေ့ မှာပေါ့..။
ကျွန်မရဲ့ သားလေး ဟုန်း ဆောက် ဒုံ (Hong Sok Dong) ဟာ အလုပ်ပိတ်ရက်ရှည် နားခွင့်ရလို့ ပျော်နေခဲ့တယ်..။
အလုပ်နဲ့ အမြဲပင်ပန်းတဲ့ သားလေး 'ဟုန်း' ဟာ ဖိလစ်ပိုင်နိုင်ငံကို အလည်သွားခဲ့ပါတယ်..။
သားထွက်သွားတော့ သားအသက် ၃၁ နှစ်..။
**************************************
ကိုရီးယားကထွက်သွားပြီး ၃ ရက်လောက်ကြာတော့ သားက ကျွန်မဆီဖုန်းဆက်တယ်..။
"အမေ...ကျွန်တော် ပြဿနာတက်နေပြီ..။ ကျွန်တော် မိန်းကလေးတစ်ယောက်နဲ့ အိပ်မိတယ်။ အဲဒီကောင်မလေးက အသက်မပြည့်သေးဘူး..။ ကျွန်တော် ထောင်ကျတော့မယ်ထင်တယ်.."
ကျွန်မ စိတ်ထဲ ထင့်သွားတယ်...။ သားရဲ့ လေသံက တစ်ခုခုကိုလိမ်နေတယ်ဆိုတာတကျွန်မ သူ့အမေမို့ သိလိုက်ပါတယ်..။
ကျွန်မ မသိချင်ယောင်ဆောင်လိုက်တယ်။
"သားရယ်..မိုက်လိုက်တာ..အခုတော့ဘယ်လိုလုပ်ကြမလဲ..?"
" အဲဒီကောင်မလေးဖက်က ငွေ သိန်းတရာတောင်းတယ်အမေ.."
"သားကြောင့် အမေ ပိုက်ဆံတွေ ကုန်တော့မယ်...သား တောင်းပန်ပါတယ်အမေ.."
"ဖြစ်လာမှတော့ သားရယ်.."
" အမေ.. .....
သားတောင်းပန်ပါတယ်..သားတောင်းပန်ပါတယ်.."
တောင်းပန်တယ်ပဲ ခဏ ခဏပြောနေသော သားလေးအား နားမလည်နိုင်အောင်ဖြစ်ရတယ်..။ သား ဒုက္ခရောက်နေတာ သေချာပြီ...။
အဲဒီနေ့က ဖုန်းပြောခဲ့တာဟာ သားကို ကျွန်မ နောက်ဆုံး စကားပြောခွင့် ရခဲ့တာပါပဲ..။
**************************************
ကျွန်မ သားရဲ့ ဘဏ်ထဲကို ရှိစုမဲ့စု ငွေသိန်းတရာလွှဲပေးလိုက်တယ်..။
ဒါပေမဲ့ ကျွန်မ မင်္သကာလို့ ဖိလစ်ပိုင်နိုင်ငံမှာရှိတဲ့ တောင်ကိုးရီးယား သံရုံးကို အကြောင်းကြားထားခဲ့တယ်။
YOU ARE READING
Koreaနိုင်ငံ၏မှုခင်းများ (Koreaႏိုင္ငံ၏မႈခင္းမ်ား) [Book-1]
Non-FictionKorea နိုင်ငံ၏သင်ခန်းစာယူသင့်သောအမှုအခင်းများ။ ရေးသားသူ Korea နိုင်ငံတွင်နေထိုင်သူ Myanmar နိုင်ငံသား Ma Shwe Moe မှတရားဝင်ခွင့်ပြုချက်ဖြင့်ပြန်လည်ဖော်ပြခြင်းဖြစ်ပါသည်။ (မူရင်းခွင့်ပြုချက်ဖြင့်တင်သူHanKyarNyoHtetကMa Shwe Moe ဘာသာပြန်သောမှုခင်းအသစ်မျ...