Lost Soul

Part 11

اييييييييييييييييييييييه البارت ده بقالى شهر بكتب فيه رغم ان كل الى كان فيه مكتوب ويادوبك بيتعدل بس نحس اوى تقريبا علشان دونغهى ظهر كتير ايعقل؟؟
 يلا اينجوى ما تنسوش تقولوا رأيكم وتعملوا فوت كيوت زيكم بقى وكده ده اطول بارت اتكتب حتى الان اطول حتى من الاول

__________________ 

بوران:سول بابا عايز يكلمك
(جريت سول بسرعه اوضه بوران وشدت منه التيلفون)
سول:وحشتنى
اون سو:وانتى كمان
سول:هترجع امتى انا بقالى كتير ما شفتكش
اون سو:هخلص الشغل بس وعد
سول:اول مره تقعد وقت طويل كدة فى الصين
اون سو:بساعد يى فنغ مش انتى عارفه انه ساعات بيحتاج مشورتى
(بصت سول لبوران بحزن)
سول:اوبا وحش بعدك عنى الوقت ده كله
(ضحك بوران بمرح وشد منها التيلفون)
بوران:انا هتصرف مع الطفله دى ما تقلقش يا بابا
اون سو:خد بالك منها
بوران:طبعا يا بابا
اون سو:اوعى تكون قولتلها حاجه
بوران:لا طبعا ما قولتش
اون سو:ماشى
( قفل بوران مع اون سو لقاها واقفه مربعه ايديها وبصاله بشك)
سول:فى حاجه غريبه انت مخبيها عليا -_-
بوران:ابدا
سول:طب ليه ما ينفعش اجى معاك الصين اشوف بابا وما قولتش ايه
(هز بوران راسه بالنفى)
بوران:ما ينفعش انا حتى ما بعرفش اشوف بابا ولا اكلمه تقريبا كل يوم مع يى فنغ فى منطقه مختلفه
سول:ومن امتى اوبا بيتعب بابا فى امور الشغل -_-
بوران:احم..مش عايزة حاجه من الصين ابعتهالك مع بابا لما يرجع
سول:رد عليا
بوران:صدقينى انا معرفش السبب
سول:مش مريحنى ومش واثقه فيك وبابا لو مرجعش الاسبوع الجاى انا هروح الصين وهلف وراه الصين كلها مبدائيا
بوران:حاضر..يلا جهزى معايا شنطتى يا لمضه
سول:عايزة اجيب هديه لخطيبه يى فنغ
بوران:حاضر عايزه ننزل امتى يا ست سول
سول:بعد ساعه عندى معاد مع الدكتور وبعدين بقى نروح سوا نختار الهديه
بوران:الدكتور ليه انتى كويسه
(بصلها بقلق ومسك ايديها ضحكت سول بسخريه)
سول:علشان يفك الضماده من على ايدى
بوران:اه
(رن موبايل سول بصت لبوران وابتسمت وجريت من الاوضه بسرعه)
بوران:بتبيعنى فى ثانيه
(بصتله سول بغضب ودخلت اوضتها وقفلت الباب..مسكت الموبايل وردت عليه)
سول:الو
كيوهيون:اتأخرتى فى الرد ليه قلقت
سول:اصل اصل اناكنت بكلم بوران
كيوهيون:بوران هيمشى امتى
سول:الطياره بتاعته هتتحرك الساعه 12
كيوهيون:وحشتينى
سول:وانت اكتر
(خبط بوران على باب الاوضه وعلى صوته )
بوران:كان لسه هنا امبارح ملحقش يوحشك يعنى
(كان هاين عليها تخرج تولع فيه..ضحك كيوهيون بصوت عالى ..حطت ايديها على قلبها علشان ما يفضحهاش..ماسمعش صوتها لقاها ساكته)
كيوهيون:روحتى فين
سول(اتوترت):انا لا ابدا
كيوهيون:الغى المشروع خالص واجى
سول:انت بتاكل كويس
كيوهيون:شويه
سول:بتنام فى المكتب
كيوهيون:امبارح بعد ما سبتك روحت البيت غيرت هدومى ونمت شويه فى البيت
سول:انا شويه و هروح للدكتور كيم وبعدين هروح اجيب هديه لخطيبه يى فنغ ..بوران هيبقى معايا
كيوهيون:لو حصل اى حاجه عرفينى
سول:ما تقلقش عليا وكل كويس ماشى
(ابتسم برضى)
كيوهيون:حاضر
(دخلت جيهو المكتب)
جيهو:استاذ كيوهيون كل حاجه جاهزه للاجتماع
كيوهيون:هروح انا دلوقتى خدى بالك من نفسك والبسى حاجه تقيله الجو ساقعه
سول:حاضر
(حط التيلفون على المكتب وهو بيبتسم ..اول لما رفع عنيه ملامحه اتبدلت لوش بارد )
كيوهيون:ثوانى وجاى
(انحنت جيهو وخرجت ..لقى دونغهى دخل المكتب وهو مبتسم)
دونغهى:انا جيت كنت عايزنى ليه
كيوهيون:مش كنت قايلك تيجى امبارح يا بنى ادم
دونغهى:راحت عليا نومه
كيوهيون:راحت عليك نومه تبقى ساعه ساعتين مش 24 ساعه
دونغهى:تشغلش بالك انت بس..كنت عايز ايه
كيوهيون:هتدخل معايا دلوقتى معايا وتفهم المشروع ده يمكن ابوك يتأكد ان مفيش منك فايده ويسيبك فى حالك
دونغهى:ما تتكلمش بثقه بس كدة -_-
كيوهيون:يارب صبرنى
دونغهى:السكرتيره بتاعتى قالتلى ان بقالك اسبوع هنا ما بتروحش
كيوهيون:اه علشان المشروع الى المفروض حضرتك كنت تباشر فيه معايا
دونغهى:اه ما السكرتيره قالتلى انى كان لازم اساعدك فيه
كيوهيون:انت مش عارف اسمها
دونغهى:هو انا لازم اعرفه o.O
كيوهيون:طب عارف شكلها
(بصله دونغهى بعد فهم )
دونغهى:هى قصيره كدة
(شاور عند صدره)
دونغهى:تقريبا كدة وشعرها طويل
كيوهيون:قدامك خمس ثوانى يا تروح اوضه الاجتماع يا تروح بيتك بس لو لقتيك لسه فى مكتبى انا هرتكب جنايه
دونغهى:عنيف اوى كيوهيون دة
كيوهيون:1 2 3 4
(مكلمش خمسه وكان دونغهى جرى من قدامه..لم كيوهيون حاجته ودخل اوضه الاجتماع) ..فى مستشفى دكتور كيم)
دكتور كيم:اخبار الكدمات الى فى بطنك ايه
سول:الدوا الى انت وصفته كان كويس..اخويا بره وما يعرفش اى حاجه فلو دخل ارجوك ما تحكيش
دكتور كيم:من الاوليات بتاعتى هنا سريه استاذ كيوهيون لاى حاجه تحصل
سول:انا شاكره ليك جدا ..وياريت برضه والده
دكتور كيم:انا مليش اى صله بوالده
سول:هو حضرتك مش دكتور العيله
دكتور كيم:لا انا دكتور شخصى لاستاذ كيوهيون وحاليا حضرتك كمان
سول:اه معلش..انا افتكرت ان طبيب العيله قدام كيوهيون بيثق فيك اوى فاكيد يعرفك من زمان...وكمان لقيت حضرتك المره الى فاتت اهتميت جدا بالموضوع بشكل مباشر والى عرفته انك مدير المستشفى
دكتور كيم:هو استاذ كيوهيون ماقلكيش
سول:قالى ايه
دكتور كيم:ان المستشفى دى هديه منه من حوالى 7 سنين بعد مشروعه فى لندن ما نجح بنى المستشفى دى وسجلها بأسمى واكتفى بأنه حامل اكبر نسبه اسهم ورفض يدخل حد فى المستشفى علشان ما يزعجنيش
(ابتسمت سول ووشها احمر بخجل)
سول:هو اكيد بيعز حضرتك جدا
دكتور كيم:اول مره شفته كان تقريبا عنده 7 سنين دخل المستشفى بسبب محاوله انتحار بالمنوم الى جيه معاه وقته كان السواق ما قعدش غير فتره ما فاق من غسيل المعده .. كنت انا لسه دكتور تحت التدريب كنت بحاول اغيرله هدومه بلبس المستشفى وده كله فى دماغى انه اخدهم عن طريق الغلط بس لقيت رجله مليانه ندوب اثرها عصايه وكان فى على ضهره كدمات استنتجت طبعا انه عنف اسرى بس ما عرفتش الحقيقه غير بعدها بسنتين لما هرب من البيت واتصل بيا ..ضهره كان عليه خط طويل خيطتهوله بس طبعا مش باحتراف هو لسه سايب اثر عنده..ومن ساعتها كان تقريبا كل اسبوعين يجيلى المستشفى يعالج جرح جديد بعد ما بنى المستشفى دى اول حاجه عملها انه عمل عمليه تجميله لكل التشوهات والندوب الى فى جسمه ما عدا الى فى ضهره انا بحكيلك كل ده لانى عارف ومتأكد انه مش هيقدر يحكهولك انا معتبر نفسى مسؤول عن كيوهيون وانه زى ابنى ولما شفت منظره وهو جايبك المستشفى عرفت انك الشخص الى لازم اعرفك هو شاف ايه بتمنى كل الى حكتهولك يفضل سر ما بينا وتحافظى عليه
(كانت عنيها مليانه بدموع..قامت من على الكرسى انحنت للدكتور وخرجت ..اول لما بوران شافها)
بوران:فى ايه انتى كويسه
(اترمت سول فى حضنه واقعدت تعيط..طبطب بوران عليها لغايه ما هديت اخدها وركبوا العربيه وراحوا على البيت)
سول:انا هطلع انام
بوران:فى ايه ممكن تفهمينى انتى كويس الدكتور قالك حاجه
سول:اصل
بوران:اصل ايه
سول:كنت بسأله على حاجه تبع مريضه وعرفت انها تعبانه اوى ومفيش امل فى علاجها
بوران:مين دى
سول:واحده شفتها يوم ما روحت المستشفى
(اخدها بوارن فى حضنه)
بوران: انا قلبى وقف يا سول افتكرت انتى الى فيكى حاجه..لو عيزانى اتكفل بعلاجها واسفرها بره ابعتيلى كل البيانات بتاعتها والتحاليل وهبعتها
(ابتسمت ابتسامه بهتانه وطبطت على كتفه)
سول:الدكتور قال مفيش امل هنا او بره
(بصلها بوران بحزن وهى طالعه بتجر رجليها لاوضتها..مسكت موبايلها وكلمته)
كيوهيون:فى حاجه حصلت
(اول لما سمعت صوته دموعها نزلت حطت ايديها على وبقها علشان ما يسمعهاش..ثوانى وحاولت تتكلم بشكل طبيعى)
سول:لا انا كويسه انا بس قولت اكلمك دكتور كيم شال الضماده
(اتنهد كيوهيون براحه)
كيوهيون:بوران لما هيمشى هتقعدى فين
سول:هرجع على البيت بما ان كريستين مش هنا وهانا وحشتنى
كيوهيون:مش كريستين دى المربيه بتاعتك
سول:اه هى بس واخده اجازه هعلشان بنتها تعبانه وقاعده معاها
كيوهيون:انتى صوتك متغير فى حاجه
سول:لا مفيش ..انا عطلتك معلش
كيوهيون:انا اصلا ما كنتش بعمل حاجه
سول:مش عارفه ليه مش واثقه فى كلامك بس هصدقك روح كمل شغلك
كيوهيون:خدى بالك من نفسك
سول:حاضر
(حط كيوهيون الموبايل على الترابيزة وبصلهم ببرود)
كيوهيون:نكمل
(كان طقم سكرتاريه كيوهيون كله متنح اول مره يوقف اجتماع ويرد على مكالمه ويبقى صوته هادى وبيضحك)
دونغهى:انت كويس
(بصله كيوهيون بغضب)
كيوهيون:يلا نكمل
(قامت جيهو بسرعه تكمل العرض..وهو قاعد بكل برود بيبص فى الورق الى فى ايده..فى البيت عند سول)
سول:هوصلك المطار
بوران:لا
سول:ليه
بوران:مش عايزك تتعبى
سول:انا هركب معاك العربيه والعربيه هترجعنى البيت هتعب فين
بوران:لا يا سول
سول:ده انا نسيت اجيب هديه لخطيبه يى فنغ
بوران:انا هتصرف ما تزعليش
سول:لا استنى ثوانى
(طلعت بسرعه اوضتها ونزلت بعلبه متغلفه )
بوران:ايه دى
سول:الطقم دة كنت جيباهولها من فتره من قبل جوزاى حتى نسيت خالص كويس انى افتكرته
بوران:رغم انها ما بتعاملكيش حلو اوى -_- وانا ما بطقهاش
سول:بس اوبا بيحبها ودة كفايه ...وعقبال ما الاقيك بتحب واحده كدة
بوران:ساعات بحسك انتى الكبيرة والمسؤله عننا
سول:طب اجى معاك بقى
بوران:لو سمحت الكلام يتسمع
سول:طيب -_-
بوران:اول ما اوصل الصين هكلمك
سول:ماشى..وعرف بابا انه لازم يرجع بقى
بوران:حاضر
(بصلها بقلق)
بوران:هتعرفى تقعدى فى البيت لوحدك
سول:ودى اول مره هقعد فيه وكمان ما فى الخدم فيه عادى وبكره هرجع بيتى
(اخدها بوران فى حضنه)
بوران:برغم انى عارف انك مخبيه عنى حاجات كتير بس متأكد ان هييجى وقت وتحكيلى كل حاجه خدى بالك من نفسك يا صغنطط
سول:وانت كمان اوبا
(نعكش بوران شعرها بطفوليه وجرى ركب العربيه ..بصتله سول بقرف ..وطلعت اوضتها..مسكت التيلفون قعدت تلعب بيه ..كانت كل شويه تبص على رقمه وتحط الموبايل جنبها وتكرر كدة تانى فضلت سول على الحال ده كتير .. اخدت نفس عميق واتصلت بيه..رنت تلت مرات بالظبط..لما ملقتش اى اجابه حطت الموبايل جنبها باستسلام
(اتحركت بملل فى الاوضه شويه ..اتنهدت ونزلت الجنينه)
سوهيونج:اجيب لحضرتك حاجه
سول:شكرا روحى نامى الوقت اتأخر
سوهيونج:انا هبقى فى الاوضه لو حضرتك احتجتى حاجه
سول:شكرا
(قعدت على المرجيحه وطلعت كتاب قعدت تقرأه نص ساعه بالظبط لقته داخل جرى ووراه سوهيونج ماشيه بسرعه..كان على وشه علامات غضب ووشه كله لونه احمر)
كيوهيون:ماردتيش علي تليفونك ليه
(بصتله وارتبكت)
سول:اصل اصل انا سيباه فوق
(شدها اخدها فى حضنه)
كيوهيون:قولتلك خليه على طول جنبك
سول:رنيت عليك ولما لقيتك ما بتردش اتوقعت انك نمت
(بعدها عنه ولمس وشها وقعد يحركه)
كيوهيون:مفيش حاجه حصلت..انتى كويسه
(لفت ايديها حوالين وسطه وسندت راسها على صدره)
سول:اه بقيت كويسه
(طبطب عليها)
سول:هترجع الشغل
كيوهيون:لا هفضل هنا لغايه بكره
(بعدت وبصتله باستغراب)
سول:هتنام هنا
(هزراسه بالايجاب)
كيوهيون:ايوة مش هستريح اسيبك هنا لوحدك
(بصت سول على سو هيونج)
سول :ها..بس احنا هنا فى عندنا مساعدين كتير
(بصلها كيوهيون بمعنى مفيش فايده)
كيوهيون:يلا نطلع ننام
سول:طب هجبلك هدوم من عند بوران علشان تغير..ونام فى اوضتى وانا هنام فى اوضته
كيوهيون:لا هنام جنبك
(بصتله وقعدت تبربش كتير..مسكها من ايديها وطلعوا اوضتها)
كيوهيون:فين الحمام
(شاورت سول عليه)
سول:هدخل اجيبلك فوطه وهدوم من اوضه بوران بسرعه
(خرجت من الاوضه جابتله الهدوم وادتهاله)
سول:اتفضل
كيوهيون:شكرا
(قعدت على سريرها مبتسمه ..لغايه ما خرج من الحمام هدوم بوران كانت نسبيا طويله عليه..حاولت تكتم ضحكتها)
كيوهيون:احم
سول:شكلك بيرفيكت
كيوهيون:انتى كان قصدك -_-
سول:ابدا..هات هدومك اخليهم يغسلوها مش هينفع تروح ابدا بهدوم بوران الشغل
كيوهيون:ياااه
سول:مش هتستغطى الجو ساقعه
كيوهيون:مش سقعان
(مسكت سول ايده)
سول:انت قطعه تلج
كيوهيون:بس مش سقعان
سول:هتعرف تنام وانا معاك فى الاوضه
(هز كيوهيون راسه وراح مدد على السرير وفتح دراعه)
كيوهيون:تعالى هنا
(ابتسمت وراحت جنبه..لف ايده حوالين وسطها..طبطت سول على ضهره.. غمض عنيه باستسلام)
كيوهيون:عمرى ما نمت جنب حد كنت دايما بنام فى سرير لوحدى وتقريبا من سن تلت سنين بقيت انام فى الاوضه من غير حد من الخدم..خايف اتعود انى ما اعرفش انام من غيرك
(غمضت سول عنيها بألم وكتمت دموعها مكتفيه بس انا بتطبطب عليه..اتقلب شويه فى السرير وبعدين نفسه تقل ..قامت سول اتعدلت فى السرير لمست وشه بالراحه دموعها نزلت من غير ما تحس ازاى حد يأذى الطفل دة حتى لو عدى ميه سنه هو هيفضل موجوع..قامت بالراحه من جنبه خرجت من الاوضه اول لما قفلت الباب قعدت على الارض وسمحت لنفسها تعيط..عيطت لغايه ما اكتفت دخلت الاوضه لقته بيقوم من على السرير )
سول:فى حاجه ايه الى قومك
كيوهيون:محستش بوجودك جنبى
سول:كنت بشرب بس
(راحت جنبه على السرير ومسكت ايده خلته يمدد غطته بالبطانيه زى الاطفال وحضنته ..لف ايده عليها وغمض عنيه..سندت راسها عند قلبه وهمست بصوت واطى)
سول:مش هخلى حد تانى يأذيك هحميك انا من النهارده
(فتحت عنيها تانى يوم لقته مش موجود بس لقت ورقه جنبها [نمت كويس هروح الشغل علشان ماكنش المفروض اسيبهم ما تسبيش موبايلك بعيد عنك ولما تصحى تكلمينى] ابتسمت وهى بتلمس الورقه حطتها جنبها واتصلت بيه)
كيوهيون:صحيتى
سول:ايوة..فطرت
كيوهيون:مستنى شيون ييجى وهنفطر سوا
سول:انا بحبك
(ما استنتش ردة وقفلت الموبايل بسرعه..بص للموبايل وضحك بصوت عالى حطه جنبه ومسك الملف الى فى ايده )
دونغهى:انت بتضحك ازاى اول مره اعرف انك بتعرف تبتسم وتضحك زى البشر
كيوهيون:انا عايز افهم انت لو اتجوزت ولادك هيطلعوا بنفس غبائك او انت جبت الجينات دى من مين
(دخل شيون المكتب وهو شايل الفطار)
شيون:بتقولوا جينات ايه
كيوهيون:جينات الغباء الى عنده
شيون:دى طلعاله ربانى
(بصلهم دونغهى بدون اى تعبير)
دونغهى:خلاص خلصتوا
شيون:انت زعلت
دونغهى:لا عايز اعرف انت جايب اكل ايه
شيون:انت يا بنى مش سألتك هتاكل قولت لا
دونغهى:ايوة دة كان من نص ساعه دلوقتى جعت
كيوهيون:هو بجد انا لازم اكمل فى الى انا فيه دة انا ما بنامش ومش عايز اسمع كلامكم
شيون:طب هنمشى احنا بقى ونجيلك بعدين
كيوهيون:والله ياريت تطلعوا بره هتبقوا كرمتونى
شيون:طب نفطر الاول بس
(دخلت جيهو المكتب)
جيهو:استاذ كيوهيون فى فاكس اتبعت بمعاد الاجتماع
شيون :امتى
جيهو :يوم التلات الجاى
دونغهى:انا مالحقتش
كيوهيون:قدامنا يومين ما تقلقش(بص كيوهيون لجيهو)عرفى الكل يخلصوا الى طلبته وتقدروا تروحوا وتيجوا بكره من بدرى
(انحنت جيهو وخرجت من المكتب)
شيون:هتسيبهم يروحوا
كيوهيون:اه طبعا هنزلهم بكره يوم اجازتهم وهيفضلوا سهرانين
دونغهى:هو ليه مش طيب كدة معانا
شيون:ساعات بسأل نفسى نفس السؤال على فكره
كيوهيون:افضلوا ارغوا كتير واحنا ورانا شغل قد كده
شيون:بالراحه حاضر
(مخرجوش من مكتب كيوهيون لغايه بليل)
شيون:الساعه بقت 10 مش هنروح ننام شويه
كيوهيون:ورانا حاجات كتير عايزين نخلصها
دونغهى:انا تعبت
كيوهيون:علشان اول مره تشتغل اصلا..ثانيه هقوم اطمن على سول ما كلمتهاش طول اليوم
شيون:براحتك
دونغهى:اتأخر ييجى تلت ايام كدة عادى حتى
(بصله كيوهيون بقرف وخرج من مكتبه واتصل بيها اول لما ردت عليه)
كيوهيون:انا اسف
(ابتسمت بخجل)
سول:علشان ما اتصلتش بيا طول اليوم ولا علشان اسباب تانيه
كيوهيون:علشان ما اتصلتش
سول:يبقى سامحتك
كيوهيون:انتى فين
سول:رجعت بيتنا
(ابتسم على الكلمه)
كيوهيون:اول مره حد يقولى بيتنا
سول:هو مش بيتنا الصغنطوط يعنى
كيوهيون:ده صغنطوط
سول:مش صغنطوط اوى يعنى
كيوهيون:اول لما اخلص المشروع ده هاخد اجازه ونسافر اى مكان انتى عيزاه
سول:انا عارفه انك اول لما تخلص المشروع ده هتنشغل بمشروع تانى وعلى فكره انا مش زعلانه انا ببقى فرحانه ما تشلش هم بس
كيوهيون:بحبك والله
سول:وانا بعشقك..يلا روح ريح شويه
كيوهيون:انا بستريح كدة
سول:لا روح غمض عنيك..مش عارفه اصلا بتنام هناك ازاى الجو ساقعه وانت اكيد مش واخد معاك هدوم كتير
كيوهيون:ماتخافيش عليا انا كويس
سول:امال هخاف على مين يعنى
كيوهيون:صح هتخافى على مين
(سكتت سول شويه )
سول:انت قاعد لوحدك فى الشغل
كيوهيون:لا معايا اتنين
سول:مين
كيوهيون:دة استجواب
سول:مين الى معاك
كيوهيون:شيون ودونغهى
سول:بس
كيوهيون:اه
سول:يعنى مفيش بنات
(ضحك كيوهيون بصوت عالى)
كيوهيون:شيفانى لاقى وقت
سول:بتطمن برضه
كيوهيون:اتطمنى يا ستى..تصبحى على خير
سول:وانت من اهله
(قفل كيوهيون مع سول ودخل مكتبه يكمل شغل..نزلت سول المطبخ )
هانا:فى حاجه
سول:عيزاكى تساعدينى
هانا:فى ايه
سول:عايزة اعمل صناديق اكل لكيوهيون واصحابه
هانا:ها؟؟...انتى حضرتك بتعرفى تعملى اكل
سول:لا معلشان كدة عيزاكى تساعدينى مش عايزة اكسف نفسى قدام كيوهيون واصحابه
(ابتسمت هانا وطبطت على كتف سول)
هانا:خلاص حضرتك اطلعى نامى وانا
سول:لا عايزة اعملهم معاكى
هانا:عارفه بس اكيد مش هتحضريهم من دلوقتى فعلشان كدة تطلعى تنامى وهصحى حضرتك الصبح بدرى تجهزيهم
سول:ماشى ^^
(طلعت سول بسرعه اوضتها بتحاول تنام بس قلبها بينبض زى بنت صغيره مستنيه الشمس تطلع بسرعه علشان اول يوم عيد..صحتها هانا بدرى ووقفوا فى المطبخ يجهزوا تلت صندايق للأكل..بعد ما خلصوا)
سول:بفكر اجيب وجبات جاهزه للطقم بتاع الشغل كان نفسى اعملهم بس اذا كان اخدت 4 ساعات فى 3 صناديق وكمان معرفش عددهم
هانا:حضرتك الى هتوديهم
سول:لا مش عايزة اروح هتكسف فهتصل ببيونج كى يبعتهم وعايزة ابعت برضه بطانيه لكيوهيون وهدوم جديده
هانا:خلاص حضرتك جهزى الى انتى عيزاه وانا هتصل ببيونج كى

(هزت سول راسها وطلعت الاوضه اخدت هدوم جديده لكيو وبطانيه خفيف ونزلت لقت هانا واقفه قدام الباب بتكلم بيونج كى)
سول:فى حاجه
هانا:انا اتصلت بمطعم يجهز صناديق غدا للموظفين بتوع استاذ كيوهيون وبيونج كى هيستلمهم ويوديهم الشركه
سول:انتى عارفه عددهم
هانا:اه طبعا الحاجات دى بتبلغ بيها اول بأول لاى ظرف لان ساعات ببعتلهم وجبات على اوامر استاذ كيوهيون
(حضنتها سول جامد)
سول:شكراا مش عارفه اوفيكى حقك بجد
هانا:لا طبعا دة واجبى
(طلعت سول الكريديت بتاعتها وادتها لبيونج كى وادته الشنطه)
سول:ماتنساش تدى لكيوهيون الهدوم وبعد ما توصل الحاجه تعالى على البيت علشان نتغدى كلنا سوا
(انحنى بيونج كى وخرج من البيت..بصتلها هانا بتوتر)
هانا:بس..
سول:ما تخافيش هقول انا لكيوهيون يلا نحضر الاكل بقى وننادى عليهم كلهم ييجوا ياكلوا ^^
(دخلت سول المطبخ ..وهانا ماشيه وراها بتطيع الاوامر..فى المكتب دخل بيونج جى مكتب كيوهيون)
كيوهيون:فى حاجه ايه الى جابك هنا سول كويسه
بيونج كى:مدام سول بعتت الحاجات دى لحضرتك واستاذ شيون واستاذ دونغهى
كيوهيون:سول o.O
بيونج كى:ايوة وطلبت صناديق اكل للموظفين كلهم
(حط بيونج كى الاكياس على الترابيزه انحنى لكيوهيون وخرج..قام دونغهى فتح الشنط)
دونغهى:بعتالك هدوم علشان تغير..ودى مكتوب عليها شيون..ودى كيوهيون ودى مكتوب دونغهى.. الله ^^
(طلع دونغهى صندوق الاكل وفتحه)
دونغهى:اووووه دة هى الى عملاه كمان
(فتح شيون علبته وقعد)
شيون:تقريبا كيوهيون انقذ المدينه فى حياته الى فاتت علشان كدة اتجوز سول
(ضيق كيوهيون حواجبه ..وخرج من المكتب كلمها..ردت عليه بلهفه)
سول:الو يا حبيبى
(ابتسم لثوانى..حمحم واتكلم بجديه)
كيوهيون:انتى تعبتى نفسك ليه
سول:علشان كنت عايزة اعملك كدة
كيوهيون:تعبتى نفسك على الفاضى
سول:ليه انتوا اكلتوا
كيوهيون:لا لسه كنا هنطلب اكل
سول:خلاص اعتبر انك طلبت الاكل ووصلك
كيوهيون:يعنى لسه فاكه الجبيره امبارح وعملتى اكل
سول:مش لوحدى هانا كانت جنبى خطوه بخطوه ولسه جنبى بتساعدنى اعمل الغدا
كيوهيون:غدا لمين قوليلها تعملك الى انتى عيزاه
سول:بنعمل اكل لكل الى موجودين فى البيت
كيوهيون:ليه
سول:اعتبره شكر منى انهم كانوا معاك الفتره الى فاتت
كيوهيون:هصرفلهم علاوات كلهم اطلعى ريحى
سول:ماشى اصرفلهم كلهم علاوات وبرضه هاكل معاهم مره ممكن
كيوهيون:ممكن
سول:ما تتريقش بقى دى لسه اول تجربه ليا
سول:ششش انا معملتش اى حاجه
كيوهيون:هتوحشينى
سول:وانت كمان
(قفل معاها ودخل المكتب)
شيون:الاكل حلو جدا
دونغهى(بوقه مليان اكل):ايوة جدا ولو مش هتاكل هاكله انا على فكره
شيون:ايوه انا هاكله
كيوهيون:على فكره انتوا بتاكلوا على حسى -_- مراتى انا الى بعتالى الاكل
(قعد كيوهيون على مكتبه واكل معاهم..وكملوا الشغل..بليل فى البيت)
سول:تفتكرى الاكل عجبه
هانا:اكيد
سول:طيب ليه مكلمنيش يا هانا L
هانا:ما كل الى داقوا الاكل عجبهم
سول:مش عارفه انا خايفه :\
هانا:طب ما تتصلى
سول:خايفه برضه اكلمه
(مسكت موبايلها وبعتتله رساله[فاضى]..مكملتش دقيقه ولقته بيتصل رمت الموبايل لهانا)
سول:ردى انتى ردى انتى
(بصتلها هانا وابتسمت)
هانا:مينفعش
سول:لا ردى انتى
(مسكت هانا الموبايل ثوانى واستقبلت المكالمه وحطت الموبايل بسرعه على ودان سول وجريت بصتلها سول بشر)
كيوهيون:اه فاضى
سول:احم..ازيك
كيوهيون:يعنى مكلمانى علشان تقوليلى ازيك
سول:بتطمن عليك
كيوهيون:ايوة كويس ..انتى كويسه
سول:ايوة
كيوهيون:عايزة تسألينى عن ايه
سول:انا ابدا خالص
(ابتسم بخبث)
كيوهيون:بجد يعنى
سول:ايوة..احم بالمناسبه يعنى ايه رأيك فى الاكل
كيوهيون:اكل ايه
سول:الاكل الى انا عملته
كيوهيون:هو دة كان اكل
سول:هو ما وصلش لمستوى انه يكون اكل حتى بالنسبه ليك ..كنت عارفه انى مش هعرف
(قفلت موبايلها ورمته على السرير بعصبيه)
سول:كان ممكن تجاملنى على فكره -_-
(بعتلها رساله بصتلها سول بقرف وفتحتها)
*انا كان قصدى ان دة مش اكل طبيعى*
(بعت بعديها صورة ليه وهو ماسك صندوق الاكل فاضى)
*انا ماحستش بيه غير لما خلص تفتكرى هعرف ارجع ابص للأكل البشرى تانى ولا انا اتعودت على طبخ الملاك خاصتى*
(بصت سول للرساله وتنحت)
سول:هو سخن لا حقيقى يعنى
*سطر مش هتلاقيه فى افلامك الى بتحبيها حتى ..بس بجد تسلم ايدك ممكن بقى اسمع صوتك علشان وحشانى طول اليوم*
(ضحكت واخدت الموبايل فى حضنها فتحت الصورة بتاعته وكبرتها باسته على خده)