Gosto ko mangin maistra, sa mga bata magtodlo
Luyag ko mangin doktor, polis okon abogado;
Pira lamang dya ka mga ambisyon ta ka gagmay pa
Piro ang bahul nga pamangkot, natoman ayhan tanda?
Daw kanami lang panumdumun kon tanan nga tawo may obra
Wara ti may ginagutum, wara ti may gaproblima;
Ilabi run gid kon atun mga damgo ang natoman
Wara ti may gahinulsul, wara ti may nasakitan.
Piro kamaan bala kamo nga samtang kita bohi
Wara ti may imposibli, basta indi kaw mangindi?
Kon ikaw tutum lang, basta mayad ihimoa
Ang kahadluk onay sa lawas, piro masarangan mo tanan dia.
Amo nga samtang bata pa, paghimakas dun kamo
Patiha ang ginikanan, magparayu sa mga bisyo;
Indi pag-idalii obra mo nga ginahandum
Sarig lang sa kaogalingun mo, imo gid da nga maangkun.
Pamaan: Ginpoksi sa mga tinipon nga solat - Mga Dapli sa Kan-un kag ginbalhag sa http://dungugkinaray-a.com.
BINABASA MO ANG
Garagumu!
PoetryGintiriripon kag ginkoris-koris nga mga binalaybay sa Kinaray-a. Kon ikaw makaintindi kang ginawakal ko, dali kag maghapit anay! Note: All writings (published and unpublished) were both created by the owner of this account. Details are included o...
