Lost Soul

Part 18

There you are
There you are
You're there with open arms
There you are
There you are
And I run
Only you know me the way you know me
Only you forgive me when I'm sorry
Even when I messed it up
There you are

الاغنيه دى حلوه ياريت لو تسمعوها مع البارت هتديكم احساس حلو
___________

(فتحت سول عنيها بتعب بصت حواليها واتنهدت بعمق)
سول:كان على الاقل لطيف انى شفتك فى حلمى يا كيوهيون
(خرجت سول من المكتبه وقعدت على ترابيزة السفرا وندت على هانا)
هانا:دخلتلك المكتبه امبارح بس حضرتك مشتينى وماردتش اصحيكى
سول:عارفه
هانا:حضرتك كنتى طلبانى
سول:حضريلى حاجه خفيفه اكلها
)بصتلها هانا بفرح(
هانا:ثوانى والاكل هيبقى عند حضرتك
(خرجت هانا من اوضه السفرا ودقايق كان الفطار قدام سول..مسكت الشوكه باستسلام واكلت معالق بسيطه وقامت)
هانا:طب كملى
سول:مش قادره هطلع اخد شاور معلش ابقى جبيلى كوبايه لبن فى الاوضه
)انحنت هانا ليها..طلعت سول اوضتها لمت شعرها ودخلت الحمام..قعدت فى البانيو وغمضت عنيها نزلت بالراحه تحت الميه فتره لغايه ما سمعت صوت خبطات على الباب قامت بسرعه وشهقت )
جونج هى:حضرتك كويسه
)مسحت وشها واتكلمت بصوت ضعيف)
سول:ايوة خارجه
(قامت وخرجت من الحمام لقت جونج هى واقفه ماسك كوبايه اللبن بتاعتها)
سول:تقدرى تمشى انتى
جونج هى:بس مدام هانا قالتلى افضل معاكى
سول:ماتخافيش عليا انا كويسه اهو وكمان عايزة اقعد لوحدى لو احتجت حاجه هبلغكم
(انحنت جونج هى..وخرجت من الاوضه لبست سول فستان ووقفت قدام المرايه حطت ايديها على بطنها)
سول:هستحمل علشانك انت حتى لو لفتره بسيطه هكمل
(شالت الكانولا من ايديها وقعدت على السرير شربت اللبن ومددت..حطت ايديها تانى على بطنها)
سول:تحب احكيلك عن بابا ..اسفه انى هجيبك فى الدنيا دى من غير ما اعرف مستقبلك هيبقى بأب ولا من غيره..بس كان على الاقل نفسى تبقى جنبى دلوقتى اهو تطمنى...انت جزء منه
(دخلت هانا الاوضه بسرعه وهى بتنهج)
هانا:مدام سول
سول:فى ايه يا هانا
(بلعت هانا ريقها بصعوبه)
هانا:على الاخبار
سول:فى ايه
)فتحت هانا التلفزيون..قرت سول على شريط الاخبار(
*طفل عائله تشو فى الاصل ابن ميونغ سو*
هانا:كان فى تقرير كامل بيتكلم ان حملك حصل وقت ما ميونغ سو خطفك..وان استاذ كيوهيون مش تعبان وانه ساب البلد
)مسحت سول راسها بتعب(
سول:شيون اتصل
هانا:لغايه دلوقتى لسه
سول:مش هينفع اخد اى خطوه من غيره..اتصلى ببيونج هروح الشركه
هانا:بس دلوقتى مش الوقت المناسب
(قامت سول من على السرير بعصبيه(
سول:دلوقتى بيتكلموا عن الحاجه الوحيده الى متبقيالى منه انها مزيفه..لو هعمل تحليل او ايا كان مش هسمح ان حد يأذى طفلى يا هانا وهو لسه مخرجش للنور لو الوضع هيبقى كدة يبقى اموت انا وهو احسن ميه مره من اننا نفضل ونتعذب
)رن موبايل سول..مسكته وردت(
شيون:سول ما تاخديش حاجه بالاخبار دى
سول:انا حامل فى الشهر الخامس ميونغ سو خطفنى من 7 شهور مستحيل يكون هو
شيون:انا عارف وعارف برضه مين الى قال الاشاعه دى..دى مجرد مماطله ..حتى اتكلموا عن كيوهيون
سول:هعمل تحليل اختبار ابوة اوى ايا كان
شيون:انتى مجنونه
سول:طب اعمل ايه (عيطت) انا احترت مش عارفه اعيش حياتى ازاى كل يوم اصعب من الى قبله ولما اقول انى خلاص هتماسك تحصل مشكله جديده
شيون:ما تتكلميش انا هتصرف وهحل الموضوع ده
سول:شيون لو افضل انى اسافر
شيون:ما ينفعش.. دلوقتى على الاقل يا سول
سول:حاضر
شيون:فكر فى حل وابلغك
سول:حاضر
(قفلت مع شيون بصتلها هانا بتوتر(
سول:فى ايه يا هانا
هانا:شيلتى الكانولا ليه
سول:مش حاسه انى محتاجاها..انا هنزل اوضه كيوهيون الى تحت بس ابعتى حد يلملم الاوضه دى
هانا:واوضه استاذ كيوهيون
سول:انا هلمها ما تشغليش بالك بيها
(سندتها هانا ونزلوا اوضه السفرا قفلت الابواب وسابت سول لوحدها..فتحت القفل ونزلت الاوضه..اول لما دخلتها لقت الخزنه مفتوحه..راحت ناحيتها طلعت ورق المبنى بتاعها وقفلتها حطت البرواز قدامها زى ما كيوهيون قالها....وقعدت عند البار صبت كاس واين مسكته قربته ليها علشان تشمه(
سول:دلوقتى الى متبقالى يا كيو منك مجرد روايح وطيف بيطاردنى
( لمحت نوت سوده مسكتها وشغلت الدفايه قعدت على الكنبه ممدت..وفتحتها(
*شفتها يوم 27 مايو مش هقول انى حبيتها بس اتشدتلها يمكن علشان شبهها كنت عايز اعرف طباعها بعد كدة لقيت نفسى بحتاجها..كنت مقرر انى ابدأ حياه جديده بعيده عن تشو كيوهيون القديم بس ازاى هغير حاجه طبع انى متوحش ومجنون مش شايف مستقبل لينا بس هى شيفاه ورسماه وقررته مع كل عيوبى هى متقبلانى برغم انى انا نفسى كاره شخصيتى بس هى عيزانى كدة ومتقبلانى انا حاسس بالامتنان ليها وهفضل لفتره طويله كده..سول ملاكى الحارس الشخص الى بيخلينى عايز اكون افضل الى علمنى ازاى ابتسم والى بيكونلى ذكريات سعيده كل يوم روحى الى اكتشفتها بعد عمر خلينا نعيش مع بعض..هبدأ صفحه جديده بعد جوازنا*
)دموعها نزلت قلبت فى النوت لقت صفحه تانيه(
*شفت واحده حامل مع جوزها حسيت بحزن ان مستقبلنا مش شايف فيه اطفال حسيت انى بحرمها من حق طبيعى ليها انها تعيشى فى اسره مستقره باطفال هى هتبقى جميله اوى لما هتبقى ام بس انا....*
(كتابته وقف قلبت فى النوت كتير بس كانت فاضيه..انفجرت دموعها وشهقاتها بتعلى اخدت النوت فى حضنها(
سول:طب ليه سبتنى دلوقتى الى ماكنتش متوقعه انه يحصل حصل وكنا هنكون عيله سعيده مع بعض هنبقى نفص الصورة الى شفتها
(لمست كتابته ودموعها ما بتقفش حضنتها تانى وطلعت اوضته..لقت هانا داخله باكل وادويه(
هانا:هتاخدى الادويه
(بصتلها سول بضعف(
سول:مش شايفه فايده يا هانا..كل حاجه بتبوظ من ساعه ما مشى حتى لما حاولت اتماسك اديكى شفتى
هانا:خليكى اقوى من كده
سول:ما ادانيش فرصه واحده حتى انى ابقى قويه يا هانا
(حطتلها هانا الاكل(
هانا:يبقى مثلى انك قويه علشان تحمى طفلك
(قامت سول من على السرير واكلت ما اتحركتش هانا من جنبها لغايه ما خلصت اكلها كله)
سول:انا هنام ما تصحنيش غير لو حاجه مهمه
هانا:حاضر
(خرجت هانا من الاوضه سابت سول اضاءه خفيفه من الاباجورة وحطت النوت بتاعت كيوهيون جنبها..صحيت تانى يوم على صوت موبايلها(
شيون:غيرى هدومك وتعالى الشركه
سول:ليه
شيون:هنعمل مؤتمر تانى
سول:ها
شيون:ده الحل الوحيد مينفعش ننفى الاشعه بس كده ..هتظهر تانى لازم نوضح الموقف كله
سول:حاضر
(اتصلت على هانا تطلعلها ثوانى وكانت قدامها(
سول:بيونج هنا
هانا:ايوة
سول:طب خليه يجهز العربيه هروح الشركه بتاعت كيوهيون
هانا:اوامرك
سول:جهزيلى حاجه خفيفه اكلها
)انحنت هانا وخرجت قامت سول غيرت هدومها سمعت صوت خطوات فى الاوضه خرجت لقت جونج هى..بتحطلها الفطار(
سول:شكرا
جونج هى:حضرتك عايزة اى حاجه تانيه
سول:لا بيونج جهز
جونج هى:ومستنى حضرتك قدام القصر
(قعدت سول فطرت ونزلت ركبت العربيه وهى فى الطريق كلمها شيون(
سول:فى حاجه يا شيون
شيون:اطلعى من الجراج
سول:ماشى
(وصلوا الشركه فتحلها بيونج باب العربيه..خرجت لقت شيون فى وشها ومبتسم(
سول:اسفه على التأخير
شيون:يلا بينا الصحفيين جوه
(سندت على ايده(
شيون:انتى كويسه
سول:دايخه شويه
شيون:طب تعالى نطلع
(طلعوا على مكتب شيون(
شيون:ثوانى هخلى جيهو تجبلك حاجه تشربيها
سول:لا ملهوش لزوم
()دخلت جيهو المكتب(
جيهو:المؤتمر هيبدأ امتى
شيون:عشر دقايق يا جيهو..نادى دونغهى ييجى هنا
)انحنت جيهو وخرجت(
سول:مش دى مساعده كيوهيون
شيون:هى بس محتاجلها الفتره دى لغايه ما اعرف نظام مشاريع الى كان كيوهيون متفق عليها
(دخل دونغهى المكتب(
دونغهى:صباح الخير
(اكتفت بانها هزت دماغها(
شيون:انت فايق
دونغهى:جيسيكا جت بره
شيون:وانت ما قولتش ليه
دونغهى:هقول ايه يعنى
سول:هو ممكن تتكلم وتقول ان كيوهيون مش فى البيت
شيون:بعد الى عمله المصيبه ده (شاور على دونغهى)لما انتى تعبتى احنا فى نقطه كويسه اثبتنا ان حاله كيوهيون خطر فلو حد اتكلم هنستغل الفيديو لصالحنا
سول:مش هقدر اكدب اكتر من كدة
شيون:ما تتكلميش خالص انا هتكلم
دونغهى:انتى بس هتقعدى علشان لو حصل اى اسئله
(هزت راسها بالايجاب(
شيون:انا عارف ان الموضوع صعب عليكى بس
سول:مش اصعب من ان هو ما اهتمش يرجع حتى
(خرجت من المكتب..بص شيون لدونغهى بغضب(
شيون:يارتكم كنتوا فكرتوا لو مجاش رد فعلها
دونغهى:ما اتوقعتش انه مش هيرجع وكمان ما انت لسه قايلى ان الى عملناه صح
شيون:طب ابعد عن وشى
(خرج الاتنين لقوها واقفه مستنياهم...مشيوا لغايه قاعه المؤتمرات فتح شيون باب القاعه..بص ثوانى ورجع خطوتين بضهره(
دونغهى:فى ايه
سول:حصل حاجه يا شيون
(بعد شيون وسمحلهم يشوفوا القاعه ..بص الاتنين لقوا كيوهيون واقف وبينحنى للصحفين..بصت لشيون ورجعت تانى بصت لكيوهيون
سول:هو ده
شيون:ايوة
(قفل شيون الباب راحت سول قعدت على اقرب كرسى(
سول:هو فعلا موجود
دونغهى:انت كنت عارف
شيون:انت مجنون يعنى عارف وهاجى
(حطت ايديها على راسها(
شيون:سول
(دموعها نزلت على خدها مسحتها وقامت(
سول:انا هستناه فى مكتبه
(اتحركت ببطء لغايه ما وصلت مكتبه وقعدت جوه ..فى المؤتمر(
كيوهيون:بصاتكم ليه كأنكم شايفين واحد ميت
-الى وصل ان حضرتك اختفيت
كيوهيون:على ما اظن ان كان فى مؤتمر بيناقش حالتى الصحيه
-والمؤتمر ده علشان يتكلم عن مدام تشو
كيوهيون:مراتى اخدت قرار علشان تحمى نفسها..اى اشاعه اتداولت غير الى قالتها بنفسها هيتم التعامل قانونى مع شركات تشو
(الكاميرات نزلت ببطء و بص الصحفيين برعب لكيوهيون(
كيوهيون:المره دى كان فى تمادى والفريق القانونى هيحاسب كل شخص ساعد ان مراتى تمر بوقت عصيب ..وهوان وميونغ سو فى جرايم تانيه منها التهرب الضريبى وصلت لمكتب النايب العام الصبح ...مفيش حاجه تانيه هقولها غير هنتقابل فى المحكمه على تهمه التشهير والضرر بصوره تشو سول
(خرج كيوهيون من القاعه لقى دونغهى وشيون فى وشه جرى دونغهى عليه وحضنه)
دونغهى:كنت خايف ما اشوفكش تانى
(زقه عنه بقرف(
كيوهيون:انت اتجننت
دونغهى:اسف
كيوهيون:هى هنا
شيون:فى مكتبك
(سابهم وطلع مكتبه بسرعه لقاها واقفه ومدياله ضهرها(
كيوهيون:سول
(بصتله وضربته على وشه..بربرش كذا مره بيحاول يستوعب صدمته اتأملته فتره كان خاسس وعلامات الارهاق على وشه كله عنيه تايه وحزينه)
كيوهيون:انا
سول:بتمنى انه يكون وجعك ..دة الى انا حسيته يا كيوهيون لما انت مشيت نفس الضربه
(شدها كيوهيون لحضنه اخدت نفس عميق دموعها نزلت لفت ايديها عليه..طبطب عليها(
كيوهيون:ششششش انا اسف
(شهقاتها عليت(
سول:انت عارف انت بتعتذر عن ايه
كيوهيون:انا غلطت
(زقته ومسحت دموعها(
سول:غلطت كلمه قليله
(مسكت شنطتها وخرجت من المكتب..خرج وراها ومسك ايديها(
كيوهيون:هنروح سوا
سول:مش عارفه ابصلك دلوقتى
زقت ايده ومشيت..وقف كيوهيون مكانه مصدوم..لقى شيون واقف قرب منه ضم ايده وضرب كيوهيون و اتنهد براحه)
شيون:انت تستحق اكتر من كدة لعلمك..اختفيت من غير ولا كلمه وظهرت تانى بمزاجك
كيوهيون:ما استحملتش حد يتكلم عنها وافضل بعيد
شيون:بس سبتها تدافع وتحارب لوحدها
كيوهيون:ماكنتش عايزها تدافع
شيون:واديها عملت كل ده لوحدها حتى ما فكرتش ترجع لما تعبت
كيوهيون(بصعبيه):ومين قالك انى
شيون:ما تكملش عارف انك ماكنتش كويس بس دة الى مضايقنى اكتر.. ده غلطك يا كيوهيون الاول من ساعه ما عرفتك اخدت قرار من غير ما تفكر فى عواقبه..سول كانت بتموت بس عارف الى فرق معاها ايه مينفعش ممرضه تيجى البيت علشان كيوهيون بيتضايق محدش يلمس حاجته..علشان لما يرجع انا هفضل فى البيت علشان لو رجع فى اى لحظه..لو عرف انى مت هيرجع كانت بتهلوس بحاجات من دى كتير قرارك عديم المسؤليه كان بيقتلها ببطء هى وطفلك
(خرج كيوهيون من الشركه بسرعه ركب عربيته ووصل للقصر..اول لما هانا شافته جمعت الخدم كلهم ووقفوا يحيوه(
هانا:حمد الله على سلامتك
كيوهيون:سول هنا
هانا:طلعت اوضتها
(طلع حاول يفتح الباب (
كيوهيون:سول افتحى الباب
سول:امشى دلوقتى يا كيوهيون
كيوهيون:مش هتحرك من هنا غير لما تفتحى الباب
سول:امشى دلوقتى ارجوك معنديش استعداد اكلمك
(لمس الباب بالراحه(
كيوهيون:ارجوكى
سول:بتوسل اليك امشى دلوقتى على الاقل
(طلع اوضته ..اغلب هدومه على الارض ازايز البيرفيوم بتاعته خلصانه ..ازازه الواين مفتوحه جنب السرير.غمض عنيه بألم..غير هدومه وقعد على السرير لقى النوت السوده بتاعته..مسكها وقعد على السرير..سمع خبطات على الباب)
كيوهيون:ادخلى
(دخلت هانا الاوضه وانحنت ليه وكانت شايله صينيه اكل)
كيوهيون:مش جعان
هانا:بس مدام سول الى قالتلى
كيوهيون:مش عايز دلوقتى يا هانا
هانا:هى بس اخر حاجه قالتلى علشان تقدر تتكلم معاك على الاقل لازم تاكل واتأكد انك اكلت واقولها
(ضحك بسخريه..وقعد اكل. بعتت هانا رساله لسول وشالت الصينيه ونزلت..قعد ثوانى ونزل وراها خبط على باب اوضتها ووقف شويه لغايه ما لقاها بتفتح الباب..بصلها بامتنان (
كيوهيون:انتى هددتينى بنقطه ضعفى
سول:على الاقل استغليتها صح
كيوهيون:انتى عارفه كل حاجه جوايا عارف انى مهما قلت مش هعرف اعبرلك عن اسفى وانى غلطت فى حقك بس
(بصتله بحرقه(
سول:مفيش بس يا كيوهيون غلطت دى كلمه سهله اوى انت اتجاهلتنى ورميت مشاعرى ما اهتمش ولو للحظه بيا
(لفت وادته ضهرها ودموعها نزلت على وشها ..لف ووقف قصادها ومسك ايديها(
كيوهيون:انا اختفائى اهتمام بيكى ..كنت خايف ودى لاول مره اخاف على حد
سول:اسمه هروب ..وانت هربت وسبتنى
كيوهيون:ماهربتش انا كنت عارف انهم هياخدوا الى هما عاوزينه فى اى حال وماكنتش عايز ادخلك
سول:مافكرتش فيا هبقى عامله ازاى ما فكرتش فى اصحابك وهما بيتحملوا كل ده من غيرك
كيوهيون:كل ده علشان احميكم
سول:من ايه من حرب ..تخيل دخلناها برضه بس من غيرك وكسبناها يا كيوهيون لو كان عندك ثقه ولو بسيطه فينا..احنا كسبنا كل حاجه بس انا خسرت وجودك جنبى وانت خسرتنى للأبد يا كيوهيون
(بصلها بخوف(
كيوهيون:قصدك ايه
سول:زى ما سمعت يا كيوهيون انا مش هعيش خايفه تسبنى تانى فى اى لحظه تحس فيها بالخوف عليا وانك مصدر تهديد ازاى لو للحظه ما فكرتش تخلينى اسمع صوتك
كيوهيون:علشان لو كنت الى سمعت صوتك كنت هنهار انا ..انا ماكنتش قادر اعيش من غيرك ولو للحظه يا سول كل ليله فى ال34 كنت بلاقى نفسى جنبك
سول:ما حستش انا تعبانه قد ايه
(مسح دموعها(
كيوهيون:كنت تعبان وبتوجع زيك انى مش جنبك فى اى لحظه كنتى محوطانى فى كل ثانيه كان مصبرنى صورة ولما شفتك فى المؤتمر انا حسيت بروحى بترجعلى
سول:ولا الف صورة كانت معوضه غيابك ماكنتش برتاح غير فى الحلم لما بلاقيك تحضنى بس كنت بتكسر لما بصحى..اتكسرت الف مره بس مت لما قالوا لقوا جثه شبهك
(ضربته على صدره كذا مره وفضلت تصرخ(
سول:لما اتخيلت انك مت ولو للحظه انا قلبى كان بيتقبض لما شيون بيتصل ببقى خايفه مكالمه زى دى تانى..انا حسيت بامتنان ان حد تانى مات غيرك فرحت لموت حد يا كيوهيون ..انت قتلتنى ببطء قولت لما هتيجى هسامحك بس لا مش قادره اسامحك ومش قادره اسامحك اكتر على كيوهيون الى انا شيفاه قدامى طالما اخترت تمشى يبقى تبقى كويس
(حطت ايديها على وشه بحزن(
سول:مش قادره اتحمل
(اترمى فى حضنها حست بدموعه على هدومها غمضت عنيها بألم)
كيوهيون:انا اسف
سول:انا الى اسفه
(بعدت عنه ودخلت اوضتها تانى... قعد كيوهيون قدام باب اوضتها وغمض عنيه(
كيوهيون:مش همشى من هنا
(مشيت بالراحه وراحت قعدت عند الباب حطت ايديها على بوقها علشان ما يسمعش صوت عياطها(
سول:مش هسامحك بسهوله المره دى
(فضل كيوهيون مكانه..لغايه بليل..طلعت جونج هى(
جونج هى:استاذ شيون تحت
(قام كيوهيون من على الارض ونزل)
كيوهيون:فى حاجه يا شيون
شيون:انت لازم تيجى الشركه بكره
كيوهيون:مش هعرف اسيبها الفتره دى
شيون:حضرتك رئيس مجلس الاداره الجديد لازم تيجى تستلم منصبك رسميا فى حفله بس لسه بدرى لكن بكره لازن تيجى الاجتماع ..هى سول فين
كيوهيون:فى اوضتها رافضه تخرج من اول اليون
شيون:تحب اكلمهالك
)بصله كيوهيون بطرف عينه(
شيون:ما تبصش كدة بس
كيوهيون:انا مش فايق
شيون:على قد ما المفروض اكون مقدر حالتك بس بالعكس انا فرحان فيك
كيوهيون:شيون
(خبطه شيون فى كتفه(
شيون:سول وزنها وهى حامل فى الشهر الخامس 35 كيلو خست 10 كيلو عن وزنها الاساسى جالها نزيف اربع مرات خلال شهر واحد..كانت ماشيه بالمحاليل.. والفيتامينات ماكنتش بتاكل وجبه واحده خلال ال34 يوم دول فانا لما بقول انا فرحان فيك دى حقيقه بجد
(بصله كيوهيون بحزن(
كيوهيون:انا حتى مش عارف اقف قدامها
شيون:سيبها تهدى شويه.. لكن بكره حاول تيجى الشركه نص ساعه للاجتماع
كيوهيون:حاضر
(مشى شيون وقف فى وسط الصاله ونده على هانا خرجت هانا وقفت قدامه(
كيوهيون:حضرى اكل وطلعيه لسول
)انحنت ودخلت المطبخ لقى جونج هى طالعه بصينيه ..فضل واقف شويه ولقاها نازله بيها تانى(
كيوهيون:ما رديتش
(هزت جونج هى راسها بأسى(
جونج هى:ما فتحتليش الباب حتى
كيوهيون:هاتيها
(اخد منها الصينيه وطلع وقف قدام اوضتها خبط على الباب كذا مره..فتحت الباب بعصبيه..كانت لافه الفوطه عليها وشعرها المبلول نازل على كتفها(
سول:قولت مش عايزة اكل يا هانا
(اول لما شافها همهم وبلع ريق)
كيوهيون:مش هتاكلى ليه..ده جتى الجبان اكل من شويه بشرطك
سول:مش جعانه
كيوهيون:علشان خاطرى
(رفعت حاجبها وبصتله(
سول:ما اظنش انك الشخص المناسب الى يقول الكلمه دى فى الوقت الحالى
كيوهيون:احم بس كلى
سول:مش هاكل
كيوهيون:طب هأكلك
سول:شكرا
)قفلت الباب فى وشه..قبل ما تقفل القفل فتح الباب..شهقت بصدمه ورجعت كام خطوه بضهرها..حط الصينيه على الترابيزة(
كيوهيون:هتاكلى
سول:وجايب الثقه دى كلها منين
(شدها من الفوطه وقربها ليه حط ايده على وشها اتوترت(
سول:ان انت بتعمل ايه
)لمس شفايفها بشفايفه كتم نفسها ثوانى حاولت تبعد عنه ما ادهاش فرصه..بعد عنها بصعوبه و همس على شفايفها(
كيوهيون:مش متخيله وحشتينى قد ايه
)زقته عنها(
سول:وهفضل وحشاك لفتره تشو كيوهيون
(دخلت اوضه الهدوم لبست فستان وخرجت ملقتهوش فى الاوضه لقت ورقه جنب الاكل(
*انا فاهم سبب غضبك منى بس بطريق ملهوش *
(اتنهدت وابتسمت(
سول:على الاقل لسه فاكر بطريق
(قعدت اكلت ..ومددت على السرير بعدها لقت رساله من شيون اتصلت بيه)
شيون:كنت قلقان لتكونى مشغوله
سول:هو فى حاجه
شيون:لا بس عايزة اقولك على حاجه
سول:فى اي يا شيون
(سمعت صوت دونغهى جنبه )
دونغهى:قولها قولها قولها قولها قولها قولها قولها
شيون:خلاص بقولها..بصى يا سول دونغهى حجزلك فى دروس اليوجا بتاعت الحوامل
سول:ها..بس كيوهيون عمره ما هيوافق ييجى
شيون:معلش بس دونغهى متحمس اوى لفكره ان فى طفل جاى ..وغالبا هو الى هييجى معاكى عادى يعنى انا مكنش بالفعل سجل اسمه كالوصى عليكى
دونغهى:سجلته ^^
(حطت ايديها على بوقها كتمت ضحكتها..شد دونغهى التيلفون من شيون)
دونغهى:بعد بكره اول يوم هعدى عليكى
سول:ماشى بس انت الى هتقول لكيوهيون
دونغهى:ها
سول:اتصرف معاه انت
دونغهى:شيون هيكلمه تصبحى على خير يا سول
(قفلت الموبايل ونامت..تانى يوم صحى كيوهيون من النوم غير هدومه وحط الكرافته من غير ما يربطها ونزل وقف قدام اوضتها دقايق ولقاها فتحت الباب وخارجه من اوضتها بتشد شنطه هدوم..بصلها بصدمه وراحلها)
كيوهيون:رايحه فين
سول:همشى
كيوهيون:نعم
سول:هبقى فى المبنى بتاعى لغايه ما المحامى يكلمك ويرجعلك كل حاجه انت كتبتهالى ويخلص اجراءات الطلاق وارجع الصين اقعد مع اخواتى
كيوهيون:انتى بتقولى ايه
(بصتله ببرود(
سول:زى ما سمعت
كيوهيون:انتى هتسبينى
سول:على الاقل عرفتك قبلها ما اختفتش فجأه
(شدها من ايديها بعصبيه(
كيوهيون:سول انتى اتجننتى
سول:بالعكس يا كيوهيون انا فقت
كيوهيون:انتى بجد هتتخلى عنى بالسهوله دى
سول:زى ما انت اتخليت عنى
كيوهيون:انا فهمتك وضعى وقتها
سول:وانا بحاول افهمم انى صعب اتعامل معاك بعد اليوم ده
(بصلها بتوسل(
كيوهيون:هعمل كل حاجه علشان ارضيكى
سول: روح شغلك يا كيوهيون
كيوهيون:اوعدينى انك مش هتمشى
(بصت على الكرافته بتاعته قربت منه وربطتهاله)
سول:امشى يا كيوهيون
(سابها وهو بيبص فى عنيها جامد كان متردد خايف يغفل عنها دخلت اوضتها تانى وقفلت الباب وهو خرج راح الشركه..رجعت الشنطه مكانها اتنهدت براحه وشبح ابتسامه ظهر على وشها .. طلعت اوضه كيوهيون لمت هدومها من فوق وخلت الخدم ينضفوا الاوضه ورجعت لاوضتها ..وصل كيوهيون الشركه وحضر الاجتماع ..بعد ما خلص خرج بسرعه علشان يمشى(
شيون:كيوهيون
كيوهيون:فى حاجه يا شيون
شيون:اه طبعا عايزين نتكلم فى الشغل انت بقالك شهر
كيوهيون:بعدين يا شيون
شيون:مينفعش
كيوهيون:يعنى ايه ما ينفعش
شيون:يعنى ما ينفعش..قدامك اسبوع عقبال ما تتعين رئيس مجلس اداره رسمى زى ما سمعت جوه
كيوهيون:بس
شيون:يلا هحاول نخلص بسرعه
(دخلوا مكتب يونج هوان القديم..بصله كيوهيون باستغراب(
كيوهيون:اول مره ادخله وهو مش موجود فيه
شيون:اتعود عليه لغايه ما تغير الديكور بتاعه
كيوهيون:انا مش عارف ازاى استسلم بالسهوله دى
شيون:مش هو الى استسلم سول كانت قويه انها تخليه يتنازل علشانك
كيوهيون: عايز اخلص الشغل بسرعه
شيون:وانا كمان نفسى فى كده عندى حياه برضه على فكره
)قعد الاتنين قصاد بعض كل شويه كان كيوهيون يبص فى ساعته ويستعجل شيون..لغايه الساعه 7(
كيوهيون:ده النص ساعه.. انا همشى ده المعاد الى بيخلص فيه الشغل
شيون:ومن امتى واحنا ملتزمين بالقاعده دى
(قام كيوهيون من على المكتب وراح ناحيه الباب(
كيوهيون:اعمل حسابك لو عايزنى تانى للشغل تجيلى البيت
شيون:نعم
كيوهيون: زى ما سمعت
(ما استناش رده وخرج بسرعه من الشركه وهو فى الطريق)
كيوهيون: بيونج..عايز اجيب ورد
(هز بيونج راسه بالايجاب ووصل قدام محل ورد كبير..وقف شويه محتار لغايه ما لقى حد بيخبط على كتفه بص كيوهيون وراه لقاها اريوم بصله بطرف عينه)
كيوهيون:انتى مين
اريوم:انا دكتوره مدام سول..اريوم اتقابلنا من فتره فى المستشفى
(هزلها راسه وبعد.مشيت وراه)
اريوم:ازى مادم سول دلوقتى
كيوهيون:كويسه شكرا على سؤالك
اريوم:بتاكل كويس
كيوهيون:اه
(وقفت اريوم قصاده)
اريوم:المفروض لو حد بيكلمك تقف ترد عليه
كيوهيون:انتى بتعملى ايه هنا
اريوم:صاحبتى مديره المكان وانا هنا بزورها
كيوهيون:يبقى روحى لصحبتك مش عايز دوشه
(لمست اريوم كتفه)
اريوم:المفروض تبقى هادى علشان الجنين
(زقها عنه بعصبيه)
كيوهيون:اخر مره تلمسينى بالطريقه دى وانا ليا كلام مع كيم انه سايب دكتورة زيك هى الى تعالج مراتى
اريوم:قصدك ايه
(خرج كيوهيون من المحل..وركب عربيته قلع الجاكيت ورماه)
بيونج:حضرتك ما جبتش ورد ليه
كيوهيون:ادخل اختار بوكيه لسول
بيونج:حاضر
(خرج بيونج من العربيه دخل المحل..مسك كيوهيون موبايله بملل لقى رساله من يونج هوان)
*عايز اقابلك*
(بص لموبايله بسخريه وحطه جنبه..رجع بيونج وهو ماسك البوكيه)
كيوهيون:يلا على البيت
(اداله بيونج ورقه)
بيونج:الانسه الى جوا ادتنى الورقه دى
(مسكها كيوهيون قطعها ورماها..حمحم بيونج واتحرك..لغايه القصر..نزل من العربيه عدل الكرافته بتاعته ودخل البيت نده على هانا)
كيوهيون:هى سول هنا صح؟
هانا:ايوة فى اوضتها
(اتنهد براحه وطلع اوضتها خبط ووقف مستنيها تفتحله..ثوانى عدوا عليه كأنها ساعات..فتحتله الباب مدلها ايده ببوكيه الورد..بصتله ببرود واخدته)
كيوهيون:شكرا
سول:على ايه
كيوهيون:انك فضلتى
سول:ادخل جوه الاوضه
(دخل وراها قعدت على السرير ووقف قدامها زى المذنب)
سول:انا قولتلك انى مش هسامحك وانى شايفه الطلاق دلوقتى الحل ليا
(قعد على ركبته ومسك ايديها وكلمها بتوسل)
كيوهيون:انا مش هعرف اعيش من غيرك
سول:ولا انا هعرف اعيش من غيرك
كيوهيون:يبقى الطلاق مش الحل
سول:بس هيخيلنى اتحرر من قيودى
(دموع فلتت من عنيه)
كيوهيون:ايه الى اعمله ليكى يثبتلك انى مش هكرر غلطى تانى
(نزلت لمستواه وحضنته)
سول:حسيت بالوجع لما قولتلك انا ماشيه ..والوجع تانى لما قولتلك نتطلق..انا ده وجعى كان يوميا كل دقيقه وكل ثانيه انا اهونلى انى اتعذب ميه مره على انك تمشى وتسبنى
كيوهيون:صدقينى انا غبى وغلطت بس اوعدك
سول:شششش ما توعدنيش تانى مس هستحمل وعد تانى يتكسر ما بينا
كيوهيون:هرضيكى بكل قوتى
سول:مش عيزاك ترضينى يا كيوهيون انا عايزة اعيش معاك ونكون العيله الى شفتها عايزة بطريق يتولد واصحى الاقيك شايله وماسك ايدى انا مش عايزة اكتر من كدة ومش هتمنى اكتر من كدة
(بعدها عنه وحضن شفايفها ..غمضت عنيها باستسلام لثوانى رفع التى شيرت بتاعها فتحت عنيها بسرعه و وبعدت عنه)
سول:مش دلوقتى
كيوهيون:ها
سول:اعتبر ده عقاب لغايه ما ابقى مستعده..جسمى كله مشتاق لاقل لمسه منك بس مش هستسلم ليك..وهنام هنا مش فى اوضتك
كيوهيون:ده كان وعدك ليا
سول:هتوعدنى انك مش هتعدى الخط
كيوهيون:هيبقى فى فاصل كمان
سول:هسيبك تحضنى بس مفيش حاجه تانيه..وده اظنه حقى انت لسه قايلى انك مستعد تراضينى بأى حاجه
كيوهيون:بس مش دى
سول:ها
(قام وقف وشالها على ايده صرخت)
سول:كيوهيون
كيوهيون:انتى قولتى هتنامى جنبى صح
(طلع بيها اوضته وحطها على السرير ونام فى حضنها..اخدت نفس طويل وغمضت عنيها براحه)
كيوهيون:انتى عارفه ان عقابى مش ده عقابى انك تبعدى عن عنيا
سول:بس ده هيبقى عقابى انا يا كيوهيون
(ابتسم وشدها اكتر ليه..باس راسها )
كيوهيون:خلينى لفتره طويله ابينلك اسفى
(اتكلمت بصوت نسعان)
سول:هعرف اخليك تبينه بطريقتى..عايزة اعرف حاجه واحده انت كنت فين
كيوهيون:كل مكان
سول:ها
كيوهيون:اى مكان بعيد عن سيول تقريبا كل يومين مكان مختلف ..بس كلهم مش زي هنا كانوا ضلمه حسيت انى فى جحيم
سول:مش فهماك
كيوهيون:ماكنتيش معايا ..علشان انا لامسك دلوقتى انا قادر اتنفس 
(ابتسمت وغمضت عنيها سندت على صدره نفسها تقل ونامت.تانى يوم صحى كيوهيون ملقهاش جنبه قام من على السرير ونزل اوضتها..لقاها قاعده بتعدل هدومها..بصلها بصدمه )
كيوهيون:ايه الى انت لابساه ده