Lost Soul

Part 12

افراج لولولولولولولى البارت ال13 فى قيد الكتابه 

_________________

كيوهيون:هخلص الشغل واجيلك عند عمو
سول:خلاص ما تتأخرش هنستناك ونتعشى سوا
كيوهيون:قوليلى عمو ما قالكليش حاجه
(قامت سول من على السرير لبسته جاكت البدله)
سول:حاجه زى ايه
كيوهيون:اى حاجه يعنى ..كان غايب ليه الفتره الى فاتت يعنى
سول:بصراحه الموضوع دة شاغلنى جدا معرفش ايه السبب فى انه مصر يرجع الصين وبينى وبينك انا قلقانه اوى عليه بابا خس جدا عن قبل كدة ووشه لونه اصفر واكله بقى خفيف مش عارفه متأكدة ان ف حاجه بس هو مش عايز يقول
(بعد كيوهيون عنها وقف قدام المرايه اتوتر)
كيوهيون:حاجه زى ايه
(بصتله سول بقلق وراحت ناحيته تعدل الكرافته بتاعته)
سول:معرفش ممكن مشكله فى الشغل ..بابا دايما لما بيبقى فى عنده مشاكل فى الشغل بيتوتر وبينسى اى حاجه فى حياته وبيركز عليها
كيوهيون:لو عايزة تسافرى معاه روحى
سول:بجد
كيوهيون:اه طبعا بجد..طالما قلقانه بس اسئليه الاول هينفع ولا لأ انا معنديش اى مشكله والصين مش بعيده لغايه ما يخلص اخر كل اسبوع هاجى حتى لو هشوفك ساعه وارجع كوريا للشغل
سول:واضح ان عندك وقت فراغ كتير
كيوهيون:ما هو انا مش هقدر ابعد عنك فتره طويله برضه
سول:هقولوا فعلا ولو وافق اروح معاه مش هتأخر عليك اسبوع او اتنين بالكتير اوى وهاجى بس اتطمن
كيوهيون:اعملى الى يريحك
(قرب منها وباس راسها)
كيوهيون:روح كملى نومك
سول:لا هغير هدومى بقى واروح اقعد مع بابا وحشنى
كيوهيون:ماشى
(لف كيوهيون واخد شنطته وقبل ما يخرج من الاوضه)
سول:كيوهيون
(بصلها بسرعه)
سول:انا بحبك على فكره
كيوهيون:وانا كمان بحبك على فكره
(ابتسم وخرج من الاوضه ونزل راح الشركه..نزلت سول اوضتها غيرت هدومها وراحت بيت بارك اون سو)
سول:بابا انا جيت
اون سو:انتى يا بنتى روحتى تنامى فى بيتك علشان تيجى هنا
سول:ايه هو انا ما وحشتكش الفتره الى غبتها عنى دى كلها ده حتى حرام عليك على فكره
اون سو:بس جوزك برضه يتضايق انتى بقالك اكتر من اسبوع بتيجى يوميا وسايبه البيت
سول:كيوهيون عارف انت غالى عندى قد ايه ومتفهم جدا ده حتى الصبح اقترح عليا انى لو عايزة اسافر معاك الصين اروح
(بصلها اون سو بقلق)
اون سو:تيجى معايا فين ما تهزريش
سول:ليه يا بابا هى دى اول مره
اون سو:انا مش بتفسح هناك انا بشتغل
سول:الغريب يا بابا انى كنت اصغر من كدة وبتاخدنى دلوقت لما كبرت بقي شغل
اون سو:لو كان شغلى كنت اخدتك بس ده شغل اخوكى ومش عايز حاجه تشغله او تقطع تركيزة
سول:انا مش هشغلكم خالص
اون سو:سول ارجوكى الموضوع دة مش هنتناقش فيه تانى
سول:طب هترجع تانى امتى الصين
اون سو :بكره
سول:بالسرعه دى ..انت لحقت وكمان ما قولتليش
اون سو:طالما اتطمنت عليكى ده كفايه عندى
سول:لا ما اتمطنتش
اون سو:ليه فى حاجه حصلت بينك انتى وكيوهيون
سول(بصتله بشك):بابا فى ايه
اون سو:ايه
سول:دى تقريبا عاشر مره من ساعه ما رجعت تسألنى نفس السؤال فى حاجه حصلت بينك انتى وكيوهيون.. حد قالك حاجه
اون سو:لا ابدا
سول:فطرت
اون سو:اه طبعا
سول:كويس علشان ما بفطرش غير مع جوزى
اون سو:بقى كدة
سول:ايوة..واعمل حسابك كيوهيون هيخلص الشغل وييجى يتعشى معانا..هتجرب النهارده اكلى
اون سو:وبقيتى تعرفى تعملى اكل
سول:خليت هانا تعملنى علشان اقدر اعملكم اكل النهارده
(طبطب اون سو على كتفها )
اون سو:كبرتى امتى يا سول
(اترمت سول فى حضنه )
سول:علشان تعرف ان فايتك كتير
اون سو:حقك عليا
(فى الشركه)
شيون:مزاجك متعكر ليه
كيوهيون:سبنى فى حالى دلوقتى
شيون:احكيلى بس ايه الى حصل
كيوهيون:مفيش
شيون:اتخانقت انت وسول
كيوهيون:لا بس
شيون:ايوة بس ايه
كيوهيون:خايف عليها
شيون:من ايه
كيوهيون:لما تعرف الى عند حمايا وخصوصا ان امله فى العلاج يكاد يكون معدوم اصلا
شيون:هى لسه متعرفش
كيوهيون:هو واخواتها رافضين يقولولها وانا مش عايز اخون امانته اكيد ليه سبب انه مش راضى يبلغ سول
شيون:اكيد هيقولها
كيوهيون:اتمنى
(بليل...وقفت سول فى المطبخ بتحضر العشا..دخل اون سو شاور للخدامه تطلع بره وقعد على الكرسى)
اون سو:عايزة اكلمك فى حاجه قبل ما كيوهيون ييجى
سول:ايه ده اخيرا هتتكلم معايا ..ايه الموضوع
اون سو:كيوهيون ما عملكيش حاجه
(سابت سول السكينه من اديها وبصتله بتوتر)
سول:هيعملى ايه يعنى اتكلم معايا على طول ارجوك وفهمنى
اون سو: اقصد ما ضربكيش ومعرفش بنات خالص من ساعه ما اتجوزوتوا
(ارتبكت ..ضغطت على ايديها وكملت تقطيع الخضار وهى بتضحك)
سول:ايه الكلام ده
اون سو:ردى عليا بشكل مباشر زى ما رديت عليكى يا سول
سول:لا ما حصلش ولا حاجه من الى بتقول عليها ممكن افهم بقى
اون سو:ملهوش داعى طالما محصلش
سول:ارجوك يا بابا دة شئ ليه علاقه بيا وبجوزى ولازم افهم ايه السبب فيه
اون سو:السبب فيه ميونغ سو
(جسمها كله اترعش ووقعت السكينه على الارض)
سول:هو.. هو جالك
اون سو:لا بعتلى جواب ما خلتش حد من اخواتك يقراه غير لما اجيلك الاول اعرف حقيقه الموضوع
سول:انت مش عارف كيوهيون يا بابا ازاى..
اون سو:لا مش عارفه يا سول..انا اه بحبه وبقدره بس كرجل اعمال ناجح يوم ما قابلتيه اول مره انا كنت فاكره شاب مثالى زى سمعته فى الاعمال لما اتقابلوتوا كذا مره ابتديت ادورعليه واكتشفت انه بتاع بنات وسمعت عن عصبيته وتغيراته المزاجيه كنت عايز ابلغك بس لقيت اسلوبك اتغير زى دلوقتى كدة مش عارف هو عمل ايه بس لقيتك بتضحكى زى زمان قبل ما تتخطبى لميونغ سو .. هو الوحيد الى قدر يخيلنى اشوفك بتتحركى فى البيت بمرح دة خلانى اقف ثوانى واتجاهل الموضوع ما هو لو وحش ما كنش بان عليكى السعاده دى كلها ..ولما جيتى طلبتى موافقتى على جوازكم بل واصريتى ولقيت فى فتره الخطوبه اعتدال منه الى حد ما مش هقول بشكل كلى اتوقعت انك قدرتى تسيطرى عليه صح بس لما ميونغ سو بعتلى جواب محتواه انه بيضربك وبيخونك ولما بوران رجع الصين قالى ان دراعك مكسور وفى خدوش ابتديت اشك فى صحه الجواب دة سبب استعجالى فى رجوعى
سول:وانا من الاول ماكنتش هحكيلك يعنى لو كان حاجه من دى حصلت
اون سو:نظرتك يوم ما طلبتى موافقتى بتبين انك مستعده تعملى اى حاجه علشانه
سول:هعرفك السبب ليه ميونغ سو بعتلك حاجه زى دى..انا مش عايزك تتعصب هو عمتا كيوهيون عمل اكتر من الى حد هيعمله
اون سو:قلقتينى
سول:احم فاكر لما سافرت لندن مع كيوهيون بعد جوازنا على طول علشان شغله
اون سو:فاكر كويس
سول:الصراحه كان كيوهيون رايح يعمل صفقه مع ميونغ سو بس ماكنش يعرف لسه انه خطيبى الاول..كيوهيون سابنى فى الفندق وعمل اجتماع مع عميل بخصوص شركته فى لندن والمفروض كان فى اجتماع بعدها مع ميونغ سو وبرضه فى الفندق ..ميونغ سو اتعرضلى وضايقنى وقتها وكيوهيون شاف الموقف وضربه ولغى الصفقه الى ما بينهم والى حد ما خرب شركه ميونغ سو بس فعلشان كدة قرر يشوه صورته قدامك
اون سو:ازاى ما تحكليش انه ضايقك
سول:بصراحه بعد الى كيوهيون عمله معاه قولت ملهوش داعى تانى نذكره وننساه خالص من حياتنا كأن ماكنش ليه اى اثر
اون سو:لما ييجى كيوهيون حسابه معايا
سول:ممكن ما تغضبش بس وتحاول تسمع منه الموضوع بهدوء
(دخلت سوهيونج المطبخ ووراها كيوهيون)
سوهيونج:استاذ كيوهيون وصل
سول:شفت ما لحقتش اعمل الاكل
كيوهيون:ايه دة انتى الى هتعملى الاكل
سول:ايوة علشان بابا يجرب
كيوهيون:ازيك يا عمو
اون سو:انا الحمد الله بخير..كويس انك ما خلصتيش الاكل احنا هنخرج بره فى الجنينه نتكلم شويه لغايه ما تخلصى
سول:ماشى
(خرج اون سو من المطبخ جيه كيوهيون يخرج لقى سول مسكته من ايده وهمست فى ودنه)
سول:فى موضوع طويل هحكهولك بعدين بس المهم بابا عرف ان ميونغ سو ضايقنى فى لندن فلما ييجى يسألك جاوبه بوضوح انت عملت ايه فى شركته وهو ضايقنى ازاى وما تقولش كلمه زياده
(بصلها كيوهيون بشك)
كيوهيون:حاجه حصلت ايه
سول:هحكيلك بعدين يلا روح لبابا علشان ما يستناش
(هز كيوهيون راسه وخرج من المطبخ راح قعد مع اون سو)
اون سو:تشرب حاجه
كيوهيون:لا شكرا يا عمو
اون سو:ممكن افهم ايه موضوع ميونغ سو وليه ما جبتليش سيرته
كيوهيون:ضايق سول واحنا فى لندن فببساطه انتقمت
اون سو:بس مش لدرجه انك تدمر شركته
كيوهيون:طالما سول نزل من عنيها دموع يبقى انى ادمر شركته حاجه بسيطه ده جرحها حتى وانا واقف جنبها وانا مقبلش ان حد يزعلها
اون سو:عارف يا كيوهيون انا وافقت على جوازك من سول ليه
(بصله كيوهيون باهتمام)
اون سو:علشان هى الى طلبت والحت انى اوافق انا لسه قايلها الكلام ده انت كرجل اعمال احترمك بس كأنسان انت عارف كويس انت كنت بتعمل ايه
كيوهيون:ايوة بس سول ساعدتنى انى اغير الشخص الى انا اتعودت عليه
اون سو:برغم انى ما بثقش فى قدره الواحد انه يتغير تماما بس انا اديتك الفرصه بانى وافقت اجوزك بنتى ..وامنتك عليها انت لازم تحفظها كويس ولو مقدرتش وحسيت انك هتأذيها ارجوك رجعها لاخواتها انت عارف ان ايامى معدوده وقلقى الوحيد هى سول مش خايف على اخواتها لانى عارف ومتأكد هما هيكملوا حياتهم ازاى بس سول من غير حد جنبها بتبقى جبانه وبتحتار يمكن ده اتغير شويه وده واضح جدا من ساعه ما رجعت من السفر بس هتفضل هى الصغيره بهجتى الى نورت حياتى حافظ عليها يا كيوهيون واحفظ السر بتاعنا لغايه ما ييجى الوقت المناسب اخر محاوله فى العلاج هتبدأ بعد يومين لو فشلت انا هرجع كوريا واعرف سول كل حاجه
كيوهيون:ما تخافش ما بلغتهاش حاجه..وبالنسبه لامانتك انا شاكر ليك انك ادتنى بهجتك لانها سبب اساسى انى اعيش دلوقتى
(دخلت سول الجنينه)
سول:ايه مش هتاكلوا بقى
اون سو:خلصتى
سول:ايوة يلا
(جريت سول عليهم ومسكت اون سو من ايده علشان تسنده يقوم)
سول:انا قررت هنبات هنا النهارده بما ان بابا مسافر بكره
كيوهيون:ها
سول:مفيش اعتراض طب كويس ماشى
اون سو:جوزك وراه شغل ولازم يصحى يروحه
سول:ماشى هحصيه بدرى ساعه يروح يغير هدومه او مش مشكله هديله هدوم بوران يروح بيها
(بصلها كيوهيون بطرف عينه)
اون سو:ما اظنش هتبقى لايقه
سول:هتبقى مسخره
كيوهيون:لا بجد
سول:ندمانه انى ما صورتكش ..بابا يارب يعجبك الاكل
اون سو:طبعا هيعجبنى مش انتى الى عملاه
(قعدوا كلهم على ترابيزة السفره وابتدوا ياكلوا)
سول:عجبك يا بابا
(بصلها اون سو بحزن ورسم ابتسامه على وشه)
اون سو:جدا
سول:اجى معاك الصين بقى اعملك الاكل
اون سو:بنت قولنا ايه
سول:حاضر -_-
(بعد ما خلصوا عشاهم قعدوا فى الجنينه واتكلم كيوهيون واون سو عن الشغل)
اون سو:انا هطلع انام شويه
سول:واحنا كمان هنطلع اكيد كيوهيون تعبان
اون سو:تصبحوا على خير
(طلع اون سو اوضته..وطلعت سول و كيوهيون اوضتها)
سول:هجبلك هدوم تغير
كيوهيون:قبل اى حاجه انا عايزة اعرف ايه الى جاب سيره ميونغ سو ايه الى حصل
سول:هقولك بس ماتعليش صوتك
كيوهيون(بنفاذ صبر):انطقى
(اتنهدت وقعدت على السرير)
سول:بعت لبابا جواب مضمونه انك بتضربنى ولسه بتعرف بنات بابا من ساعه ما جيه وهو قلقان ولما بوران قاله ان ايدى مربوطه شك انك انت السبب
كيوهيون:هو الى حد ما مغلطش انا السبب فعلا
(مسكت ايده)
سول:اوعى تقول ان انت السبب ..هو انسان قذر مش انت السبب فى انه يكون عايز ينحط للدرجه دى
كيوهيون:عمو متضايق
سول:لاما اظنش لوكان متضايق ماكنش كلمك وفهم منك الموضوع
كيوهيون:طب كويس
سول:بس بصراحه
كيوهيون:قولى
سول:انا الى متضايقه انا مش متضايقه بس انا حاسه بصخره على قلبى
(دموعها نزلت على خدها وصوته اتحشرج)
سول:انا بكدب على بابا ومخبيه عليه عارف نفسى احيكله على كل حاجه من اول يوم شفتك فيه لغايه النهارده ويشوف انت اتغيرت قد ايه عيزاه يحبك عيزاه يفهمك زى ما انا فهماك بس انا عارفه انى بمجرد ما هتكلم هيبعدونى عنك وانا مش مستعده اخسرك حتى لو الموضوع دة تاعب قلبى بس انا موافقه على اى حاجه طالما هفضل معاك
(اخدها كيوهيون فى حضنه)
كيوهيون:انا اسف..اسف على كل حاجه يا سول انا بس بأذيكى مش عارف اعمل غير كدة
(رفعت راسها وبصتله فى عنيه)
سول:انت ما بتأذنيش يا كيوهيون انت بتحلى حياتى ما تفتكرش لو كنت اتجوزت واحد غيرك كان زمانى مبسوطه.. انا مبسوطه علشان معاك انت تشو كيوهيون اول واحد اترمى فى حضنه بعد بابا لما احتاج اعيط الى ما بقتش اعرف كلمه امان طول ما هو مش موجود جنبى
كيوهيون:انا بحبك اوى
سول:وانا كمان
(بصت سول فى عنيه جامد اول مره تبصله بالطريقه دى )
كيوهيون: احم ايه بقى مش هنام
سول:لا طبعا هننام
(اخدها كيوهيون فى حضنه وطبطب عليها)
سول:معامله الاطفال دى كتير على فكره
كيوهيون:مش عارفه اخدك على محمل انك اكبر من 10سنين
(بصتله سول بطرف عنيها)
سول:نعم
كيوهيون:نامى نامى
(غمضت عنيها باستسلام..تانى يوم فاق كيوهيون غير هدومه ونزل تحت لقى سول واقفه مع الخدم بتجهز الفطار)
كيوهيون:صباح الخير
سول:صباح النور ..ثوانى وكوبايه القهوه بتاعتك هتكون جاهزه لغايه ما الفطار يخلص
كيوهيون:تسلميلى
(قربت سول منه وهمست )