الشيخ & العشگ

بارت 2

#الشيخ & العشك

& بسبس

جاسر 

اول شي خلي اعرفكم على نفسي اني جاسر 32 سنة بصرة متخرج ادارة اعمال  وادير شغل ابويه داخل وخارجه العراق

مواصفاتي حنطاوي عيوني بنيه طوخ شعري كثيف لونه جوزي جسمي معضل طولي 190 ملامحي قاسية بس من اضحك عندي غمازه لهذا اني ماضحك عمود لتطلع الكل يحترمني وتخاف مني كلمتي بعد كلمت الوالد وحده ومتصير اثنين 

عائلتي متكونه من والدي هاشم 66 شيخ عشيره واكبر كل عمامي استلم المشيخه بعد جدي الله يرحمه وهسه يلح عليه استلمه منه 

الوالدة وسن 63 الشيخه بس متقبل احد يصيحه بهل اسم بس اني الكل يصيحله حجيه حنونه وتحب الكل وهي تصير بنت عمه الابويه يعني كرايب وعدنه احنه محد ياخذ غريبة 

اخواني بس ياسر اصغر مني 22 اخر سنة كلية طب اسنان اهم شي عنده شعره لو شعرايه متخربطه ميروح للكليه اذا ميعدله بس هو شهم وينشد الظهر بي 

خواتي تلاثه سارة وسرى لكبار مزوجات من وِلد عمي وعدهن جهال  ولصغيره سجى السنة سادس تطبيقي

. . . . . . . . . . . . . . 

جاسر رجعت من دبي واستقبلوني ياسر وفهد وسرمد سلمو عليه وتحمدولي على سلامه ايدي ونطلقنه بالسيارات للبيت نص ساعة وصلنه 

هوسه بالباب ولد عمامي وخوالي وكرايبنه كلهم هنا نزلت صار رمي بالجو وهوسات عبالك عريس جابو الذبياح جوه رجلي وزعوه على الفقرعلمود سلامتي فتت للديوان جان ابويه الشيخ كاعد رحت عليه وبست راسه وايده وعلى عمامي وزلم كومه 

كعدت قريب على ابويه وبصفي ياسر وكدامنه فهد وسرمد 

- الشيخ هاشم . . بويه جاسر روحه لدبي بعد ماكو منا لحد سنة يله 

- جاسر. . ليش يا شيخ الي صار مجان مقصود كل حادث مرت على خير واني كدامك مابيه شي وشغلنه كله هناك منو اديره 

- الشيخ هاشم . . الشغل مو اهم من حياتك واني كلت ماكو روحه لحد ما يهده الوضع . . 

- جاسر. . تأمر ياشيخ . . 

- الشيخ هاشم . . روح طمن الحجيه بجيتك كلبه مفرفح عليك 

- جاسر يله اني استأذن افوت ارتاح 

- ياسر . . اخذني وياك 

فتنه للبيت من باب المطبخ لكيت الشيخه تطبخ صحت 

- . . . شيخه 

لتفتت عليه والابتسامه على وجهه رحت عليه بست راسه 

-جاسر. . شلونج شيختنه 

- وسن . . يمه وليدي حمدالله على سلامتك يمه شنو شصار وياك 

-جاسر. . الله يسلمج يمه مصار شي حادث صغير 

- وسن. . جويسر لجذب عليه كلي ايدك توجعك