الشيخ & العشگ
°ْبسبس
. . . . . . . .
سجى
وره الغده حجيت ويه سما على موضوع فهد و اخابره لو لا كالت جربي مره وحده اذا مارد بعد لتتصلين الا هو يتصل جبت تلفوني و حطيته كدامي اتصل لا خايفة
لمى . . لج دتصلي عاد حته التلفون بزع منج
سجى . . اي اتصل شكله
لمى . . اتصلي و الله كريم يجيج الالهام و تكوم تطلع السوالف وياج من جوه الكاع بس اتصلي و شوفي
سجى . . ماشي بس اذا اتصلت و رد و مالكيت شي اكوله راستن اسده ليش تكولين ماكالت
لمى . . صخم الله وجهج راح تخزينه ويه الرجال اتصلي
سجى . . اي ماشي
اخذت التلفون ورحت وره البيت عدنه هناك حديقة صغيرة مسويه لجهال خواتي من يجون يلعبون بيه مخلين بيه مرجوحه و مزلكينه على كدهم
المهم رحت و كعدت على الكرسي اتنهدت فتحت التلفون و تصلت على فهد دك مجاوب ضل يدك راد يقفل جان يجاوب كال الووو
سجى بتوتر . . الووو هلاو فهد
فد . . و عليكم السلام
سجى بنفسه طنن في منتصف الجبهه
سجى . . احم السلام عليكم
فهد . . مو كلنه و عليكم السلام
سجى بنفسه اهوو هذا متقصد يفشلني
سجى . . اذا متريد تحجي عادي باي
فهد . . هههه ولج اكفي اويلي يابه جنت كاعد بالديوان كدام الشيخ
سجى . . اي و اذا ليش تفشلني هيج
فهد . . جا كدامه اكلج هلاو سجى غير يبصطني و بعد ميزوجنه
سجى . . اي تس. . . شنو يزوجنه
فهد . . ههههه ليش ماتدرين طلبت ايدج من الشيخ
سجى بحماس . . جذاب
فهد . . شنو
سجى . . ا ا قصد صدك تشاقة
فهد . . بعدين نتفاهم على جذاب اي صدك بس قبل كلشي اريد الكج شغلة
سجى . . هههه اي كول
فهد . . الي راح اكوله ترى صعب عليج اريدج تفكرين زين و تاخذين قرارج و اني شما جان قابل بي
سجى . . اي لي
قاطعه
فهد . . قابلة تزوجين بواحد عقيم
سجى . .
. . . . . . . . . . . . . .
جاسر . . منو
سما . . اني
جاسر . . سما لخاطر الله انزلي مناقصج انتي و ابن اخوج اللوتي
سما . . انمار مو وياي بس اني جيت اذا متريدني افوت عادي انزل
سوت نفسه دتروح جان يفتح جاسر الباب و لزمه من ايده
جسر . . لا تعاي فوتي
فاتت ويه ضلت تباوع على الغرفة و الديكور حلوة و بسيطة ألوانه راقية مو هوسه ضلت تفتر بالغرفة جان وياه الغرفة حمام و غرفة ثانية صغيرة بس جانت فارغة هو جان كاعد على السرير و يباوع على التلفزيون عايفة على راحنه كملت و جتي كعدت يمه
سما . . جاسر
جاسر وعرف على شنو تريد تساله . . الغرفة لصغيرة هاي حاليا مخزن لغراضج بس من يصير عدنه جاهل هاي غرفته تصير
سما . . و شمدريك راح اسئلك عليه
جاسر بنبره ثقة . . لان الغرفة كله كاملة مكملة على أكمل وجه و مابيه اي نقص او عيب بس الغرفة لصغيرة لهذا سئلتي عليه
سما . . شوف الثقة شوف
جاسر . . ههههه جا اني مو شيخ لازم يصير ثقة بكلامي صح لو لا
سما . . اي صح الغرفة حلو عاشت ايدك
جاسر . . اني بس شتريته البنات رتبن كلشي كدامج
سما . . لعد عاشت ايدهن
جاسر . . و هسه لساعج زعلانه مني
سما و تذكرت من عيط عليه . . اي صدك اني زعلانه شجابني هنا
و كامت من السرير تريد تنزل لجوه لزمه جاسر
جاسر . . تعاي شبيج كمزتي خلي نحجي
سما . . شتريد
جاسر . . تعاي اكعدي
لزم ايده و كعده وياه على السرير
جاسر . . ليش زعلانه
سما . . ليش ما زعل و انت عيطت عليه كدام البنات كلهن و كدام ياسر هم
جاسر . . مو كتلج اطلعي من المطبخ بصوت ناصي بس انتي ضليتي مفهيه بوجهي عيطت عليج
سما . . و ليش جنت تريدني اطلع من المطبخ هااا
جاسر . . جا شتريديني ابقيج واكفه كدام ياسر و انتي شعرج طالع
سما . . جان كتلي شعرج طالع غطي مو تعيط عليه
جاسر . . اني هذا طبعي و لازم تتعودين عليه
سما . . يعني راح تضل تعيط عليه
جاسر . . لا ان شاء الله احاول اتحكم بعصبيتي و ماعيط عليج و انتي من تشوفيني معصب لتكفين كدامي لان يمكن اجعصج و مادري بيج
سما . . هههه طبعا طول النخلة وين تشوفني
جاسر . . اني نخلة لو انتي قزمة و مابيج شبر
سما برطمت . . راح ازعل ترى
جاسر . . يبوو لتبرطمين تعاي وياي شوفي هل فلم حلو
سما . . لا اريد انزل يم البنات
جاسر . . ماشي على راحتج
و باسه بكصته عافته و نزلت
. . . . . . . . . . . . .
° بسبس
اقسم بالله إلي تكلي البارت قصير أعلكه من رجله
هذا تكلمه مال ذاك لزكو سوا و قرو ماشي
وها صدك اكو بنات يعلقن اعرفهن وحافظتهن احب اكللهن فديتجن قلبوشاتي
وان شاء الله احفظ البقية تحياتي للكل
تصبحون على خير حبايب
أنت تقرأ
الشيخ & العشگ
العاطفيةانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
