لقيت واحد الطوموبيل كتكلاكصوني وتعاود وتعطيني الضو عنكشاتني كاع في الطريق خويت الطريق باش تدوز جات حتى تقابلت معايا هبط الزاج وخنزر فيا وخلا غير الريح وراه معجبنيش الديكور غادية في الطريق ونعاير حتى وصلت عند حنان شافتني تمت جاية لابسة كسوة حد الركبة كتبان تيتيزة هي بيضة وشعرها قهوي والعوينات طياحين مطويلاش بزاف ولكن لاطاي ديالها 😍😍مهم داكشي ديال الأنوثة كتحماق على الموضة والماكياج عكسي لي معنديش مع هاد التخربيق
حنان: لازيدي واحد شويا البقرة باقي الحال
زينب: طلعي بركا من الطنز راه مراشقاش ليا
حنان: أمال بنادم قالب وجهو ياكما ضاربتي في الطريق عوتاني المستوطنة
زينب: موقفش أما كون وريتو التخنزير بشحال كيتقام
حنان: مكتساليش فيما تخرجي خاصك تضاربي في الطريق أجي بعدا شي تيتيز😍😍 اولا شي شارف بحال المرة لي فاتت
زينب: الله يعطيك الساحق والاحق والرصاص المتلاحق هادشي فاش حادكة هو محققتش فيه مزيان ولكن واحد الحديدة عندو 😍😍احححح مكرهتش حتى نخدم ونحقق ذاتي ونشري فحالها
حنان: إن شاء الله بعد 40 سنة ودابا قلعي راه تعطلنا
كسيريت نيشان نالمول دخلنا والمجحومة ديال حنان سخفتني ندخل من هنا نخرجو من لهيه كلشي بغاتو وشي مخداتو كنحسدها عندها السوفل لهادشي أنا عيت وهربت ناخد الكلاص حتى تسالي وتلحق عليا خديت لكلاص وأنا غادية كنلتاهم فيه حتى بان ليا داك المخنزر كالس مع مجموعة ديال الدراري والمفاجأة كنسمع السيد وبكل وقاحة كيهضر عليا😤
المخنزر:واحد خيتي فقصاتني في الطريق مخاليت كلاكسون ضو درابتو عليها وهي والو لابغات تزعزع صايكة ليا ببوشة وداوية في التليفون مفهمتش علاش كيعطيوهم للبرمي اهادو😏
الشخص 1: واغير شوف أوكان شي تيتيزة ياك
الشخص2: واكون ماكانتش تيتيزة غيتنازل الأخ ويدوي عليها
المخنزر: اشمن تيتيزة تكاعدو ت... كتخلع بالنهار
أنا سمعت هضرتو مرضيتش "واخا يا المخنزر المتعجرف هانا نوريك كتخلع بالنهار كيدايرة ونوريك تقول ليا على طوموبيلتي ببوشة أنا الوحيدة لي تقول ليها ببوشة" تميت غادية جيهتهم بشوية كنتمختر حتى قربت حداه أوهوووب درت راسي تعكلت وكلاصي الحبيب😭ولا فوق قميجة المتعجرف 😂😂 عبرت عليه باش يتعلم يهضر عليا رجعت تعبير البراءة في وجهي😇وقلت
زينب: 😇ooops je suis vraiment désolé مشفتكش
المتعجرف معصب: 😠 أوووووو مكتشوفيش قدامك بان ليك فين تتعكلي
زينب: أنا أش غادي ندير ليك إيلا كان الكلاص ختارك بالعكس خاصك تكون فرحان المهم كنكرر الإعتدار ديالي ومشيت حسيت بيه مرضاش ومبغاش يبين قدام صحابو تلاقيت حنان ورجعتها لدارهم وغادية وتفكيري كامل مع هاداك المتعجرف عصبني ولاكن مبقاش فيا الحال حيت فديت دقتي😂تبا كم أنا شريرة😈
دخلت نالدار لقيتهم حاطين العشا كيتسناو فيا تعشنا ودردشنا شويا وسولني بابا على الستاج طلعت نبيتي هضرت مع داك المتسول ديال علي فكينا موضوع الكادو دخلت دوشت يالاه خارجة من الدوش وهي تبان ليا لباتول جالسة فوق الناموسية وكتضحك هاد الضحكة أعرف مغزاها الباتول الله يسمعنا خبار الخير
YOU ARE READING
صفقة زواج من متعجرف
Humorقصة مغربية زوينة ..قريتها عجباتني وبغيت نشاركها معاكم ..كتجمع مابين الحب الرومنسية الكوميديا،وأكيد شي حوايج خرين تعرفو عليهم اثناء القراءة.... بقلم مينو_كيم
