الشيخ & العشگ

بارت 43

السلام عليكم

الشيخ & العشگ

و مساء النعناع حبايب
عام دراسي سعيد 😈😂

ممكن تكثرون بالتعليقات خلي توصل لل500 ولا مره واصله لهل عدد ☹

قراءة ممتعة
. . . . . . . . . . . . .

ألم مو طبيعي جاي احس بي عيوني ماكدر افتحن احس جفوني ثكال مايرفعن اسمع صوت يمي بس مو واضح اريد احجي لساني ثكيل اريد اشوف منو يمي اني وين شنو جاي يصير ماكدر حركت ايدي بصعوبة بالغة حسيت على حركة يمي

و حجي بس ماكدر افرزن صوت منو و شنو يسوي
شوية و صارت هدوء لا صوت لا حركة ايدي مستمر احرك بيه عسى ولا عل انو شخص ينتبه انو اني كاعد ويساعدني

شوية و رجع الصوت بعيد و ناصية شوية شوية يقرب و يقوى صارت حركة قريبة حسيت على احد يلمس ايدي كأنو يقيس النبض و صوت غير مفهوم

تقرب عليه شخص رفع جفن مال عيني اليسره و حط ضوه قوي بيه كدرت اشوفه هذا الدكتور اي اني بالمستشفى جنت بالعملية زين ليش احس نفسي ثكيل
ماكدر احرك شي بصعوبة يله

شال الدكتور ايده من عيوني و حجه شي سوية و حسيت على وخز ابره بإيدي و رجع فتح عيني و حجه
بس الصوت مو واضح رجع يحجي شوية شوية كدرت اسمعه

الدكتور . . हैं क्या आप मुझे Fahd ड्यूटी सुनते ؟ ( هل تسمعني فهد اجب )

المترجم ماكو و الدكتور يردد بالكلام و فهد صافن عليه

فهد بصوت ناصي . . بالله اني شفتهمت منك هي دوني

الدكتور كام يحجي بصوت عالية و يصيح على شخص اجه المترجم يركض الدكتور حجه وياه

المترجم . . فهد سمعنه اذا تسمع هز راسك

فهد هز راسه

الدكتور يحجي ويه المترجم يكله اسئلة يوجعه شي
المترجم . . تحس بوجع

فهد بصوت واضح شوية . . اي وجع قوية بطني و لحد رجلي

ترجم للدكتور كله شي طبيعي هذا الوجع يعني العملية جابت نتيجه عالية و نطيناه ابره مهدء يرتاح عليه ساعتين و ارجع اشوفه

طلع الدكتور و المترجم كللهم على كلامه و هو هم عافهم و طلع

جاسر . . الحمد الله على سلامتك
فهد . . شصار

جاسر . . مثل ماسمعت العملية نجحت الحمدالله

فهد . . جاسر عطشان اريد مي
جاسر . . استحمل شوية عمليتك بالبطن و الدكتور يكول خلي تمر نص ساعة هيج يله يشرب و ياكل عمود لا تضرر

فهد . . شهل قهر هذا . . شكد طولت بالعملية

جاسر . . تقريبا 6 ساعات و نص
فهد . . و هذا كله و اني مادري و لا حسيت الحمد لله زين اهلي خابرتهم كتلهم اكيد بالهم يمنه