الشيخ & العشگ

بارت 4

سلام عليكم 

# الشيخ & العشك 

& بسبس 

. . ويمكن يصير بيه شلل مؤقت . . . 

سما عمتي كالت هيج واني تهسترت شنو شلل ولكم اختي بعده بعز شبابه بعده كلشي ماشافت من حياته منين جتي هل شغله هاي عليه 

وهي الي جانت تتمنى تكمل دراسته وتروح صيدله 

جتي مها كتله عمه لتكوليلها على الشلل 

- مها . . ما وصل خبر من المستشفى 

- رحاب . . اي خابر بكر قبل شوي 

- مها . . اي يالله وشكال 

- رحاب . . وتباوع على سما . . حادث سيارة وهسه بيه كسر برجل والايد

- مها . . عزه بعيني وشلون صار الحادث 

- رحاب . . والله يعمه ماكال شلون صار بس هو راح يجي ياخذنه تحضرن

- سما . . عمه قابل كنه نروح وامي منو يظل يمه 

- مرح . . اني اظل يم عمه خوله 

- رحاب . . اي عفية بنيتي مها انت هم تبقين هنا مالج روحه

- مها . . ليش عمه اريد اشوف اختي 

- رحاب . .  واذا كعدت امج ومالكت وحده منجن يمه هاا

- مها . . عمه بس. . 

- رحاب . . ماكو بس تبقين واني واختج انروح انشوفه ونرجع 

- مرح . . يومه اروح وياجن اني هم 

- رحاب . .  يله لعد امشن بدلن بسرعه وانت عمه مها ديري بالج على امج لابين مانروح ونجي منتاخر

- مها . . ماشي عمه بس امانه من ترجعن اروح اني اشوفه كلبي واكلني عليه 

- رحاب . . ماشي يعمه خلي اروح هسه ويصير خير 

سما بدلت اني لان مرح مبدله من الاساس لبست بنطرون اسود وقميص ابيض بي كلوب وفوكا عبايه بس حطيته على جتافي مدكمت اول كم دكمه وعفته والشال ذبيته على راسي 

دك بكر على عمه كلل اني بالباب طلعو 

طلعنه عمتي ركبت ليكدام يمه واني ومرح ليوره الطريق كله ساكتين محد بدر منه سالفه 

وصلنه للمستشفى جانت راقية اول مره اشوفه على رغم انو عمر وحلا يشتغلون بيه فوتنه بكر للكراج مال مستشفى ونزلنه 

نمشي وره بكر لحد ماوصلنه للمصعد كال انتن اصعد واني اجيب قهوه من الكفتيريا واجي الغرفة بالطابق الثالث رقم 90

صعدنه هو راح وكف المصعد على طابق الثاني نزلت بنيه ورد صعد للطابق الثالث وكف ونزلنه منه بس منعرف اروح يمنه يسره 

فاتت من يمنه ممرضة وعمتي سئلته 

- رحاب . . عيني غرفة رقم 90 من اي تجاه