Lost Soul

Part 3

مين متأخرتش ناو ؟

انا شغاله حاليا على البارت الرابع فممكن تتوقعوه على اخر الاسبوع كده ولا حاجه (يارب)

ياريت بجد الى يقرا يعمل كومنت هنا (قربت اشحت والله) ويعمل فوت للبارت من فضلكم  

والبارت طويل ايوة  هسيبكم بقى للبارت

(That feeling)

__________
(كانت سول قاعده فى اوضتها متكومه على الارض المشهد مش قادره تنساه وهو بيمشى من جنبها رايح الشغل كأن الموضوع طبيعى حاسه باهانه ووجع لكرامتها من الموقف ازاى شخص كان بيحميها ويدافع عنها كسرها كده..وشعورها الافظع انها ماكنتش كفايه ليه لدرجه انه اول يوم من رجوعهم يجيب واحده للبيت يبقى هى مش كفايه او مش شايفها انثى لو كان ميونج سو هز ثقتها فى نفسها كيوهيون دمرها..احساس ان كل حاجه اتدمرت من حواليها فى لحظه بعد تخيلاتها الى ابتدتها لما دخلت البيت ده حست ان خلاص مينفعش يبقى فى احلام تانى..فضلت على الحال ده لغايه بليل لما قدرت تستجمع قوتها طلعت الهدوم بتاعتها من الدولاب وحطتها فى الشنطه واتصلت بتاكسى ونزلت من اوضتها بالشنطه اول لما شافتها هانا جريت عليها)
هانا:حضرتك رايحه فين
سول(بصتلها بشرود):هرجع بباقى كرامتى البيت
هانا(اتوترت):بس استاذ كيوهيون
سول:انا مش هاخد اذنه
(دخل كيوهيون البيت)
كيوهيون:هانا
(جريت هانا عليه)
كيوهيون:مين الى طلب تاكسى بره
(لقى سول جايه عليه وهى بتجر النشطه..كانت عنيها مطفيه وهى واقفه قدامه)
سول:انا
(بصلها كيوهيون بطرف عينه..وما ادهاش اى انتباه وجهه كلامه لهانا)
كيوهيون:خليه يمشى
سول:لا
(وقفت هانا ثوانى متردده لقت كيوهيون بيبصلها خرجت بسرعه تمشيه)
سول:وكدة هقعد
كيوهيون:اطلعى اوضتك وانا هخلى حد يطلع شنطتك
سول:مش هقعد ثانيه واحده
(ضحك كيوهيون باستهزاء)
كيوهيون:وهتعملى ايه
سول:همشى
(حاولت سول تعدى من جنبه وتروح على باب البيت لقت كيوهيون مسكها من ايديها جامد ولفها ليه..بصتله سول بذعر)
سول:انت عايز ايه
(بصلها بعصبيه واتكلم بصوت مخيف)
كيوهيون:اخر مره ابقى واقف وتحاولى تتجاهلينى وتمشى
سول:انا عايزة امشى
(شدها كيوهيون من ايديها بعنف لاوضه المكتب وزقها على الكنبه وقفل الباب..بصتله سول بصدمه)
سول:انا مش فاهمه انا عملت حاجه ضايقتك..او اذيتك
(ابتسم بسخريه وهو بيصب لنفسه كاس واين)
سول:حقى انى افهم ..حقى انى اعرف مين البنت الى كانت فى البيت انت تجاهلتنى ومشيت
(التفتت ليها وعلى وشه نظره سخريه)
كيوهيون:انتى هنا ملكيش اى حق
سول:لو مليش يبقى امشى افضل
كيوهيون:اممم وهتروحى لمين يصدق قصتك بقى..اذا كان اهلك ما صدقوش اول مره هيصدقوا التانيه
سول:انت بتقول ايه
(قعد كيوهيون على الكرسى وحط رجل على رجل واتكلم بهدوء)
كيوهيون:وحتى لو صدقوا انتى متسجله بأنك مراتى وما اظنش انى اذيتك او لمستك بسوء علشان اطلقكك ..والبنت مفيش دليل واحد انى كنت معاها ومفيش حد هيشهد البنت نفسها هى او غيرها من الى هتشوفيهم ما يقدروش يتكلموا وهنا كله شغال تحت اسمى ها يبقى مين الى بيكدب
(بصتله سول بقهر ودموعها نزلت غصب)
سول:عايزة افهم انت ازاى اتغيرت كدة
(بصلها كيوهيون ببرود)
كيوهيون:انا ما اتغيرتش انتىوا كعادتكم بتشوفوا الى عايزين تشوفوه
سول:طب ما تسبنى امشى وتقدر تعمل كل الى انت عايزه
كيوهيون:بصراحه الفايده وانك مراتى اعلى من انى اطلقك يعنى مبدأئيا هيفدنى ابقى رئيس مجلس اداره الشركه وكمان انا بتنازلش عن ممتلكاتى وانتى اتحطيتى من ضمنهم
سول:انا بنى ادمه مش شئ
كيوهيون(ضحك باستهزاء):لا انتى اقل من الشئ نفسه..وعلشان ما نتعبش مع بعض ومنعا لاى خطأ مستقبلى هقولك قواعد هتمشى عليهم عايزة تكتبى اكتبى عايزة تحفظيهم خلاص
(كانت سول بصاله مش مستوعبه كانت بتحاول تبص لكل ملامحه تفهم الشخص ده مين..بصلها كيوهيون بطرف عينه)
كيوهيون:هتحفظى يعنى تمام..(اتعدل كيوهيون وبصلها) اولا ماتسألنيش اى سؤال..شغل الزوجه والكلام الفاضى ده بيعصبنى لما اقولك تعملى حاجه تتعمل من غير نقاش زيك زى الى شغالين هنا ..اى حاجه هعملها ما تستنيش تفسير او توضيح منى ولما اقول انا عايز حاجه يبقى هاخدها غصب او برضاكى ..التهديد ما بينفعش معايا ولو فكرتى تهربى و روحتى اخر الكرة الارضيه هجيبك..حتى لو قررتى تموتى انتى مش هتموتى من غير اذنى انا ..الدور التالت ممنوع تطلعيه من غير عدم وجودى اوضتى ما تدخلهاش من غير اذنى..المواعيد عندى مقدسه ..وماتنسيش لثوانى اننا هنبقى مجرد صوره لامثل زواج فى القرن ال21