Lost Soul

Part 10

 واخدت فى البارت دة بالذات وقت طويل بعد البارت الاول معرفش ليه بتمنعى يعجبكم وتقولوا رأيكم فيها وتحبوه  ولو مفهاش اساءه ادب ياريت تعملوا فوت وكومنت يعنى احم اينجوى

_________

(صحيت سول على حركته فى الاوضه..فتحت عنيها بكسل)

سول:بتعمل ايه هنا
كيوهيون:مستنيكى تصحى
سول:انت ما نمتش من امبارح
(اكتفى بأنه ابتسم بس...اتعدلت على السرير ورفعت الغطا عليها)
سول:ازاى تعمل كدة
كيوهيون:قلقت
( شاور على حاجه جنبها ..بصت لقت تى شيرت)
سول:ايه ده
كيوهيون:البسيه
(ابتسمت بلطف)
سول:شكرا
(دخلت هانا الاوضه)
هانا:استاذ شيون تحت
كيوهيون:مش هتأخر
(هزت سول راسها بتفهم ..قرب منها باس راسها ونزل لشيون)
كيوهيون:فى حاجه
شيون:اتكلمت مع هيتشول لسه راجع من السفر وقالى ان ميونغ سو طلب منه فى البدايه انه يساعده وبعدين طلب من هيونغ شيك
(ملامحه اتبدلت..وصوته طلع مخيف)
كيوهيون:انا هخليه يندم
شيون:فكر كويس مش عايزين نسبب اى اذى تمس سمعتك واسمك
كيوهيون:فكرك انى دلوقتى كل ده هيهمنى
شيون:انا قولت انك اجازه الاسبوع دة..اكيد سول هتحتاجك
(مسح كيوهيون شعره بتوتر)
كيوهيون:اه
شيون:والحيوان دة اتصرف معاه بعدين لما تهدى شويه..وهتفق مع دكتور ييسونغ يقابل سول كل اسبوع هطلب منه ييجى هنا علشان تطمن
(طبطب كيوهيون على كتفه)
كيوهيون:مش عارف بجد من غيرك كنت هعمل ايه
شيون:انت بتشكرنى
(بصله كيوهيون باستغراب)
كيوهيون:ها
شيون:دى اول مره من 20 سنه حاسس انى هعيط..لا انا هعيط
(بصله كيوهيون باستنكار وطلع وسابه دخل اوضه سول لقاها قاعده قدام المرايه شارده قرب منها وحاوطها من ضهرها فاقت وبصتله فى المرايه وابتسمت باسها كيوهيون فى رقبتها لقى كدمه نزل التى شيرت علشان يشوفه بوضوح وش سول احمر وحطت ايديها علشان ترفع القميص ثبت ايديه وبعد ايديها)
سول:انا اسفه
(غمض كيوهيون عنيه وجيه يخرج من الاوضه لقاها حضنته)
سول:انا اسفه مش قصدى
(التفلتها بعصبيه )
كيوهيون:انا الى غلطت يا سول ما تعتذريش ارجوكى انا بتعذب اكتر
سول:انا بتأسف علشان انا بوجعك
كيوهيون:انا هقتل الحيوان ده
سول:لا
كيوهيون:سول
سول:مش عيزاك تتعذب فكرك انك هتبقى مرتاح
كيوهيون:اه
سول:ملكش دعوه بيه تانى واحنا هننساه
كيوهيون:لو ماكنش بيتطوح كانت الطلقه ماجتش فى ايدك ماكنش هيكفيه ده كله انا لو خسرتك يبقى خسرت العالم بتاعى
(ابتسمت سول بكسوف)
سول:ايه ده امال مين الى كان عايزنى امشى
كيوهيون:سول متعصبنيش
(اتشعلقت فى رقبته )
سول:انت سهل اوى انى اغيظك كدة ليا
(ضحك بسخريه ..رفعت سول ايديها قدامه)
سول:هى بتوجع بس هقدر استحمله هتعبك فتره جنبى بس هستمتع وانا بعذبك.. مش عيزاك تشغل نفسك بأى حد غيرى
(بعد راسه عنها)
كيوهيون:مش هقدر اوعدك
(بصتله سول بعناد)
سول:لا اوعدنى عايزه اطمن انك مش هتعمل حاجه تأذى نفسك بيها
(لمست سول شعره وحركت ايديها بتلعب ..بعد عنها واتكلم بنبره مخيفه)
كيوهيون:انا حلفت المره الجايه الى هشوفه فيها فى طريقك هقتله
(جسمها قشعر من نبره صوته...لقاها اتوترت وبعدت عنه .. انتبه وقرب منها)
كيوهيون:سول انا اسف
(لقاها عامله زى القطه الخايفه بصت فى الارض بخوف ..بعد عنها وطلع اوضته بسرعه..سمحت لنفسها انها تقع على الارض اول لما خرج كل خليه فى جسمها اترعشت لما لمسها ..عيطت فتره وحاولت تهدى نفسها تانى...طلعت اوضته لقته نايم على الكنبه كان ضامم نفسه زى الاطفال..قربت وقعدت على الارض جنبه قعدت تلعب فى خصلات شعره وتتأمله..فتح عنيه فجأه وبصلها..كانت هتقع من خضتها)
سول:انا ..هو انا ..انا جايه اقولك انا اسفه ماكنش قصدى حاجه بس انا بقيت اتوتر انا مابخافش منك يعنى بس هو انا ..انا اسفه
(حاولت تقوم لقته شدها وقعها عليه..شهقت وحاولت تقوم بسرعه شدها تانى ليه رفع شعرها من على عنيها وشها كله بقى لونه احمر وهو بيبصلها)
سول:هو انا
كيوهيون:ما تتأسفيش تانى ممكن مش عايز اسمع كلمه انا اسفه منك كل مره بتقوليها بتأكديلى انى مجرد حيوان انا الى المفروض اعتذرلك مش انتى
(بص على القميص الى هى لابساه)
كيوهيون:ومين الى سمحلك تبقى حلوه كدة فى هدومى
(وشها احمر اكتر ونزلت راسها ..رفع راسها تانى علشان تبصله)
كيوهيون:بحب عنيكى على فكره
(باس عنيها بحب..اتكلمت بتوتر)
سول:انت مش هتاكل بقى ..مش كفايه من امبارح صاحى
كيوهيون:اه انا جعان جدا
(قرب منها وضم شفايفهم حتى وهى مش عارفه تتنفس مش عايزة تبعد عنه..بعد عنها وهو بينهج)
كيوهيون:هاخد شاور وننزل
(قام وسابها ممدت على الكنبه وحطت ايديها على قلبها)
سول:لازم ابقى هاديه اكتر من كدة
( قامت اتحركت فى الاوضه بملل ..دخلت اوضه الهدوم بتاعته لقت صورة فرحهم مرميه فى الارض والبرواز مكسور بصتلها بحزن وخرجت راحت قعدت على سريره لقت القميص الى كانت لابساه اخر ليله ليها قبل ما تتخطف مسكته سول ما بين ايديها كانت متنحه وهى شيفاه وابتدت تعيط..خرج كيوهيون من الحمام وهو لافف الفوطه على وسطه اول لما شافها جرى عليها)
كيوهيون:فى ايه
سول:انا ماكنتش اعرف.. ماكنتش اعرف انك كمان اتأذيت بسببى انا كنت بلومك كتير
كيوهيون:عايزك تفضلى تلومينى مش عايزك تتوجعى
(حطت سول ايديها على قلبه)
سول:الوجع الى فيه كل انا هخففه مش عايزة اعرف هى كانت ايه مش عايزاها فى حياتنا بعد كده لا هى ولا غيرها انا دلوقتى مراتك ومامتك
كيوهيون:وحبيبتى
(ابتسمت ما بين دموعها)
سول:وحبيبه كيوهيون
(اخدها فى حضنه وطبطب عليها)
كيوهيون:انا اسف انى ضيعتك من ايدى
سول:انا لسه اهو جنبك ما ضعتش
(باسته على خده ابتسم وبصلها بصه هى ما فهمتاش غير لما اتكلم)
كيوهيون:ما تخلينا نريح شويه
(وشها احمر...وقامت وقفت بسرعه)
سول:انت مش هتقوم تلبس
كيوهيون:سول بحب افكرك يعنى عادى والله بس انا جوزك
سول:قوم البس يا كيوهيون
(شاور على كتفه لقت غرز..بصتله بقلق)
سول:دة من ايه
(عمل وش بوبى)
كيوهيون:دة لما واحد منهم ضربنى عالجتها بعدها بيوم علشان ما حستش بيها
(لمستها سول بحزن )
كيوهيون:بوسيها علشان تخف
(بصتله سول باذبهلال)
سول:ها
كيوهيون(بطفوليه):بتوجع
(قعدت تبربش كتير وهى شيفاه قدامها)
سول:كيوهيون انت روحت لدكتور نفسانى قبل كده..انا برأى تروح بجد
(ابتسم بسخريه وقام وقف قدامها وزقها على الحيطه...اتوترت لما عمل الحركه دى..همس فى ودانها بطريقه مثيره)
كيوهيون:متأكده انى عايز اروح لواحد مش ممكن تطلع دكتوره على حظى
سول:لا انت حلو كدة مش هجيب سيره الموضوع
(باست كتفه)
سول:فى مكان تانى بيوجع
(حط ايده على قلبه)
كيوهيون:هنا
(طبعا ما احتجتش توطى..قربت من صدره ببطء و باست قلبه)
سول:مكان تانى
(بصلها كيوهيون بخبث..وحط ايده على شفايفه..وشها احمر وبصت فى الارض)
سول:البس هدومك
(مشيت وسابته مسكها من ايده ورجعها تقف تانى قدامه)
كيوهيون:مش قولتلك ما تمشيش ابدا وانا بكلمك
سول:ادخل البس تى شيرت الاول
كيوهيون:ما انتى لابسه واحد بتاعى
سول:بس بس انت الى ادتهولى
كيوهيون:غيرت رأى
(شدها كيوهيون منه وحاول يرفعه مسكت سول ايده بحرج وحركت راسها بالنفى ابتسم بسخريه ورفعه بعناد غمضت عنيها بألم بص كيوهيون على بطنها كانت الكدمات فى كل جزء..لمس كيوهيون بطنها بحزن)
كيوهيون:علشان كدة امبارح رفضتى تقلعى القميص قدامى
سول:مش عيزاك تشوف منظرى وانا كده
(ساب التى شيرت وسند راسه على كتفها)
كيوهيون:انزلى استنينى تحت
سول:ننزل سوا
كيوهيون:اخرجى يا سول دلوقتى..ارجوكى
(هزت راسها وخرجت من الاوضه ما بعدتش خطوات غير لما سمعت صوت حاجه بتتكسر فى الاوضه..وقفت من غير حركه استنت فى مكانها فتره لغايه ما لقته خارجه من اوضته اول لما شافها اتوتر ..فلتت دمعه من عنيها لما شافته)
سول:يلا علشان تاكل وتنام شويه اكيد محتاج تريح
(نزلوا تحت اوضه السفرا كان بيحاول يرسم ابتسامه على وشه..بصت سول على اديه بقلق)
سول:انت اتعورت
(حرك كيوهيون ايده قدامها )
كيوهيون:انا كويس
سول:انا مش كويسه
(قامت جابت علبه الاسعافات وحطت مرهم على ايده)
سول:مش محتاج تقول قدامى انا على الاقل انك كويس انا هفهمك من غير اى حاجه
(مسك كيوهيون ايديها رفض يسيبها لغايه ما خلصوا اكل)
سول:اطلع نام شويه ولما تصحى هتلاقينى
كيوهيون:لا هفضل معاكى
(لمست وشه بحنيه)
سول:لا روح نام شويه علشان عايزة استغلك كتير اوى نام وبليل انا هدخل اصحيك..بس ارجوك اسمع كلامى
(هز كيوهيون راسه بالموافقه وطلع اوضته وقفت سول ثوانى مكانها وطلعت اوضتها حاولت تنام بس صوت ميونغ سو فى ودنها بيعذبها..خرجت بسرعه من الاوضه كأنها بتهرب منه نزلت المكتبه..وقعدت فيها ماحستش بالوقت او بأى حاجه غير لما دخلت هانا )
هانا:حضرتك مش عايزة تتمشى شويه القمر جميل اوى
سول:مش عايزة اخرج من البيت..هو صحى
هانا:لا لسه نايم
(ابتسمت سول بسخريه)
سول:وماكنش عايز ينام
هانا:ماكنش بيعرف ينام ساعه على بعضها كانت حالته النفسيه متدمرة يمكن دى اول مره خلاص ال8 سنين اشوف بيها استاذ كيوهيون فى الحاله دى مهما كان غضبه او ايه الى حصله
(بصت سول فى الارض بحزن)
هانا:انا مش بلومك انا بعرفك انه عانى من غيابك جدا هو كان رافض ندخل اوضتك علشانه ماكنش بيخرج منها تقريبا.. بتمنى تفضلى على طول جنبه
(خرجت هانا من المكتبه وسابت سول مكانها حاسه بالذنب ناحيته قررت تاخد روايه وتطلع تصحيه...فاق كيوهيون من نومه وهو بيصرخ بأسمها جرى على اوضتها دور عليها فى الحمام فى اوضه الهدوم بس ملقهاش وقع على الارض بصدمه)
كيوهيون:انا كنت بحلم ده كله
(كأن حاجه عصرت قلبه ضغط عليه وهو شايف سريرها فاضى..خرج من اوضتها وهو بيتطوح كأنه شارب ميه ازازة..قفل الباب وراه ..اتحرك خطوتين ولقاها واقفه قدامه ماسكه كتاب ..بصتله بكل برأه)
سول:كنت بتعمل ايه فى اوضتى ومالك بتعرق ليه انت كويس
(جرى عليها اخدها فى حضنه وقعت الكتاب من ايديها)
سول:فى ايه يا كيوهيون اتكلم
كيوهيون:نامى معايا
(بصتله بقلق)
سول:انت كويس
كيوهيون:مش عايزك تختفى من قدام عينى تانى
(شالها وطلع بيها على اوضته حطها على السرير ومدد جنبها.. اتعدلت وقعدت على السرير وحسست على شعره بالراحه)
سول:انا عارفه انك مش هتعرف تنام وانا جنبك
(لف ايده على وسطها)
كيوهيون:عايز اطمن انك هنا مش هتختفى
سول:اعمل حبل طويل اربطه فى ايدى وايدك علشان لو اتحركت
(بصلها كيوهيون بصدمه)
كيوهيون:ممكن
سول:بتتكلم جد
كيوهيون:عايز اطمن انك مش هتتحركى
سول:متخافش مش هتحرك
كيوهيون:خليكى جنبى
سول:امممم طب عندى فكره تانيه
(قامت سول من على السرير اخدت مخده وراحت قعدت على الكنبه)
سول:خلينا ببطء انا عارفه انه هيبقى صعب عليك برضه بس هيكفى انى هنا مجرد ما هترفع راسك هتلاقينى
كيوهيون:لا المكان مش مريح والجو ساقعه
(اتحركت ناحيه اوضه الهدوم بتاعته وخرجت شايله بطانيه)
سول: كدة احسن اهو
كيوهيون:طب نبدل مع بعض
سول:لا اسمع كلامى المره دى يا اما هنام فى اوضتى
(مددت على الكنبه واستغطت)
سول:نام يلا
(فرد ضهره على السرير ..قعد يتقلب ويتحرك)
سول:مش عارف تنام
كيوهيون:انا اسف
(قامت سول قعدت جنبه)
سول:اسف علشان ايه
كيوهيون:علشان ببعدك
سول:ومين قال انك كده بتبعدنى
كيوهيون:مش قولتى بليل هتتعبينى
سول:اه
كيوهيون:عيزانا نعمل ايه
سول:تعالا نتفرج على فيلم سوا
كيوهيون:فيلم ايه
سول:اي فيلم تحبه
(نزلوا مع بعض للمكتبه)
كيوهيون:فى افلام للكبار فقط
(بصتله سول بطرف عنيها)
سول:ها
كيوهيون:فى فيلم الملك الاسد
سول:موافقه
(ضحك بصوت عالى وهو بيشغل الفيلم)
سول:من اللحظه دى انا تيمون وانت ماى بومبا
كيوهيون:اشمعنى انا بومبا
سول:علشان انت صديقى الصدوق
كيوهيون:انا صديقك الصدوق؟
سول:اه اتعود على الفكره دى بقى
(شدها لحضنه)
كيوهيون:موافق
سول:انت على طول ممرمط شيون معاك
كيوهيون:شيون دة كان اول حد يخترق حدود البيت ويبقى صاحبى تقريبا بسبب دمج شركتى ابويا وابوه من زمان ده كان سبب بس انا ممتن ليه
سول:وانت بتقوله كده
كيوهيون:قولتله النهارده
سول:انتوا بقالكم كام سنه اصحاب
كيوهيون:حوالى 20 سنه
سول:ولسه قايله النهارده
كيوهيون:اه
(هزت سول راسها بمعنى مفيش فايده)
سول:احنا لازم نعملك قايمه بكل واحد لازم تقوله شكرا اولهم شيون
كيوهيون:ايه
سول:انت لسه قدامك وقت بس هنعملها
كيوهيون:انتى مش ملاحظه انك بتعاملينى كطفل شويه
(بصتله وابتسمت ببلاها)
سول:لا مش واخده بالى
كيوهيون:طب بصى قدامك واتفرجى على الفيلم
(بصت سول للتلفزيون بملل ..شويه ولقى راسها تقلت على صدره)
كيوهيون:سول...سول
(ابتسم...قام شالها وطلعها اوضتها باس راسها قبل ما يخرج)
كيوهيون:احلام سعيده
(طفى كيوهيون النور وطلع اوضته... ثوانىو فتحت عنيها لقت نفسها لسه فى المخزن ..بصت حواليها لقت ميونغ سو واقف بيبتسم)
ميونغ سو:حلم حلو
سول:انا ايه الى جابنى هنا تانى
(هزت راسها بالفنى ودموعها نزلت بصمت)
ميونغ سو:انتى مشيتى امتى
سول:ارجوك سبنى امشى
(ابتسم بسخريه وهو بيمسك ايديها بعنف)
ميونغ سو:حاولى تهربى من هنا وانا هعرفك معنى الالم لما اقتلك قدامه
سول:سبنى
(صرخت وهى بتزقه عنها)
سول:كيوهيون
(شدها ميونغ سو من شعرها وهو بيبتسم بسخريه)
ميونغ سو:نادى زى ما انتى عايزة هو مش هيسمعك
(غمضت عنيها بألم وصرخت بأسمه للمره الاخيره..فتحت عنيها بفزع لقته قاعد قدامها وبيبصلها بقلق)
كيوهيون:انتى كنتى بتحلمى بأيه
(بصت سول حواليها لقت نفسها فى البيت..اترمت فى حضنه وقعدت تعيط)
كيوهيون:تحبى نروح لدكتور ييسونغ
سول:لا انا هبقى كويسه
كيوهيون: انا لازم اروح الشغل دلوقتى فى مشكله حصلت
سول:تروح وترجع بالسلامه
كيوهيون:انا هلغى كل حاجه مش هعرف اسيبك بالحاله دى
سول:لا انا كويسه صدقنى
كيوهيون:سول ما تكابريش
سول:هقعد مع هانا ما تقلقش عليا
كيوهيون:لا مش هعرف اركز
سول:لازم تروح..ما تخافش انا هبقى كويسه
كيوهيون:مش هتأخر
(طلع كيوهيون غير هدومه بسرعه ونزل لقاها غيرت هدومها ولابسه فستان)
سول:يلا هوصلك لغايه الباب
(مسك ايديها وابتسم..نزلوا تحت وقفت قدام باب البيت عدلت الكرافته بتاعته)
سول:كل وما تقلقش عليا وما تتأخرش
(اخدها فى حضنها كان بيتنفس بصعوبه..طبطبت على ضهره)
سول:والله ما تقلق عليا
(هز كيوهيون راسها بالايجاب رسم ابتسامه مصطنعه على وشه ومشى..تابعت العربيه بعنيها لغايه ما اختفى)
سول:هبقى كويسه
(دخلت سول قاعده فى اوضه السفرا)
سول:هانا
(جت هانا بسرعه )
هانا:فى حاجه
سول:الورق بتاعى الى كان هنا فين
هانا:حطيته فى صندوق فى القبو
سول:هو هنا فى قبو
هانا:اه طبعا
سول:انا لازم اعرف اكتر عن البيت ده
هانا:اى وقت حضرتك فاضيه فيه بلغينى
سول:بتعرفى تعملى دكبوكى
هانا:اه طبعا
سول:لو ينفع تعملى علشان كيوهيون..وابقى علمينى..بس دلوقتى ورينى مكان القبو محتاجه الورق ده جدا
هانا:طبعا..اتفضلى
(مشيت سول ورا هانا لغايه باب القبو)
هانا:تحبى اجى مع حضرتك
سول:لا انا هنزل روحى كملى شغلك شكرا
هانا:الاضاءه بتشتغل من المركز الرئيسى هروح اشغلها لحضرتك
(انحنت هانا ليها ومشيت فتحت سول باب القبو نزلت بخطوات بطيئه ثوانى ولقت الاضائه..كان تقريبا ده الجزء الوحيد الى مش مترتب فى البيت كان فى تراب فى كل حتى..لقت صندوق من منظره انه لسه محطوط جديد قربت وفتحته لقته الورق بتاعها لفت نظرها صندوق خشب..راحت ناحيته وفتحته لقت البوم صور قعدت على الارض وفتحته كانت صورة لكل سنه جديده لكيوهيون لغايه سن ال11 مع امه وابوه واخوه...من اول سن التلت سنين وكيوهيون واقف منزوى لوحده بعد كدة حصل تغيير اختفت امه واخوه من الصورة وبقى هو وابوه وست استنجت انها عمته الى اتكلم عنها..لغايه سن ال18 ودى كانت اخر صورة فى الالبوم لمست سول الصورة بحزن)
سول:السنه الجايه هنتصور انا وانت بس مش هتكون بعيد عن ولا على وشك علامه الحزن دى
(قفلت الالبوم ورجعته الصندوق ..لقت كام لعبه من بتوعه كانت بتمسكهم وبتبتسم الذكريات بالنسبه ليها حاجه مقدسه على قد ما نفسها تعرف حكايه كل لعبه بس عارفه ان كلهم هيبقى مجرد ذكرى سيئه هتتفتح عليه... قامت من على الارض وشالت الصندوق بتاعها كان فى حبل مرمى فى الارض لما شافته وقعت الصندوق من ايديها سمعت صوت ميونغ سو وهو بيقولها نجرب لعبه جديده جسمها اترعش ثوانى والنور اطفى حاولت تخرج من القبو بس اتكعبلت ووقعت حست بأيديه بتحاول تلمسها تانى صرخت بكل قوتها لغايه ما فقدت وعيها..رجع كيوهيون البيت بليل)
هانا:احضر لحضرتك العشا دلوقتى
كيوهيون:هى سول فين
هانا:تقريبا فى اوضتها
(هز كيوهيون راسه بالايجاب وطلع اوضتها)
كيوهيون:سول
(اتلفت حواليه بقلق وطلع اوضته بسرعه لقاها نايمه على سريره اتنهد براحه..قرب منها وحط ايده على راسها)
كيوهيون:سول انا جيت
(فتحت عنيها وابتسمت)
سول:حمد الله على سلامتك
كيوهيون:معلش اتأخرت عليكى
سول:ولا يهمك خلصت شغلك اهم حاجه
كيوهيون:اه
(بصلها بقلق)
كيوهيون:انتى كويسه فعلا
(هزت راسها مع ابتسامه)
سول:اه ..مش هتتعشى
كيوهيون:انا عايز اعرف انتى وشك اصفر ليه الاول مستحيل تكونى بخير
(ارتبكت وزعقت)
سول:كويسه انت ليه مش قادر تصدقنى
كيوهيون:سول يلا هنروح المستشفى
سول:لا
كيوهيون:يلا انزلى غيرى هدومك
سول:ما تضغطش عليا
كيوهيون:استحملى قلقى
(مددت تانى على السرير بعناد واستغطت  رفع كيوهيون الغطا بعصبيه وشال سول من على السرير)