الشيخ & العشگ

بارت 31

الشيخ & العشگ

ْْ° بسبس

صباح الخير حبايب

مستعدين للبارت راح نخلص من الاشرار القاسين ( بصوت مايعه 😂😚)

يوم اخر يوم للعصابة كلولهم باي بلا رجعه

. . . . . . . . . . . . 

الشيء الذي لا يمكن التعبير عنه بكلمات ، لا يمكن إدراكه إلا بالصمت .

❤

. . . . . . . . . . . . . . . . . .

جاسر

سمعت صوت واحد يون لتفتت مالكيت احد كلت يمكن متوهم رجعت للباب اريد اطلع جان هم اسمع صوت احد يون رجعت لتفتت

الغرفة جانت عبارة عن غرفة عمليات عادية بس بدون اجهزة و جان بيه ثلاجة صغيرة تقدمت اشوف شنو هل صوت

المكان فارغ منين يجي رحت على السرير الموجود بالغرفة بي نقط دم مطشرة بكل مكان من تقربت عليه اكثر الصوت بده يعله و يوضح اكثر

ضليت صافن شوية جان باللحظة امد ايدي على السرير و احسب الغطه الفارشي عليه جان لونه سمائي اني شلت الغطة و اشوف بكر مشمور جوه السرير و شكله بده يصحه من التخدير ما مصدكت راستن نزلت عليه شلته و خليته على السرير وهو بس يون من الوجع مال طلقه و يهلوس بالحجي

بكر . . خرب بيك جاسر . اشتعلت بنار ونفط جاسر  . . بصوت متقطع

جاسر  . . انت الي شتعلت بنار ونفط خوفتني عليك عار

حاولت اكعد ماكو فاقد بس يون شوية و جوي لجنود

جاسر . . تعالو ياته العار خوفنه عليه

واحد من لجنود . . اي الحمد اللّه سيدي عايش

جاسر . . الحمد اللّه يله شيلو صعجو فوك بالغرفة و خلي يجي دكتور براسه خير يفحصه و خلو عليه حراسه و
الدكتور والممرضين هسه أمانه يمكم لحد ما يوصلون للقسم اني رايح اشوف البقية

لجنود بصوت واحد عالي . . حاضر سيدي

. . . . . . . . . . . . . .

فرح

كعدت اريد افتح عيوني ماكدر راسي يوجعني وبيه دوخه احس احد يصيح بأسمي هوسه يمي بس ماكدر اركز شنو يصير بالضبط

احد يضرب على خدي و يصيح فرح الصوت بده يوضح هاي سما تضرب على خدي وترش عليه مي كدرت افتح عيوني بس مو كلهن و رجعت سديتهن حاولت مره ثانية اي نفتحن

اباوع اني بغرفة ومدده على السرير سما كاعده يمي وبنات فوك راسي ونسوان ثنين وحده ماعرفه بس الثانية مادري وين شايفته ركزت اكثر اي هاي أم بكر

تذكرت بكر و العملية صحيت على نفسي عبالك واحد ضربتي راشدي صحاني راستن كعدت

سما . . اسم الله اسم الله فرح شبيج