السلام عليكم
# الشيخ & العشگ
& بسبس
. . . . . . . . . . . . . . .
وخلصت الخطبة على خير الكل جان فرحان وخصوصا سما و لمى
راحو أهل جاسر بعد إلحاح من أهل سما انو يبقون على العشه بس جان عذرهم . . ورانه طريق طويل
صار تبادل ارقام بين ياسر ولمى وتواعد على المخابرة باليل أما جاسر فطلع بدون ميودع سما وهي زعلت منه وحلفت بعد متحاجيه
سما . . شدعو هل تكبر عيني أقلا خلي يكول باي
بسمة . . شبيج تحجين ويه نفسج شنو تخبلتي
سما . . يمعوده هي بقت عليه كله مخابيل
بسمة . . عليمن تقصدين
سما . . على جاسر طلع وما ودعني
بسمة . . يمعوده على هذا الشي زعلانه يجوز جان مستعجل لو احد خابرة لتكبرين السالفة وتزعلين
سما . . حتى لو جان اقلا من الباب كال باي
بسمة . . لج ثولة اليوم جانت خطيبتج لتبوزمين تعاي تركص مركصتي اليوم شعجب
سما . . اي لان الأستاذ جاسر ميقبل اركص
بسمة . . صدك
سما . . وج اي وحتى مخلي عليه خواته مراقبات خاف اركص يكلله
بسمة . . جذابة هيج يغار عليج
سما . . ياغيرة يولي هو اني شمسويه بس اركص وكدام النسوان
بسمة . . شوفي الثولة وج ميريدج تركصين كدام النسوان علمود لي حسدنج
سما . . صدك ...لا لا جاسر ميفكر هيج
بسمة . . خابري باليل وسئلي وشوفي شنو يكلج
سما . . اوك اخابرة ... لا والله وليش اخابرة خلي هو يخابر اني زعلانه منه
بسمة . . هههه اليوم نخطبتو شوكت لحكتي تزعلين المهم امشي نركص محد موجود بس خاله رسل وخاله رنا
(عمات سما وخالات بسمة )
سما . . همزين راحو عمود ناخذ راحتنه بالركص اريد أذب لحم على عناد جاسر
بسمة . . هههه يله اليوم سهر لصبح
وراحت للصالة لي صارت بيه الخطبة مال نسوان شعلن دي جي
وردح ردح للگاع ضلن يركص لحد متعبن يعني بعد مرور 3 ساعات من الركص
_ صارت الساعة 9 باليل _
راحن عمات سما بقت بس رحاب تبات يمهم هي وبسمة مرح وبكر
بكر من صارت الخطبة طلعو هو وحيدر للكهوة أما عمر فضل ويه ابوه وعمامه ولد عمامه يستقبلون أهل جاسر
خولة . . ولجن كافي ركص متعبتن كومن عزلن البيت متشوفنه شلون كايم كاعد
لمى . . اي ماما هسه نعزل بس خلي نبدل ملابسنه على اقل
YOU ARE READING
الشيخ & العشگ
Romanceانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
