Paano mo maman-an ang sangka korap nga tawo?
Sa ana agi, pangholag okon pagginawi;
Tana ayhan barasolon o biktima lamang?
Ka magalung nga pagsinarayo dudya sa kalibotan.
Politiko, opisyalis, okon pribado nga siktor
Nigosyanti, manoggarab, mangongotang sa tyanggi;
Bata, mal-am, wara't tinon-an bisan pa idokado
Pwidi mangin korap, pwidi bisan san-o.
Ang pagtago ka manggad lipud sa kadam-an
Kwarta man da ka mga tawo okon binta sa tindahan;
Ang pagbohin ka swildo, pagkalipat ilis ka huram
Korapsyon nga masanag pa sa adlaw, bisan bata iki nakamaan.
Ang buut ko lang ipahangup sa mga pomoloyo
Ang pagkasilaw sa podir, gaompisa indi sa gobyirno;
Duna kanatun nga mangin dalok, pag-ona salbar kang kaogalingun
Pag-intyindi sa intiris ka iban, ompisahan dun natun.
Pamaan: Ginpoksi sa tinipon nga solat - Mga Dapli sa Kan-un kag ginbalhag sa http://dungugkinaray-a.com.
YOU ARE READING
Garagumu!
PoetryGintiriripon kag ginkoris-koris nga mga binalaybay sa Kinaray-a. Kon ikaw makaintindi kang ginawakal ko, dali kag maghapit anay! Note: All writings (published and unpublished) were both created by the owner of this account. Details are included o...