Ano ayhan ang matabo kon ikaw kag ako nagapalanggaanay?
Ang nasyon ta ayhan sa tanan nga malain hilway?
Madora ayhan tanan nga pagbinaisay?
Sa mga pag-antos, kita ayhan mangin hilway?
Bisan kubus mga pomoloyo kon may pagpalangga sa dughan
Wara't dumut, wara't hisa nga mabatyagan;
Ang pagtatap sa sara kag sara mangin atun misyon
Ang pagpaminsar sa iban nga tawo mangin duna sa tagiposoon.
Kon imo lamang turukun, daw sa indi pwidi mahimo
Piro kon togroan mo dya ka tyimpo, posibli gid nga matabo;
Mabudlay gid man sa ompisa, piro kon kita tanan mag-ogyon
Ang ginadamgo ta kadya, mangin atun paraaboton.
Gani ang akun lang nga ginalihog, bisan sangkidit atun ompisahan
Pagpalangga sa isigkatawo, indi pag-isarig sa rum-an;
Bisan diin ikaw makadangat, bisan ano pa ang himoon mo
Wara't malain nga ibalik, kon pagpalangga ang imo itogro.
Pamaan: Ginpoksi sa mga tinipon nga solat - Mga Dapli sa Kan-un kag ginbalhag sa http://dungugkinaray-a.com.
BINABASA MO ANG
Garagumu!
PoetryGintiriripon kag ginkoris-koris nga mga binalaybay sa Kinaray-a. Kon ikaw makaintindi kang ginawakal ko, dali kag maghapit anay! Note: All writings (published and unpublished) were both created by the owner of this account. Details are included o...
