Lost Soul

Part 6

مفاجأه مش كده كككك خلصته بدرى وقولت انزله السابع معرف هينزل امتى بس هحاول انزل الاسبوع دة برضه بأذن الله

______

(كان صاحى مصدع الى حد ما..غير هدومه ونزل علشان يروح الشغل)
سول:مش هتفطر
كيوهيون:لا مش هاكل
(مسكت ايده)
سول:طب ممكن تستنى ثوانى بس
(دخلت سول المطبخ وخرجت ادته كوبايه)
كيوهيون:ايه دة
سول:شاى بالعسل هيهدى معدتك علشان ما تتعبش فى الشغل
كيوهيون:لا مش عايز
سول:ممكن ما تقاوحش ولو لمره واحده بس
(مسك كيوهيون الكوبايه من ايديها..وشربها)

كيوهيون:ارتحتى
(ادلها الكوبايه ابتسمت سول وحطت الكوبايه وراحت وقفت قدامه تانى)
سول:انا هروح المكتبه بعد شويه
كيوهيون:ما تتأخريش
(مدت سول ايديها وعدلت الكرافت بتاعته..بلع ريقه ببطء)
سول:وانت كمان ما تتأخرش
كيوهيون:ما تحطيش امل عليا فى حياتك
سول:انت قولت حياتى وانا عايزة اجازف بيها
(خرج كيوهيون من البيت بسرعه دلوقتى هو الى واخد وضعيه الدفاع منها..وصل كيوهيون الشركه لقى دونغهى قاعد فى المكتب مستنيه)
دونغهى:منور
كيوهيون:ثانيه انت صحيت بدرى وجيت الشغل o.O
دونغهى:اه
كيوهيون:من امتى الكلام ده
دونغهى:دونغهى من النهارده
كيوهيون:بجد..يعنى اخيرا هننضف المكتب بتاعك
دونغهى:ايوة
كيوهيون:فى ايه انت متغير
دونغهى:بصراحه انا
كيوهيون:قول
دونغهى:بابا هيسحب كل حاجه لو مجتش الشغل
كيوهيون:ااه قول كده -_-
دونغهى:فانا قررت اجيلك تقولى هعمل ايه
كيوهيون:لا انا مش فاضيلك
دونغهى:اخص على الصحاب
كيوهيون:قول لشيون
دونغهى:روحتله وطردنى من المكتب
كيوهيون:عنده حق
دونغهى:ها
كيوهيون:الاول روح المكتب بتاعك اقرى الملفات الى عليه وبعدين نتكلم
دونغهى:من عنيا
(خرج دونغهى من المكتب ..قعد كيوهيون بملل على مكتبه..ثوانى ولقى جيهو داخله بكوبايه القهوه بتاعته)
جيهو:حضرتك عندك اجتماع مع استاذ هيون كى الساعه 4 علشان قطعه الارض الى حضرتك عايزها
كيوهيون:فى حاجه تانيه بعدها
جيهو:لأ
كيوهيون:طب عرفى الشوفير اننا هنتحرك الساعه 3
جيهو:حاضر
(خرجت جيهو من المكتب..طلع كيوهيون ملف هيون كى قدامه وقعد يقرأه..فى المكتبه..اول لما سول وصلت لقت البنات كلهم بيبصولها وبيتهامسو .حاولت تتجاهل الوضع وقعدت تدور على الكتب..حست بحد بيحط ايده عليها الفتت بسرعه لقت هيونج شيك بيبصلها وبيبتسم)
هيونج شيك:جيتى
سول:افندم
هيونج شيك:وحشتينى
(بصلته سول بلا تعبير وراحت قعدت..جرى وراها وقعد قدامها )
هيونج شيك:كلمينى عن نفسك
سول:على ما اظن انى وضحت لحضرتك انى متجوزه
هيونج شيك:وفيها ايه اننا نتعرف
سول:مش عايزة
هيونج شيك:جوزك هيزعل
(تجاهلت سول كلامه وقعدت تقرأ الكتاب..فضل هيونج شيك قاعد باصصلها وهى مش معبراه)
هيونج شيك:طب انتى من عيله ايه
سول:لو قولتلك هتمشى
هيونج شيك:ممكن
سول:والدى بارك اون سو
هيونج شيك:صاحب والدى
سول:اتشرفنا
(قامت من مكانها وقعدت تدور على باقى الكتب وهو ماشى وراها ..وصل كيوهيون قدام المكتبه)
مين جو:اطلع اعرف مدام سول بوصول حضرتك
كيوهيون:لا خليك انت
(طلع كيوهيون المكتبه لقى شله بنات واقفين عمالين يتكلموا مع بعض)
البنت1:هو ماشى وراها ليه
البنت2:معجب بيها
البنت1:بيتواعدوا
البنت3:اكيد لا
(بص كيوهيون فى الاتجاه الى مركزين معاه لقى سول واقفه بتختار الكتب وفى ولد جنبها عمال بيكلمها..بص كيوهيون بغضب ودخل وقف قدام سول)
كيوهيون:انت بتعملى ايه هنا
(اتوترت سول والكتب كانت هتقع من ايديها)
هيونج شيك:مين دة
(رفع كيوهيون حاجبه بصله باستنكار)
كيوهيون:نعم
سول:مش حد يلا نمشى
(ابتسم هيونج شيك بنصر..ثوانى بس لقى سول مسكت ايد كيوهيون)
سول:هكتب بس انى استعرت الكتب دى
(وقف كيوهيون ورا سول وربع ايده كان واصل لاعلى درجه فى عصبيته..جيه هيونج شيك )
هيونج شيك:مش هتعرفينى برضه دة مين
(قرب كيوهيون من ناحيته بعصبيه مسكت سول ايده)
سول:وضحت لحضرتك انى متجوزه قبل كدة(بصت لكيوهيون) انا خلصت خلاص
(مسكت سول ايده تانى)
سول:يلا
(حاولت تشده بس هو كان ثابت مكانه ..زق ايديها عنه وخرج من المكتبه سابت الكتب وجريت وراه ركبت العربيه بسرعه وقعدت جنبه..كان قاعد متعصب ووشه كله لونه احمر)
سول:هو بس عايزة اقول
كيوهيون:مش دلوقتى
سول:بس
كيوهيون(نبره صوته عليت):مش دلوقتى
(انكشمت سول وقعدت ساكته...وصلوا تحت مكتب)
كيوهيون:هطلع اجتماع ربع ساعه وراجع ما تتحركيش من هنا
(خرج من العربيه ورزع الباب وراه بعصبيه..بصت سول بحزن)
مين جو:كان قلقان على حضرتك ..لما بيونج كى كلمنى وقال انه ممكن يتأخر على حضرتك بسبب الزحمه
(هزت سول راسها بتفهم..بصت على اخر الشارع لقت سوبر ماركت صغير)
سول:ثوانى هدخل السوبر ماركت ده وجايه
(خرجت سول من العربيه ودخلت السوبر ماركت..نزل كيوهيون من المكتب بص فى العربيه ملقاش سول)
كيوهيون:هى سول راحت فين